| e-texts navigator |
| Wylie |
323b1 སེར་པོ་སྤྲོས་པ་ཡིས། །ནད་རྣམས་སྟོང་པའི་གནས་དེ་དག་།བསྐལ་པ་ཡུན་དུ་གང་བསམས་ཏེ། །གོམས་པར་ཡང་དང་ཡང་བསམས་ན། །ནད་རྣམས་ཐམས་ཅད་སེལ་བར་བྱེད། །དེ་ན་འཁོར་བའི་སྐྱེ་བོ་རྣམས། །སྤྲུལ་པའི་བདེ་བ་ཐོབ་པར་འགྱུར། །
323b2 བདེ་གཤེགས་རྣམས་ཀྱིས་བྱིན་གྱིས་རློབ། །ཚེ་རིང་ལང་ཚོ་བདེ་བར་འགྱུར། །ཞེས་གསུངས་སོ། །དེ་ལ་འདི་ནི་ཞི་བ་བསྒྲུབ་པའི་ཐབས་སོ། །རབ་ཏུ་དབེན་ཞིང་ཉམས་དགའ་བར། །རྣམ་པར་སྣང་མཛད་བསྒོམ་པ་ནི། །ནམ་མཁའི་དབུས་སུ་ཟླ་བ་ལ། །
323b3 དཀྱིལ་འཁོར་ཟླུམ་པོ་བསམས་ནས་སུ། །རྣམ་པར་སྣང་མཛད་དཀྱིལ་འཁོར་བསྐྱེད། །སྙིང་གར་ཟླ་བའི་དཀྱིལ་འཁོར་ལ། །བུད་དྷ་ལོ་ཙའི་སྙིང་པོ་བསམ། །དེ་ལས་ལྷ་མོའི་སྐུར་སྤྲོས་པས། །མཁའ་དབྱིངས་ཡོངས་སུ་གང་བར་བསྒོམ། །སླར་འདུས་འོད་ཀྱི
323b4 ཐིག་ལེར་གསལ། །དེ་ཉིད་བདག་གི་ལུས་ལ་དབབ། །བདག་གི་བ་སྤུའི་བུ་ག་ནས། །སངས་རྒྱས་སྤྲིན་ཆེན་རབ་འཕྲོས་ཏེ། །འདོད་པའི་ལུས་ནང་གང་བར་བྱ། །སངས་རྒྱས་སྤྲིན་གྱིས་དེ་ལུས་ལ། །དབང་བསྐུར་བ་ནི་རབ་ཏུ་སྩོལ། །དེ་ཡིས་སྐད་ཅིག་དེ་ཡི་ཚེ། །
323b5 དྲག་པོ་གཏུམ་པོའང་ལྷན་ནེར་འགྱུར། །ཞེས་གསུངས་སོ། །དེ་ལ་འདི་ནི་རྒྱས་པའི་བསྒྲུབ་པའི་ཐབས་སོ། །ནམ་མཁའི་དབུས་སུ་ཟླ་བ་ལ། །ཆོས་ཀྱི་སེམས་དཔའ་བསྒོམ་པར་བྱ། །སྙིང་གར་ཟླ་བའི་དཀྱིལ་འཁོར་ལ། །གོས་དཀར་ཅན་གྱི་སྙིང་པོ་བསམ། །
323b6 དེ་ལས་གོས་དཀར་ཉིད་འཕྲོས་པས། །མཁའ་དབྱིངས་ཡོངས་སུ་གང་བར་བསྒོམ། །དེ་ལས་འོད་ཀྱི་གོང་བུ་ནི། །གྲུ་བཞི་ལམ་པར་གསལ་བར་བསྡུ། །བ་སྤུ་རྣམས་ཀྱི་བུ་ག་ནས། །རིན་ཆེན་སྤྲིན་ཆེན་རབ་སྤྲོས་པས། །རྡོ་རྗེ་ཆོས་སུ་བསྒོམས་ནས་སུ། །འདོད
323b7 པར་བྱ་བའི་ལུས་ནང་དགང་། །ཡང་ནས་ཡང་དུ་འདི་བྱས་ན། །བར་སྣང་ཅི་འདོད་རྒྱས་པར་འགེངས། །ནོར་བུ་རིན་ཆེན་བཞིན་འདྲར་འགྱུར། །དགོས་པ་ཕྲ་མོ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་དབང་དུ་བསྡུ་བ་བསྒྲུབ་པའི་ཐབས་སོ། །རྡོ་རྗེ་དཀྱིལ
iiif viewer powered by OpenSeadragon
