| e-texts navigator |
| Wylie |
321b1 བཤང་གཅི་ཟ་བའམ། །ཤ་རྣམས་ཟོས་ན་འགྲུབ་པ་ཡིན། །ཞེས་གསུངས་སོ། །དེ་ལ་འདི་ནི་རྡོ་རྗེ་མི་སྣང་བ་བསྒྲུབ་པའི་ཐབས་སོ། །དགོན་པའི་གནས་སམ་རི་བོ་དབེན། །མེ་ཏོག་འབྲས་བུ་རྒྱས་པ་རུ། །རང་གི་ལུས་ངག་སེམས་རྡོ་རྗེའི། །སྙིང་གར་ཟླ
321b2 བའི་དཀྱིལ་འཁོར་ལ། །འཇམ་དཔལ་ས་བོན་མུ~ཾ་དུ་བསྒོམ། །བདག་ལུས་དང་ནི་ཟླ་བ་དང་། །མུ~ཾ་རྣམས་རིམ་པར་ཇེ་ཞི་ལ། །སྟོང་པ་ཉིད་ཀྱི་རྣམ་པ་ལས། །སྙིང་རྗེ་མུ~ཾ་དང་ཟླ་བ་ལས། །རྡོ་རྗེ་འཇམ་པའི་ཕྱག་རྒྱ་བསྒོམ། །ལུས་དང་ངག་སེམས་རྡོ་རྗེ་ལས། །
321b3 རྡོ་རྗེ་འཇམ་པ་རབ་འཕྲོས་པས། །འཇམ་དཔལ་ཉིད་དང་འདྲ་བར་འགྱུར། །དཔག་ཚད་བརྒྱ་ཡི་ཁྱོན་ཙམ་དུ། །རྡོ་རྗེ་འཇམ་པའི་འོད་དང་བཅས། །རྒྱན་རྣམས་ཀུན་གྱིས་ལེགས་བརྒྱན་པའི། །འཇམ་དཔལ་ཉིད་དུ་ཀུན་གྱིས་མཐོང་། །མངོན་ཤེས་ལྡན་པའི་ལྷ
321b4 རྣམས་ཀྱིས། །ལུས་ཀྱི་རྣམ་པ་མཐོང་མི་འགྱུར། །དེ་ནས་སླར་ནི་བསྡུས་པ་ལས། །ཐུགས་ཀའི་མུ~ཾ་ལ་ཐིམ་བསམས་ན། །མཆོག་ཏུ་ཤེས་རབ་རྣོ་བ་དང་། །མཁྱེན་རབ་ཀུན་གྱི་བདག་པོར་འགྱུར། །ཐམས་ཅད་མཁྱེན་པའང་ཐོབ་འགྱུར་ན། །འཇིག
321b5 རྟེན་ཤེས་བྱ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་རིག་འཛིན་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་དག་ཏུ། །ཟླ་བའི་དཀྱིལ་འཁོར་བསམས་ནས་སུ། །རང་ཉིད་གང་འདོད་ལྷར་བསྒོམས་ཏེ། །སྐུ་གསུང་ཐུགས་སུ་བྱིན
321b6 བརླབས་པའི། །དམ་རྫས་བདུད་རྩི་རྣམ་ལྔ་ལ། །སྲན་མ་ཙམ་གྱི་རིལ་བུ་བྱ། །ལྕགས་གསུམ་ག་འུར་བཅུག་ནས་ནི། །ཁར་བཅུག་རང་གི་སྙིང་པོ་ལས། །རབ་ཏུ་གོམས་པར་འདི་བྱས་ན། །གང་འདོད་རིགས་འཛིན་གདོན་མི་ཟ། །མཐའ་ཡས་ཞིང་ཁམས
321b7 ཐམས་ཅད་ཀྱི། །རྡུལ་སྙེད་བཞུགས་པའི་སངས་རྒྱས་ཀུན། །དེ་ཡི་རྗེས་སུ་འབྲང་བར་འགྱུར། །དེ་ལ་སོགས་ཏེ་མཐའ་ཡས་མཆོག་།ཅེས་གསུངས་སོ། །ཡང་ན་རང་གི་ཕྱག་རྒྱ་སྟེ། །ནམ་མཁའ་དབྱིངས་ཀྱི་དབུས་དག་ཏུ། །ཟླ་བའི་དཀྱིལ་འཁོར་སྟེང་དུ་ནི། །
iiif viewer powered by OpenSeadragon
