| e-texts navigator |
| Wylie |
326a1 ཟིལ་ལྟ་བུའི་ཁ་དོག་ལ། །སྦྲུལ་ནག་སྟོང་གིས་རབ་བརྒྱན་པའི། །གཤོག་པ་མཁའ་ལ་གདེངས་པ་བསྒོམ། །ཀླུ་རྣམས་དང་ནི་སྤྲིན་དག་ལ། །རྡོ་རྗེ་ཚིག་ཏུ་བསྒོ་བ་ནི། །ཆར་ཆེན་ཕོབ་ལ་མེ་སོད་ཅེས། །ཐོས་ནས་སྤྲིན་ཚོགས་བུམ་པ
326a2 ཡི། །ཆར་གྱིས་མེ་ཡང་གསོད་པར་འགྱུར། །གཤོག་པས་མེ་ཉིད་བཀབ་ནས་སུ། །མཆུས་བརྐོས་ཆུས་ནི་མཚམས་བཅད་ན། །བསྐལ་པའི་མེས་ཀྱང་འཚིག་མི་ནུས། །ོཾ་བཛྲ་ན་ར་ཡ་ཎ། ནི་རྦ་བ་ཡ་ཏི་ན་བ~ཾ་བུ་མེ་གྷེ་ཧཱུ~ཾ་ཞེས་གསུངས་སོ། །དེ་ལ་འདི་ནི་ཐོག
326a3 བཟློག་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །བདེ་བ་ཆེན་པོ་ཞེས་བྱ་བ། །ཞལ་གསུམ་ཕྱག་བཞིར་རྣམ་པར་གནས། །སྟོན་ཀའི་ཟླ་བའི་མདོག་འདྲ་བ། །སྙེམས་མ་དང་ནི་བྱམས་མ་དང་། །ཆུ་སྲིན་རྒྱལ་མཚན་ཞེས་བྱ་བ། །མེ་ཏོག
326a4 རོལ་པ་ཞེས་བྱ་ཡི། །ལྷ་མོ་བཞི་ཡིས་རྣམ་པར་བསྐོར། །གཡས་པའི་ཕྱག་གིས་རྡོ་རྗེ་གསོར། །གཡོན་པའི་དྲིལ་བུ་དཀུར་བརྟེན་པ། །ཕྱག་གཉིས་མདའ་གཞུ་འགེངས་པ་སྟེ། །སྐུ་ལས་སེམས་དཔའ་འབྱུང་བའི་སྤྲིན། །ཐོར་ཚུགས་གསལ་བ་རྣམ་པར་བསྒོམ། །
326a5 ནམ་མཁའ་ལས་ནི་བབས་པ་ཡི། །ཐོག་ནི་རང་རིག་སྔགས་ཀྱིས་བཟློག་།~ཾ་མ་ཧཱ་སུ་ཁ་བཛྲ་ཆེ་གེ་མོ་ཛ། ཨོ~ཾ་སུ་ར་ཏ་བནྡྷ་ཧཱུ~ཾ་ཕཊ་ཅེས་གསུངས་སོ། །དེ་ལ་འདི་ནི་གཞན་གྱི་ལྕེ་གནོན་པའི་ཐབས་སོ། །མར་གྱི་ཚེས་བརྒྱད་བཅུ་བཞི་ལ། །དུར་ཁྲོད་སོལ་བ་བླངས
326a6 ནས་སུ། །སྔགས་ཀྱི་བདག་པོར་བསྒོམས་ནས་སུ། །དབང་ཆེན་དཀྱིལ་འཁོར་སྟེང་དུ་ནི། །མི་སྙན་སྨྲ་བའམ་ཤགས་རྒོལ་བའི། །ལྕེ་ཡི་གཟུགས་སུ་བྲིས་པ་ཡི། །སྟེང་དུ་ཟླ་བའི་དཀྱིལ་འཁོར་ལ། །རྡོ་རྗེ་རྒྱ་གྲམ་བསྒོམས་པ་ཡི། །དབུས་སུ་རི་རབ་བསྐྱེད
326a7 པར་བྱ། །དེ་སྟེང་བདག་གིས་མནན་བསམས་ན། །ཚིག་དབང་ལྷ་ཡང་དབང་འགྱུར་ན། །ཤགས་ལ་སོགས་པ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་པྲ་དབབ་པ་བསྒྲུབ་པའི་ཐབས་སོ། །ལོ་གྲངས་བཅུ་གཉིས་ལོན་པ་ཡི། །ཁྱེའུ་བུ་མོ་གང་ཡང་རུང་། །
iiif viewer powered by OpenSeadragon
