| e-texts navigator |
| Wylie |
320a1 ཁྲུས་ཀྱི་ཆོ་ག་དག་པར་བྱ། །དྲི་ཞིམ་བྱུག་པས་ལུས་ལ་བྱུགས། །རྫས་ཀྱི་ཆུ་དང་རྫས་སྦྱར་བས། །ནང་ཡང་དག་པའི་ཁྲུས་བྱའོ། །དེ་ནས་བྱང་ཆུབ་སེམས་བསྐྱེད་དེ། །མི་དམིགས་དོན་ལ་སེམས་སྦྱར་ཕྱིར། །སྐྱེ་མེད་བྱང་ཆུབ་སེམས་ཀྱི
320a2 དོན། །རྒྱ་ཆེར་རབ་ཏུ་བཤད་པར་བྱ། །སྣང་སྲིད་ཕྱག་རྒྱའི་དཀྱིལ་འཁོར་དུ། །ལྷུན་གྱིས་གྲུབ་པར་ཡིད་ཆེས་བྱ། །དེ་ནས་བསྐུལ་བར་བྱ་བའི་ཕྱིར། །གསང་བའི་བརྡ་ཡིས་བསྲེ་བར་བྱ། །ས་མ་ཡ་ཧོ་ཞེས་བརྗོད་ན། །ས་མ་ཡ་སྟྭ~ཾ་ཞེས་པས་བསྲེ། །རཱ་ག་ཡཱ་མི
320a3 ཞེས་བརྗོད་ན། །ར་ཧོ་ཧ~ཾ་ཞེས་ཀྱང་ནི་བྱ། །ཏི་པ་སུ་ཀེ་ཞེས་བརྗོད་ན། །གན་དེ་ཙི་ཏ་ཞེས་པས་མཚོན། ། ཏི་པུ་ཧོ་ཞེས་བརྗོད་ན། །པྲ་ཏི་པུ་ཧོ་ཞེས་པས་མཚོན། །གཡས་པ་སྨིན་མ་བསྐྱོད་ན་ནི། །གཡོན་པའི་སྨིན་མས་དེ་བཞིན་མཚོན། །དེ་བཞིན
320a4 བརྡ་སྣ་ཚོགས་པས་བསྲེ། །དེ་ནས་བསྐུལ་བར་བྱ་བ་ནི། །ཤེས་རབ་ཉི་མའི་འོད་ཟེར་གྱིས། །ཐབས་མཆོག་ཟླ་བའི་འོད་ཟེར་ལ། །བསྐུལ་བའི་ཆོ་ག་འདི་སྐད་དོ། །མི་གཡོ་མཆོག་གི་རྒྱལ་པོ་དགོངས་སུ་གསོལ། །རྣམ་པར་རྟོག་བྲལ་ཤིན་ཏུ་དྲི་མེད་སྐུ། །
320a5 འོད་ཟེར་ཟླ་རྒྱས་འདྲ་བའི་མདངས་ལྡན་ཞལ། །དགྱེས་པའི་རོལ་པའི་དོན་ལ་གཤེགས་སུ་གསོལ། །ཐབས་མཆོག་ཟླ་བའི་འོད་ཟེར་གྱིས། །ཤེས་རབ་ཉི་མའི་འོད་ཟེར་ལ། །བསྐུལ་བའི་ཆོ་ག་འདི་སྐད་དོ། །འབྱོར་ལྡན་ཡིད་འོང་རྒྱལ་བ་རྒྱ་མཚོའི་དབྱིངས། །
320a6 ཤེས་རབ་ཟབ་མོ་རྣམ་དག་པདྨའི་མདངས། །རྫུ་འཕྲུལ་ཐབས་ལ་མཁས་པའི་སྤྱོད་མཆོག་མ། །འབྱོར་ལྡན་ཡིད་འོང་ཆོ་འཕྲུལ་སྣ་ཚོགས་སྟོན། །ཧོ། ཉི་མའི་འོད་ཟེར་གྱིས་བསྐུལ་བ། །ེ་མའོ་པདྨ་འབར་བའི་ཟེའུ་འབྲུ་འདི། །འཛུམ་པའི་མདངས་ཀྱིས
320a7 འབུལ་ལགས་ན། །དགྱེས་པའི་རྡོ་རྗེ་རབ་གསོར་ནས། །བྱང་ཆུབ་སེམས་སྤྲིན་དབབ་ཏུ་གསོལ། །ཟླ་བའི་འོད་ཟེར་གྱིས་བསྐུལ་བ། །ེ་མའོ། འོད་ཟེར་དགའ་སྟེ་ཡིད་འོང་མ། །སེམས་འཕྲེང་གདུངས་པའི་ཤེས་རབ་གཟུངས། །གའུ་འཁྲིལ་པའི་པདྨ་ལ། །རྡོ་རྗེ
iiif viewer powered by OpenSeadragon
