| e-texts navigator |
| Wylie |
321a1 མོར་བྱུང་བ་དང་། །སྣ་རྩེ་ཉིད་དུ་གསལ་བར་བསྒོམ། །ཏིང་འཛིན་གསལ་བར་ཁུགས་པ་དང་། །སྣ་ཡི་རྩེ་ནས་ནམ་མཁའ་ལ། །ཇེ་རིང་ཇེ་རིང་ཕཊ་ཀྱིས་སྤྲོ། །རིང་དུ་སྤྲོ་བ་གོམས་པ་དང་། །འོད་དང་བཅས་པའི་ཡིག་འབྲུ་དེས། །ཕྱོགས
321a2 བཅུར་གནས་པའི་སངས་རྒྱས་ཀྱི། གསུང་གི་ཡི་གེ་ཇི་སྙེད་པ། །དབྱར་གྱི་སྤྲིན་སྤུང་འདུས་པ་བཞིན། །ཧཱུ~ཾ་གིས་སྙིང་ག་ཉིད་དུ་བསྡུ། །ཡུངས་ཀར་འབྲུ་ཚོད་དེ་ཉིད་ལ། །སྟོང་གསུམ་འཇིག་རྟེན་ཀུན་བཅུག་ཀྱང་། །དེ་ཡི་ནང་དུ་ས་ལེ་གསལ། །སྔགས
321a3 ཀྱིས་བརྟགས་པའི་ལྷ་རྣམས་ཀྱི། །གནས་སུའང་དེ་ཉིད་གསལ་བར་བསྒོམ། །དེ་ལྟའི་འཕྲོ་འདུ་ཡང་དང་ཡང་། །གོམས་པར་ཅི་ནུས་དག་ཏུ་བྱ། །དེ་ནི་གསུང་གི་ཕྲ་མོར་བཤད། །སོ་སོའི་གསུང་གི་ཡིག་འབྲུ་ལས། །ཕྱག་མཚན་ཡུངས་ཀར་ཙམ་དུ
321a4 གསལ། །སྙིང་ག་ཉིད་དུ་གསལ་བ་ནས། །རྒྱལ་བའི་ཕོ་བྲང་འདུས་ཀྱི་བར། །གོང་མའི་དེ་ཡིས་བྱ། །དེ་ནི་ཐུགས་ཀྱི་ཕྲ་མོར་བཤད། །སོ་སོའི་ཐུགས་མཚན་གསལ་བ་ལས། །རང་རང་ལྷ་ཡི་རྣམ་པར་གསལ། །ཐུགས་ཀར་ཡུངས་ཀར་འབྲུ་ཚོད
321a5 ཙམ། །གོང་མའི་ཚུལ་དུ་བྱ་བར་བཤད། །དེ་ནི་སྐུ་ཡི་ཕྲ་མོ་ཡིན། །དེ་ལྟར་ལྷ་ཚོགས་མ་ལུས་པར། །རིམ་གྱིས་ཡང་ན་ཅིག་ཅར་རོ། །ཅིག་ཅར་བསྒོམ་པ་ཤིན་ཏུ་དཀའ། །བདེ་གཤེགས་རྒྱལ་བ་སངས་རྒྱས་ཀྱི། །ཐམས་ཅད་མཁྱེན་པའི་སྤྱོད
321a6 ཡུལ་མིན། །རྣལ་འབྱོར་ཅན་གྱིས་རིམ་གྱིས་ནི། །གཙོ་ནས་འཁོར་གྱི་བར་དག་ཏུ། །ཡང་ནས་ཡང་དུ་གསལ་བར་བསྒོམ། །འདི་དག་བསྒོམས་པའི་ཡོན་ཏན་ནི། །སངས་རྒྱས་ཉིད་དུ་འགྲུབ་པར་ངེས། །ཐམས་ཅད་མཁྱེན་པ་བསྒྲུབ་པའི་མཆོག་།
321a7 སྐུ་གསུང་ཐུགས་ཀྱི་དཀྱིལ་འཁོར་ཀུན། །འདི་ལས་འབྱུང་བར་གདོན་མི་ཟ། །འདི་ཐོས་དངོས་གྲུབ་གཞན་རྣམས་ཀུན། །བསྒྲུབ་མི་དགོས་པར་གྲུབ་པ་ཡིན། །རྣལ་འབྱོར་ཅན་གྱིས་བསྒོམ་བྱས་ན། །ཟླ་བ་དྲུག་གིས་ངེས་པར་འགྲུབ། །ཟས་སུ
iiif viewer powered by OpenSeadragon
