| e-texts navigator |
| Wylie |
324a1 འཁོར་ཟླ་གམ་ནི། །ནམ་མཁའི་དབྱིངས་ཀྱི་དབུས་སུ་བསམ། །རྡོ་རྗེ་ཆོས་མཆོག་གཟུགས་སུ་བསམ། །སྙིང་གར་ཟླ་བའི་དཀྱིལ་འཁོར་ལ། །ཉིད་ཀྱི་སྙིང་པོ་བསམ་པར་བྱ། །རྒྱལ་བ་སྲས་དང་བཅས་རྣམས་ཀྱིས། །མཁའ་དབྱིངས
324a2 ཐམས་ཅད་གང་བར་བསྒོམ། །འོད་ཟེར་སྣ་ལྔ་འཕྲོས་པ་ཡིས། །འདོད་པ་ལ་ནི་དབབ་པར་བྱ། །དེ་ནས་བསྡུས་ཏེ་བདག་ཉིད་ཀྱིས། །སྐུ་གསུང་ཐུགས་ཀྱི་བྱིན་བསྡུས་ན། །སངས་རྒྱས་ཉིད་ཀྱང་དབང་འདུ་ན། །འགྲོ་བ་དབང་མེད་སྨོས་ཅི་དགོས། །ཞེས་གསུངས་སོ། །
324a3 དེ་ལ་འདི་ནི་རྡོ་རྗེ་དྲག་པོ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་སྟེང་དུ་ནི། །ཁྲོས་པའི་གཟུགས་རྣམས་བསྒོམ་བྱ་སྟེ། །བསྐལ་པའི་མེ་དཔུང་འཕྲོས་པ་ལས། །ཁྲོས་པའི་རྡོ་རྗེ་སྲིན་པོ་དང་། །སྣ་ཚོགས་ཝ་དང་བྱ
324a4 རོག་དང་། །བྱ་རྒོད་ཁྱི་ལ་སོགས་པ་ཡི། །ཕྲ་མེན་བསམ་ཡས་མི་བཟད་པས། །མཁའ་དབྱིངས་གང་བར་བསྒོམས་ནས་སུ། །སངས་རྒྱས་ཀུན་ལ་གནོད་བྱེད་ན། །དངོས་སམ་ཡང་ན་བསམས་ནས་ཀྱང་། །མཚོན་ཆ་ཐོགས་པ་དེ་དག་གིས། །སྙིང་དང
324a5 ནང་གྲོལ་དབང་པོ་ཀུན། །དྲངས་ཏེ་ཟོས་པར་རབ་བསྒོམས་ན། །དགྲ་རྣམས་འཆི་བར་ངེས་པ་སྟེ། །དེ་ལྟར་རབ་ཏུ་བསྒོམས་ན་ནི། །རྒྱལ་བ་རྡོ་རྗེ་འཛིན་པ་ཡང་། །ཟླ་བ་ཕྱེད་ཀྱིས་འཆི་འགྱུར་ན། །དམ་ཚིག་ཉམས་པ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི
324a6 སྐྱེ་འགྲོ་འདུལ་བའི་ཕུར་བུ་བསྒྲུབ་པའི་ཐབས་སོ། །སྡིག་པ་བྱེད་དམ་གནོད་བྱེད་པ། །རྡོ་རྗེ་ཕུར་བུས་གདུལ་བར་བྱ། །དུར་ཁྲོད་གནས་སམ་རྐང་གཅིག་ཏུ། །བདུད་རྩི་འཁྱིལ་པའམ་ཀི་ལིའམ། །གང་ཡང་རུང་བར་གནས་བྱས་ལ། །རྡོ་རྗེ་ཕུར་བུ་རབ་ཏུ་བསྒོམ། །
324a7 མེ་སྟག་འཕྲོ་བའི་འོད་འཕྲོ་བས། །རི་རབ་གླིང་བཞིའི་གཟུགས་བྱས་ལ། །རང་གི་སྔགས་ཀྱིས་གདབ་པར་བྱ། །དེ་ལྟར་རབ་ཏུ་གདབ་བྱས་ན། །འགྲོ་དང་མི་འགྲོ་ཐམས་ཅད་ཀུན། །དུལ་བར་གྱུར་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་གཞན་གྱི་རིག
iiif viewer powered by OpenSeadragon
