| e-texts navigator |
| Wylie |
318b1 ཕྱུང་ངོ་། །བསྙེན་བསྒྲུབ་ཡན་ལག་བསམ་ཡས་ཀྱང་། །དཀྱིལ་འཁོར་དག་ནི་ཐམས་ཅད་ལ། །རྣལ་འབྱོར་འཇུག་པའི་དོན་གྱི་ཕྱིར། །མདོར་བསྡུས་རྣམ་པ་བཞིར་བཤད་དོ། །ཐོག་མར་བསྙེན་པ་ཡིན་པར་བཤད། །གཉིས་པ་དག་ནི་ཉེ་བསྙེན་པ། །གསུམ
318b2 པ་བསྒྲུབ་པ་ཞེས་སུ་བརྗོད། །ཐ་མ་བསྒྲུབ་ཆེན་པོ་ཞེས་བྱ། །བྱེ་བྲག་ཏུ་ནི་ཤེས་བྱས་ལ། །དེ་ནས་ལས་རྣམས་བརྩམ་པར་བྱ། །བསྙེན་བསྒྲུབ་བྱེ་བྲག་ཤེས་བྱ་ཞིང་། །དེ་ལ་གནས་པ་རབ་ཏུ་གཅེས། །དེ་དག་མི་ཤེས་མི་གནས་པས། །བསྒྲུབས་ཀྱང
318b3 འགྲུབ་པར་མི་འགྱུར་ཏེ། །ལས་རྣམས་བརྩམས་ཀྱང་དོན་མེད་འགྱུར། །དེ་བས་ནན་ཏན་བསྐྱེད་དེ་བྱ། །བསྙེན་པའི་ཏིང་འཛིན་རབ་སྦྱོར་བས། །བྱང་ཆུབ་སེམས་ནི་ཤེས་པར་བྱ། །ཉེ་བར་བསྙེན་པ་ལ་གནས་པས། །བདག་ཉིད་ཕྱག་རྒྱ་ཆེན་པོར
318b4 བསྒོམ། །དེ་ཡང་གསང་སྔགས་བདག་པོ་ཉིད། །རིག་མ་བསྐྱེད་དང་བསྐུལ་བྱ་བ། །བསྒྲུབ་པ་ཞེས་སུ་རྒྱལ་བས་གསུངས། །ཐབས་དང་ཤེས་རབ་འབྲེལ་བ་ལས། །རང་གི་ལྷ་ཡི་རྣལ་འབྱོར་གསུངས། །གང་ཡིན་རྡོ་རྗེ་འགྲུབ་འགྱུར་བ། །བསྒྲུབ་པ
318b5 ཆེན་པོ་ཞེས་སུ་བྱ། །བྱང་ཆུབ་སེམས་ཞེས་བྱ་བ་ཡང་། །དམ་པའི་དོན་གྱི་སེམས་ཡིན་ཏེ། །ཆོས་རྣམས་ཐམས་ཅད་དངོས་མེད་པས། །རང་གི་སེམས་ཀྱིས་ཤེས་བྱ་བ། །བསྙེན་པའི་དམ་ཚིག་ཡིན་པར་གསུངས། །བདག་ཉིད་ཕྱག་རྒྱ་ཆེན་པོ་ནི། །
318b6 སྔགས་ཀྱི་བདག་པོའི་ཆ་ལུགས་སུ། །ཏིང་འཛིན་ནན་ཏན་ཁུགས་པར་བསྒོམ། །ཐམས་ཅད་ལྷ་ཡི་རང་བཞིན་པས། །བདག་ཉིད་ལྷ་ཡི་མཚན་ཉིད་དེ། །ཕྱག་རྒྱ་བཞི་དང་རྣམ་ལྡན་པར། །ཤེས་པ་ཉེ་བསྙེན་དམ་ཚིག་ཡིན། །རིག་མ་བསྐྱེད་དང
318b7 བསྐུལ་བྱ་བའི། །རྟེན་དུ་བྱ་བ་ཤེས་རབ་མ། །མཚན་ལྡན་བཀྲ་ཤིས་གསང་བའི་གཟུངས། །བྷ་ག་གསང་བའི་པདྨོ་ནི། །རྒྱལ་བ་རྣམས་ཀྱི་ཕོ་བྲང་སྟེ། །འདས་པའི་སངས་རྒྱས་བྱུང་བའི་གནས། །སླད་ཀྱིས་བྱོན་པ་གཤེགས་པའི་ཤུལ། །དེ་ལྟར
iiif viewer powered by OpenSeadragon
