| e-texts navigator |
| Wylie |
315b1 འཕན། ལ་ལ་ནི་རི་རབ་ཀླད་ལ་སྐོར། ལ་ལ་ནི་ཉི་ཟླ་ཞབས་འོག་གནོན། ལ་ལ་ནི་འཇིག་རྟེན་རྣམ་པ་དྲུག་ཏུ་གཡོ་བ་ལ་སོགས་པའི་ཆོ་འཕྲུལ་རྣམ་པ་དུ་མ་སྟོན་ཅིང་ཨ་ལ་ལ་ཞེས་པའི་སྒྲ་རྣམ་པར་འབྱིན་ཏོ། །དེ་ནས་བཅོམ་ལྡན་འདས་གསང་བ་མཆོག་གི
315b2 བདག་པོ་དེས་འཇིགས་བྱེད་ཚོགས་ཀྱི་དཀྱིལ་འཁོར་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དུར་ཁྲོད་ཆེན་པོའི་གནས་ཆེན་དུ། །རཀྟའི་རྦ་རླབས་འཁྲུག་པའི་དཀྱིལ། །ཀེང་རུས་རི་རབ་འབར་བའི་སྟེང་། །མེ་འབར་སྲེག་པའི་ཀློང
315b3 དཀྱིལ་ན། །དུར་ཁྲོད་འབར་བའི་གཞལ་ཡས་ཁང་། །ཚད་དང་རྒྱ་ཡོངས་མ་ཆད་པ། །ཕྱི་ནང་མེད་པར་གསལ་བའི་འོད། །འཁོར་ལོ་འབར་བའི་རྩིབས་བཞི་པ། །གྲུ་ཆད་བར་ཁྱམས་བཞེས་བརྒྱན་པ། །གྲུ་བཞི་སྒོ་ཁྱུད་འབར་བས་མཛེས། །
315b4 བར་ཁྱམས་གཉིས་ནི་འབར་བར་གསལ། །ཉི་ཟླ་སྦྲུལ་དང་ཐོད་པས་བརྒྱན། །ཁྱུ་མཆོག་དང་ནི་མ་ཧེ་གཟིག་།སྟག་དང་གཏུམ་ཐུང་དོམ་དག་གིས། །སྡེར་མོས་དྲེགས་པ་བརྒྱ་བྱིན་དང་། །ཚངས་པ་དབང་ཕྱུག་བཟུང་བ་ནི། །གདན་ཆེན་རྣམས
315b5 ཀྱང་བཟུང་བའོ། །དབུས་སུ་འཇིགས་བྱེད་ཆེན་པོ་ནི། །སྨུག་ནག་ཆེན་པོ་འཇིགས་པའི་གཟུགས། །དབུ་དགུ་ཕྱག་ཀྱང་བརྒྱད་དེ། །སྤྱན་འབར་བ་ནི་ཉི་ཤུ་བདུན། །ཞབས་བརྒྱད་ཐུར་དུ་གཏམས་པའོ། །རྩུབ་པའི་ཕྱག་མཚན་སྐལ་བར་ཐོགས། །རྡོ་རྗེ
315b6 གཤོག་པ་ཕྱོགས་བཅུར་གཏམས། །དུར་ཁྲོད་རྒྱན་གྱིས་རབ་ཏུ་བཞུགས། །བཙུན་མོ་རྔམ་པ་ཀྲོ་དྷི་ཡང་། །ཆ་ལུགས་འཇིགས་བྱེད་ཆེན་པོ་ལྟར། །དེ་ཡི་ཕྱོགས་ཀྱི་ཁྲོ་བོ་ཡང་། །ཁྲག་འཐུང་རྡོ་རྗེ་རིན་ཆེན་དང་། །པདྨ་ལས་ཀྱི་ཧེ་རུ་ཀ། ཀུན་ཀྱང
315b7 དབུ་གསུམ་ཕྱག་དྲུག་སྟེ། །ཞབས་བཞི་དག་ཏུ་རྣམ་པར་བགྲད། །ཀྲོ་དྷིའི་ཚོགས་ཀྱིས་རབ་ཏུ་འཁྲིལ། །འཁོར་ལོ་འབར་བའི་རྩེ་མཚན་ལ། །དཀར་མོ་ལ་སོགས་རལ་པ་ཅན། །རང་སྟན་ལག་ཆར་ཆས་ཏེ་གནས། །ཕྱི་རོལ་ཤར་གྱི་ཕྱོགས་དག་ནས། །
iiif viewer powered by OpenSeadragon
