| e-texts navigator |
| Wylie |
317a1 གཉིས་མཐིལ་སྤྲད་རྩེ་མོ་བཙུགས། །མགོ་མཚན་རྡོ་རྗེ་སྙིང་པོར་བསྒོམ། །རྩེ་གཅིག་རྩེ་གསུམ་རྩེ་ལྔ་དང་། །རྩེ་དགུ་བཅུ་གཅིག་རྡོ་རྗེ་བསྒོམ། །ས་སྟེངས་ཀུན་དུ་མཆོད་བྱས་པ། །འཇིགས་བྱེད་ཆེན་པོའི་ཕྱག་རྒྱ་ཡིན། །དེ་ཉིད་གཡོན་གྱི་ཕྱོགས
317a2 ནས་མཆོང་། །འཇིགས་བྱེད་མ་ཡི་ཕྱག་རྒྱ་བཤད། །ལག་གཡས་གུང་མོ་སྙིང་པོར་བྱ། །གུང་མཛུབ་སྲིན་ལག་རྩེ་གསུམ་ཚུལ། །མཐེ་བོས་མཐེའུ་ཆུང་མནན་པར་བྱ། །ལྷག་མ་རྣམས་ནི་རྡོ་རྗེའི་ཚུལ། །གཡོན་པ་བན་དྷ་ལྟར་བྱས་ནས། །དཀྲུགས་ནས
317a3 ཞལ་དུ་གསོལ་བ་ནི། །རྡོ་རྗེ་ཁྲག་འཐུང་ཕྱག་རྒྱ་ཡིན། །གཡས་པ་གཙོ་ལ་འཁྱུད་ཚུལ་དུ། །གཡོན་པ་རཀྟ་སྟོབས་པ་ནི། །རྡོ་རྗེ་ཀྲོ་དྷི་ཀུན་གྱི་རྒྱ། །ལག་པ་གཡས་པ་བརྐྱང་བྱས་ཏེ། །གཡོན་པ་དུང་དམར་རཀྟ་འཐུང་། །འདི་ནི་རིན་ཆེན་ཁྲག
317a4 འཐུང་རྒྱ། །དེ་ཉིད་གུང་འཛུབ་སྲིན་ལག་གཞིབས། །རལ་གྲི་འདེགས་པ་ལྟར་བྱས་པ། །པདྨ་ཁྲག་འཐུང་ཕྱག་རྒྱ་ཡིན། །དེ་ཉིད་གཡས་པ་ཁུ་ཚུར་བཅངས། །མཐེ་བོ་གུང་མཛུབ་མཐེའུ་ཆུང་རྣམས། །སོ་སོར་བརྐྱང་བ་རྒྱ་གྲམ་ཚུལ། །ལས་ཀྱི་ཁྲག
317a5 འཐུང་ཕྱག་རྒྱར་བཤད། །ཁྲག་འཐུང་གཡས་བརྐྱང་གཡོན་བསྐུམ་ཚུལ། །ཀྲོ་དྷི་གཡོན་བརྐྱང་གཡས་བསྐུམ་ཚུལ། །སྟབས་སུ་མཆོད་པར་དཔའ་བོས་བཤད། །གཡས་པའི་ཁུ་ཚུར་བཅངས་ནས་བསྒྲེང་། །གཡོན་པ་འཛིན་པ་ལྟར་བྱས་པ། །
317a6 གཡས་དང་གཡོན་དུ་ལྟ་ཞིང་སྒྱུར། །གཽ་རི་ཚོགས་ཀྱི་ཕྱག་རྒྱ་ཡིན། །མདའ་གཞུ་འགེངས་པའི་ཚུལ་དུ་ནི། །འབུར་ཚུགས་མི་འགྱུར་ལྟ་བྱེད་པ། །རྐུན་མོའི་ཚོགས་ཀྱི་ཕྱག་རྒྱ་ཡིན། །གཡས་པས་ཁུ་ཚུར་བཅངས་པ་ནི། །མཐེ་བོ་མཐེའུ་ཆུང་བརྐྱང་བར་བྱས། །
317a7 གཡོན་པས་འཛིན་པའི་ཁྲོ་ཚུལ་ལྟ། །པྲ་མོའི་ཕྱག་རྒྱ་དཔའ་བོས་བཤད། །གཡས་པའི་གུང་མོ་རྩེ་མོ་བརྐྱང་། །སོར་བཞི་རྩེ་བསྡུས་རྡོ་རྗེ་འཕྱར། །གཡོན་པ་དཀུ་རུ་བརྟེན་པ་ནི། །འབུར་ཚུགས་ལྟ་བ་བེ་ཏའི་རྒྱ། །གཡོན་པས་ཉོན་མོངས་མནན་ཚུལ་ལ། །གཡས
iiif viewer powered by OpenSeadragon
