| e-texts navigator |
| Wylie |
324b1 སྔགས་གནོན་པ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །དབང་ཆེན་དཀྱིལ་འཁོར་བསྒོམས་ནས་ནི། །ལས་ཀྱི་སེམས་དཔར་བདག་གནས་ལ། །གཡས་པ་རྡོ་རྗེ་རྩེ་ལྔ་བཞག་།རིག་སྔགས་བྱེད་པ་བསམས་ནས་ནི། །ལས་ཀྱི་རྡོ་རྗེའི་རྐང
324b2 པ་དག་། དེ་ཡི་སྤྱི་ནས་མནན་པར་བསྒོམ། །རིག་སྔགས་ཉིད་ཀྱང་མནན་པར་བསམ། །དེས་ནི་མུ་སྟེགས་ཅན་དག་དང་། །ཕས་ཀྱི་རྒོལ་བ་ཐམས་ཅད་ཀུན། །མནན་པར་འགྱུར་ཏེ་ཐེ་ཚོམ་མེད། །ཅེས་གསུངས་སོ། །དེ་ལ་འདི་ནི་གཞན་གྱི་དཔུང་མནན
324b3 པ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །གཞན་གྱིས་མི་ཐུབ་ཁྲོ་བོ་ཆེ། །པདྨ་དམར་སེར་མདོག་འདྲ་བ། །ཤིན་ཏུ་ཆེ་ཞིང་བརྗིད་པ་བསྒོམ། །ཕ་རོལ་དམག་དཔུང་འོག་དག་ཏུ། །རླུང་དང
324b4 མཚོ་དང་ས་སྐྱེད་ལ། །དེ་ལ་གནས་པའི་དཔུང་རྣམས་ཀྱིས། །སྟེང་དུ་ཟླ་བའི་དཀྱིལ་འཁོར་བསམ། །དེ་སྟེང་རྡོ་རྗེ་རྒྱ་གྲམ་གྱི། །སྟེང་དུ་རི་རབ་རྣམ་པར་བསྒོམ། །དེ་ཡི་སྟེང་དུ་མནན་བསམས་ན། །སངས་རྒྱས་དཔུང་ཡང་གནོན་པར་ནུས། །མི་རྒྱལ་དཔུང
324b5 ལ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་དགྲའི་དཔུང་རྨོངས་པར་བྱ་བ་བསྒྲུབ་པའི་ཐབས་སོ། །དགྲ་འམ་དཔུང་གི་གཟུགས་བརྙན་དག་།བསམས་སམ་གཟུགས་སུ་བྱས་ནས་ནི། །རྡོ་རྗེ་ཕུར་བུ་ཚད་ལྡན་ལ། །ཧཱུ~ཾ་ལས་ཁྲོ་བོའི་སྐུར་བསྐྱེད་ནས། །
324b6 རང་གི་རིག་སྔགས་རབ་བཟླས་ཏེ། །སྙིང་གར་བཏབ་པར་རབ་བསྒོམས་ནས། །ཁྲོས་པས་བྱས་ན་སངས་རྒྱས་ཀྱི། །དཔུང་ཡང་མྱོས་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཆུ་ལ་འབྱིང་བ་མེད་པ་བསྒྲུབ་པའི་ཐབས་སོ། །ནམ་མཁའ་དབྱིངས
324b7 ཀྱི་དབུས་སུ་ནི། །སྔགས་ཀྱི་བདག་པོ་རབ་ཏུ་བསྒོམ། །ཆུ་ཡི་སྟེང་ནི་ཐམས་ཅད་དུ། །སངས་རྒྱས་དག་གིས་གཏམས་པར་བསྒོམ། །སྟེང་ནས་དལ་གྱིས་བཅག་པར་བསམ། །སངས་རྒྱས་དག་ནི་ཐམས་ཅད་ཀྱི། །སྤྱི་བོའི་སྟེང་དུ་རྐང་པ་བསྒོམ། །དེ་ལྟར
iiif viewer powered by OpenSeadragon
