| e-texts navigator |
| Wylie |
315a1 ཨུ་སྤྲི་ཛྭ། བཛྲ་ཨ་མྲྀ་ཏ་ཧཱུ~ཾ་ཨ། དེ་ནས་ཁྲོ་མོ་བདུད་རྩི་ཆེན་མོ་དེ་སྨིན་མ་སྒྱུར་ཞིང་ཤིན་ཏུ་རྔམ་པའི་བཞད་པས་རུ་ལུ་རུ་ལུ་ཁཱ་ཧི་ཁཱ་ཧི་ཞེས་བདུད་རྩིར་བསྒྲུབས་ཏེ་གསོལ་བས་གདུག་པ་ཅན་ཐམས་ཅད་སྔ་མ་བཞིན་དུ་རང་རང་གི་ལུས་སོས་པར་གྱུར་ཏེ
315a2 སེམས་དྲན་ནས་དཔལ་ཆེན་ཡེ་ཤེས་རྔམ་པའི་རྒྱལ་པོའི་སྐུ་དབུ་དགུ་བརྒྱ་ཕྱག་སྟོང་བརྒྱད་བརྒྱ། ཞབས་བརྒྱད་བརྒྱར་གནས་ཤིང་ཡབ་ལ་ཁྲོ་བོ་བརྒྱ་རྩ་བརྒྱད་ལྷུན་གྱིས་གྲུབ་པར་མཐོང་ངོ་། །ཕྲ་མེན་མ་ཉི་ཤུའི་ཚོགས་ཀྱང་ཤིན་ཏུ་རྔམ་པའི་གཟུགས་རང་རང་གི་སྟན
315a3 དང་ལག་ཆར་གནས་པ་མཐོང་ནས། ཤིན་ཏུ་ངོ་མཚར་དུ་གྱུར་ནས་ཞུམ་པའི་ང་རོས་གསོལ་བ་བཏབ་པ། བདག་ཅག་འཁོར་དང་བཅས་པ་རྣམས། །རྔམ་ཆེན་རྒྱལ་པོའི་འབངས་སུ་མཆི། །འབངས་སུ་ནན་ཏན་མ་བགྱིས་ན། །མགོ་ལུས་རྙིང་ཡང་རུལ་ནས་ནི། །
315a4 བཙོ་བསྲེག་གནས་སུ་འབོད་སྒྲོགས་ཤོག་།བདག་ཅག་རྣམས་ཀྱི་མ་དང་སྲིང་། །མཆིས་བྲང་དང་ནི་བུ་མོ་རྣམས། །འབར་བའི་དཀྱིལ་འཁོར་བཞེས་སུ་གསོལ། །བདག་ཅག་རྣམས་ཀྱི་མགོ་བཅད་ལ། །འབར་བའི་དཀྱིལ་འཁོར་རྒྱན་དུ་བཞེས། །བདག་ཅག
315a5 རྣམས་ཀྱི་སྙིང་ཕྱུང་ལ། །དཔལ་ཆེན་ཉིད་ཀྱི་ཞལ་དུ་གསོལ། །བདག་ཅག་རྣམས་ཀྱི་ལྤགས་ཤུས་ལ། །དཔའ་བོ་ཆེན་པོ་སྐུ་ལ་གསོལ། ། ལ་ལ་ཧོ་ཞེས་གསོལ་བ་བཏབ་སྟེ། ལ་ལས་ནི་རང་གི་ལུས་གདན་ཁྲིར་ཕུལ། ལ་ལས་ནི་རང་གི་མགོ་བཅད་ནས
315a6 འབར་བའི་ཚོགས་ཀྱི་ཞལ་བུར་ཕུལ། ལ་ལས་ནི་རང་གི་སྙིང་ཕྱུང་ནས་ཞལ་དུ་གསོལ། ལ་ལ་ནི་རང་གི་པགས་པ་བཤུས་ཏེ་སྐུ་ལ་གཡང་གཞི་གསོལ་ཏོ། །དབང་ཕྱུག་ཆེན་པོ་རྣམས་དཔལ་ཆེན་པོའི་སྐུ་ལ་སྦྲུལ་ལྟར་འཁྲིལ་བས་དེས་དྲེགས་པའི་ཚོགས
315a7 རྣམས་ཀྱང་ཤེས་བྱའི་སྒྲིབ་པ་བྱང་སྟེ། བདེན་པ་མཐོང་ནས་དམ་ཚིག་དང་ལྡན་པར་མཐོང་བར་གྱུར་ཏེ། དེའི་ཚེ་འདུས་པའི་འཁོར་ཚོགས་ཀྱང་རབ་ཏུ་སྤྲོ་བའི་སེམས་ཀྱིས་རྫུ་འཕྲུལ་རྣམ་པ་དུ་མ་དང་ལྡན་ཏེ། ལ་ལ་ནི་འཇིག་རྟེན་གྱི་ཁམས་རྒྱང་མ་རིང་དུ
iiif viewer powered by OpenSeadragon
