| e-texts navigator |
| Wylie |
325a1 རབ་ཏུ་གོམས་པ་དང་། །ས་ལ་འགྲོ་བཞིན་ནུས་པར་འགྱུར། །ཞེས་གསུངས་སོ། །དེ་ལ་འདི་ནི་ཐོགས་མེད་རླུང་གི་དངོས་གྲུབ་བསྒྲུབ་པའི་ཐབས་སོ། །ནམ་མཁར་རྡོ་རྗེ་དབུས་སུ་ནི། །ཟླ་བའི་དཀྱིལ་འཁོར་དབུས་གནས་པར། །ལྷ་ཡི་རྣལ
325a2 འབྱོར་བསྒོམ་པར་བྱ། །འོག་གི་ཕྱོགས་སུ་ཡ~ཾ་ལས་ནི། །རླུང་གིས་རབ་ཏུ་བཏེག་པར་བསྒོམ། །དེ་ལྟར་རབ་ཏུ་བསྒོམ་བྱས་ན། །མཁའ་ལ་བྱ་བཞིན་འགྲོ་བར་ནུས། །ཞིང་ཁམས་ཀུན་དུ་བགྲོད་པར་འགྱུར། །ཞེས་གསུངས་སོ། །དེ་ལ་འདི་ནི་ཉི་མ་གསལ་བ
325a3 ཞེས་བྱ་བའི་དངོས་གྲུབ་བསྒྲུབ་པའི་ཐབས་སོ། །སྐུ་གསུང་ཐུགས་ནི་རྡོ་རྗེ་ཡི། །སྙིང་གར་ཉི་མའི་དཀྱིལ་འཁོར་བསམ། །དེ་ལས་འོད་དུ་འཕྲོས་པ་ལས། །མུན་པའི་གནས་རྣམས་བསལ་བར་ངེས། །ཞེས་གསུངས་སོ། །དེ་ལ་འདི་ནི་རླུང་བཅད་པ་བསྒྲུབ་པའི
325a4 ཐབས་སོ། །བདག་ཉིད་རླུང་གི་ཕྱོགས་སོང་ལ། །སྟེགས་བུ་གྲུ་བཞི་ལྷམ་པར་བྱ། །སྤོས་ཀྱི་ཐིག་ལེ་བདུན་བྱས་ཏེ། །ཡ~ཾ་ལས་རླུང་བདུན་བསྐྱེད་པར་བྱ། །རླུང་ལྷ་དགུག་པ་བྱས་ནས་སུ། །ཁམ་ཕོར་གྱིས་ནི་དགབ་བྱས་ཏེ། །དེ་སྟེང་ལ~ཾ་ལས་རི་རབ་བསྒོམ། །
325a5 རི་རབ་རྩེ་ལ་ཁྲོ་བོ་ནི། །འབར་བ་དག་གིས་མནན་པར་བསྒོམ། །དེས་ནི་འཇིག་པའི་རླུང་རྣམས་ཀྱང་། །བཅིངས་པར་འགྱུར་བར་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཆར་པ་དབབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །
325a6 པདྨ་འདབ་མ་བརྒྱད་པ་བསྒོམ། །དབུས་སུ་ཁྲོ་བོ་སྟོབས་པོ་ཆེ། །འདབ་མ་ལ་ནི་ཀླུ་བརྒྱད་པོ། །བསྒོམས་སམ་ཡང་ན་བྲིས་ཀྱང་རུང་། །ཁྲོ་བོའི་ཞབས་ཀྱི་མཐིལ་གྱིས་ནི། །ཀླུ་རྣམས་རབ་ཏུ་མནན་ནས་སུ། །ཧཱུ~ཾ་གཉིས་བར་དུ་ཀླུ་རྣམས་ཀྱི། །སྙིང་པོ་སྤེལ
325a7 ཅིང་གཟིར་ནས་སུ། །ཀླུ་རྣམས་གནས་པའི་ས་ཕྱོགས་སུ། །ཧཱུ~ཾ་ཞེས་བྱ་བ་བཟླས་བརྗོད་བྱ། །ཁྲོ་བོས་མནན་པའི་ཀླུ་རྣམས་ཀྱི། །ཁ་ནས་ཆར་པ་སྐྱུགས་བསམས་ན། །འཇིག་དུས་ལྟ་བུའི་ཆར་པའང་འབབ། །ཅེས་གསུངས་སོ། །དེ་ལ་འདི་ནི་ཆར་པ་དང
iiif viewer powered by OpenSeadragon
