| e-texts navigator |
| Wylie |
322b1 སྲིད་གསུམ་སེམས་ཅན་ཐམས་ཅད་ཀྱི། ཤ་ཆེན་ཇི་སྙེད་ཡོད་པ་ཀུན། །ོ~ཾ་གྱི་འཕྲོ་འདུས་བསྡུས་ནས་ནི། །སྤྱོད་ཚེ་བདག་ལ་ཐིམ་པར་བསྒོམ། །གླང་པོ་དག་གི་ཤ་རྣམས་ལ། །ཧཱུ~ཾ་ལྕེའི་དམ་ཚིག་རྡོ་རྗེ་ལ། །རྡོ་རྗེ་ཅན་གྱི་ཧཱུ~ཾ་དུ་བསྒོམ། །ཡེ་ཤེས
322b2 ལྔ་ཡི་སྦྱོར་བ་ཡིས། །ཟོས་ན་དམ་ཚིག་སྐུ་གསུང་ཐུགས། །རྡོ་རྗེ་ཐོབ་པར་གདོན་མི་ཟ། །ཕྱག་ན་རྡོ་རྗེའི་མཐུ་སྟོབས་འགྲུབ། །ཆོ་ག་དེ་ཡིས་ནི། །གླང་པོ་དག་གི་ཤ་རྣམས་ལ། །ཧཱུ~ཾ་གི་འཕྲོ་འདུས་རབ་སྦྱངས་ཏེ། །ཟོས་ན་མངོན་ཤེས་ལྔ་ཐོབ་འགྱུར། །
322b3 རྟ་ཤ་དག་ནི་ཐམས་ཅད་ལ། །སྭ་ཡི་འཕྲོ་འདུས་རབ་སྦྱངས་ཏེ། །ཟོས་ན་མི་སྣང་ཀུན་གྱི་མཆོག་།ཁྱི་ཤ་དག་ནི་ཐམས་ཅད་ལ། །ཧ་ཡི་འཕྲོ་འདུས་རབ་སྦྱངས་ན། །དངོས་གྲུབ་རབ་འབྲིང་ཐ་མ་ཀུན། །ཡིད་བཞིན་ནོར་བུ་ལྟ་བུར་འགྱུར། །གཉིད་ཀྱི་དགྲ་ཡང
322b4 མོད་ལ་འཇོམས། །བ་གླང་ཤ་ནི་ཐམས་ཅད་ལ། །~ཾ་གྱི་འཕྲོ་འདུས་སྦྱང་བྱས་ཏེ། །ཆོ་ག་བཞིན་དུ་ཟོས་ན་ནི། །སངས་རྒྱས་ཀུན་གྱི་ལོངས་སྤྱོད་འཕྲོག་།མཐུ་ཆེན་ཀུན་གྱི་བུ་མོ་ཡང་། །སྤྱོད་པར་འགྱུར་བ་གདོན་མི་ཟ། །ཞེས་གསུངས་སོ། །དེ་ལ་འདི་ནི
322b5 རྡོ་རྗེ་མངོན་པར་ཤེས་པ་ལྔ་བསྒྲུབ་པའི་ཐབས་སོ། །རབ་ཏུ་དབེན་པའི་གནས་དག་ཏུ། །བདག་ཉིད་རྣམ་པ་ཀུན་ལྡན་པའི། །སྔགས་ཀྱི་ལུས་སུ་རྣམ་སྦྱངས་ནས། །མིག་གི་དབང་པོ་ཐམས་ཅད་ལ། །ཡིག་འབྲུ་ལྔ་ཡིས་རབ་སྦྱངས་ཏེ། །འོད་ཟེར་ལྔར་ནི་འཕྲོ
322b6 བ་ལས། །སངས་རྒྱས་སེམས་ཅན་ཐམས་ཅད། །མིག་གི་མངོན་ཤེས་ཀུན་བསྡུས་ནས། །དབང་པོ་དེ་ལ་ཐིམ་པ་དང་། །ཟོས་སམ་མིག་ལ་རྟག་བསྐུས་ན། །སངས་རྒྱས་སེམས་ཅན་ཐམས་ཅད་ཀྱི། །སྤྱོད་ཡུལ་ཇི་སྙེད་ཡོད་པ་ཀུན། །ཤིང་ཐོག
322b7 ལག་ཏུ་བཞག་པ་བཞིན། །རྡོ་རྗེ་མིག་གི་གསལ་བར་མཐོང་། །ཆོ་ག་གོང་མའི་ཚུལ་གྱིས་ནི། །རྣ་བའི་དབང་པོ་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། རྣ་བའི་མངོན་ཤེས་ཀུན་བསྡུས་ནས། །ཟོས་སམ་རྣ་བའི་ནང་བཞག་ན། །སངས་རྒྱས
iiif viewer powered by OpenSeadragon
