| e-texts navigator |
| Wylie |
317b1 པས་རྒྱུ་འདྲེན་ཟ་བའི་ཚུལ། །པུ་ཀའི་ཕྱག་རྒྱར་བཤད་པ་ཡིན། །གཡོན་པ་དུང་ཁྲག་འཛིན་པ་ལ། །གཡས་པས་འཁྲུག་ཅིང་རྔམ་ཚུལ་སྟོན། །གསྨ་རི་ཡི་ཕྱག་རྒྱ་ཡིན། །གཡོན་པས་བྱིས་པའི་ལུས་མནན་ནས། །གཡས་པས་སྙིང་འདྲེན་ཟ་ཚུལ་དུ། །སྒྲོལ
317b2 ཚུལ་ལྟ་བ་སྨ་ཤའི་རྒྱ། །གཡས་པས་མགོ་བཅད་ཕྱིར་ནས་ཀྱང་། །གཡོན་པས་ལུས་འཛིན་སྟོབས་པ་ལྟར། །ཙཎྜ་ལི་ཡི་ཕྱག་རྒྱ་ཡིན། །ལག་གཉིས་བྲང་ལ་བསྣོལ་ནས་ནི། །ཁ་ན་རོ་ཐོགས་རལ་གསིགས་པ། །སེང་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས
317b3 ཐུར་དུ་བསྣོལ་ནས་ནི། །ཞིང་ལ་འབུར་ཚུགས་མཆེ་བ་བསྙེར། །སྟག་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་ཞིང་ཁོང་ཁ་ཕྱེ་ནས། །ལྕེ་ཡིས་ལྡག་པ་ལྟར་བྱེད་ན། །ཝ་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་ཞིང་ཁོང་ཁ་ཕྱེ་ནས། །འབུར་ཚུགས
317b4 ལྟ་བ་ཤྭ་ནའི་རྒྱ། །ལག་གཉིས་སྤུ་གྲི་ཐོགས་ཚུལ་དུ། །གཡོན་པས་རྒྱུ་མ་གཟུང་ཞིང་ཟ། །བཞད་གདོང་ཚོགས་ཀྱི་ཕྱག་རྒྱ་ཡིན། །ཞིང་ཆེན་ཕྲག་ལ་བཀལ་ནས་ནི། །ཀེང་རུས་ཐོགས་པ་ལྟར་བྱས་པ། །དུར་བྱའི་ཚོགས་ཀྱི་ཕྱག་རྒྱ་ཡིན། །གཡོན་པས་བན་ད
317b5 གཡས་པ་གྲི། །གློ་སྙིང་འདྲེན་པ་ལྟར་བྱེད་པ། །ཁྭ་ཁ་མ་ཡི་ཕྱག་རྒྱ་ཡིན། །གཡས་པ་རྡོ་རྗེ་ཁུ་ཚུར་ལ། །ལྕགས་ཀྱུ་འཛིན་པ་ཧུ་ལུའི་རྒྱ། །མཛུབ་གཉིས་ལྕགས་ཀྱུའི་ཚུལ་དུ་བྱས། །རྟ་སྐད་འཚེར་བ་ལྟར་བྱས་པ། །རྟ་གདོང་ཚོགས་ཀྱི་ཕྱག་རྒྱ་ཡིན། །
317b6 མཛུབ་གཉིས་རྩེ་སྦྱར་ཕག་གདོང་གིས། །ཐ་རྒོད་ལོག་པའི་ཚུལ་བསྟན་པ། །ཕག་གདོང་ཚོགས་ཀྱི་ཕྱག་རྒྱ་ཡིན། །མཛུབ་གཉིས་ལུ་གུ་རྒྱུད་དུ་འཁྱུད། །སེང་གེའི་ཚུལ་དུ་རལ་གསིགས་པ། །སེང་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་རབ་ཏུ
317b7 བསྐྱོད་བྱ་ཞིང་། །ཕྱོགས་བཅུར་ལྟ་བར་བྱེད་པ་ནི། །སྦྲུལ་གདོང་ཚོགས་ཀྱི་ཕྱག་རྒྱ་ཡིན། །ལག་པའི་ཕྱག་རྒྱ་བཅིངས་བྱས་ཤིང་། །རྐང་པ་འཇོག་ཚུལ་སྟབས་སུ་མཆོང་། །གཡས་པའི་སྡིགས་མཛུབ་ནམ་མཁར་འཕྱར། །གཡོན་པ་དགུ་རུ་བརྟེན་པ་ནི། །
iiif viewer powered by OpenSeadragon
