| e-texts navigator |
| Wylie |
325b1 སེར་བ་གཅད་པའི་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །རྟ་མཆོག་དཔལ་ནི་རྣམ་པར་བསམ། །ཉི་མའི་མདོག་འདྲ་འོད་བཟང་ཞལ། །ནམ་མཁའ་ཁྱབ་པར་རྣམ་པར་གདངས། །ལྕེ་ཡི་སྟེང་དུ་ཧཱུ~ཾ
325b2 བཞག་སྟེ། །མེ་རི་འོད་དང་བཅས་པ་ཡིས། །ཆར་ཆུས་གང་བའི་སྤྲིན་རྣམས་ཀུན། །བསྐམ་ཞིང་ལྕེ་ཡིས་བླངས་བསམས་ན། །སྐམ་པར་འགྱུར་བར་གདོན་མི་ཟ། །ཡང་ན་ལྕེ་སྟེངས་དེ་ཉིད་དུ། །ཡ~ཾ་ལས་རླུང་དུ་བསྒོམས་ནས་ནི། །བུས་པས་སྤྲིན་རྣམས
325b3 གཏོར་བར་འགྱུར། །ཡང་ན་རལ་གྲིའི་ཕྱག་རྒྱ་ཡིས། །ཆར་སྤྲིན་དང་ནི་ཀླུ་ཡི་གཟུགས། །བཅད་ཅིང་དུམ་བུར་གཏུབས་བསམས་ཏེ། །ཧཱུ~ཾ་ཞེས་བྱ་བའི་སྡིགས་མཛུབ་ཀྱིས། །བསྡུས་ཏེ་རང་རིག་སྔགས་བཟླས་ན། །འཇིག་པའི་ཆར་ཆེ་དེ་རྣམས་ཀྱང་། །སྐད་ཅིག
325b4 ན་ནི་མེད་པར་འགྱུར། །ཞེས་གསུངས་སོ། །དེ་ལ་འདི་ནི་བགེགས་བསལ་བའི་ཐབས་སོ། །ནམ་མཁའི་དབུས་སུ་ཉི་མ་ཡི། །དབུས་སུ་ཁྲོ་བོ་རྣམ་བསྒོམ་པ། །མི་གཡོ་མགོན་པོའི་ཕྱག་རྒྱ་ཆེ། །རིག་པ་མང་པོས་བསྐོར་བའོ། །རང་རིག་སྔགས་དང
325b5 སྟངས་ཚུལ་གྱིས། །ཧཱུ~ཾ་དང་ཕཊ་ཅེས་རྣམ་བསྒྲགས་ན། །ཁམས་གསུམ་དྲེགས་པ་ཐམས་ཅད་ཀྱང་། །རྡུལ་ཕྲན་བཞིན་དུ་རླག་པར་འགྱུར། །ཞེས་གསུངས་སོ། །དེ་ལ་འདི་ནི་ཆོམ་རྐུན་བཅིང་བའི་ཐབས་སོ། །རྐང་རྗེས་ས་དང་ཁྱི་ཁྲག་ལས། །མཚན
325b6 མ་མིང་དུ་བཅས་པར་བྱ། །མི་ཡི་རུས་པའི་ཕུར་བུ་ལ། །འོད་ཟེར་ཅན་གྱི་སྔགས་བཟླས་པས། །ལན་གྲངས་ཉི་ཤུར་བསྔགས་ནས་ནི། །མིག་གཉིས་སུ་ནི་གདབ་པར་བྱ། །གཟུགས་བརྙན་ཚོགས་ལ་ཕུལ་ནས་ནི། །རྡོ་རྗེ་གཏུན་ཤིང་དག་གིས་བརྡུང་། །
325b7 ཨོཾ་སུམ་བྷ་བཛྲ་མུ་ས་ལེ་ན་ཙུརྞཱ་ཡ་ན་ར་བིགྷྣན་ཧཱུ~ཾ་ཕཊ། ལས་འདི་བརྩམ་པ་བྱས་ན་ནི། །མི་རྒོད་བཟློག་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་མེ་བསད་པའི་ཐབས་སོ། །མེ་ནི་མཆེད་པའི་ས་ཕྱོགས་སུ། །མཁའ་ལྡིང་རྒྱལ་པོ་བྱ་ཁྱུང་ནི། །སྟང
iiif viewer powered by OpenSeadragon
