| e-texts navigator |
| Wylie |
313b1 བཅུའི་ལས་ཀྱིས་ཉོན་མོངས་པ་དང་ཉེ་བའི་ཉོན་མོངས་པས་གཞན་ལ་གཙེས་པ་དང་། གཅིག་ཤ་གཅིག་གིས་ཟ་བ་དང་། ལོག་པའི་ལམ་ལ་གནས་པའི་འཇིག་རྟེན་གསུམ་པོ་འདི་བརླག་གོ་ཞེས་སྔོན་གྱི་སྨོན་ལམ་ལ་གནས་པའི་དེ་བཞིན་གཤེགས་པ
313b2 རྣམས་དང་། གསང་བ་མཆོག་གི་བདག་པོ་ཆེན་པོས་རྣམ་པར་གཟིགས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཁྲོ་བོའི་དཀྱིལ་འཁོར་གློག་རྣམ་པར་འཕྲོ་བ་འདི་ཕྱུང་ངོ་། །ོ~ཾ་བཛྲ་མ་ཧཱ་ཙཎྜ་སརྦ་དུཥྚན་ཏ་ཀ་ཧ་ན་ད་ཧ་པ་ཙ། བི་ཤྭ་ཀྲོ་དྷ་ཛྭ་ལ་མཎྜ་ལ།
313b3 ཕཊ་ཕཊ་ཕཊ་ཧ་ལ་ཧ་ལ། འདི་ཕྱུང་མ་ཐག་ཏུ་ཁྲོ་བོ་ཆེན་པོའི་མཐུས་ཁམས་གསུམ་འདི་དག་ཐམས་ཅད་གཡོས་རབ་ཏུ་གཡོས། ཀུན་དུ་རབ་ཏུ་གཡོས་སོ། །འུར་འུར་རབ་ཏུ་འུར་འུར། ཀུན་དུ་རབ་ཏུ་འུར་འུར་རོ། །ཤིག་ཤིག་།རབ་ཏུ་ཤིག་ཤིག་།
313b4 ཀུན་དུ་རབ་ཏུ་ཤིག་ཤིག་།གཏོར་གཏོར། རབ་ཏུ་གཏོར་གཏོར། ཀུན་དུ་རབ་ཏུ་གཏོར་གཏོར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་། སྲིན་པོ་ལ་སོགས་པ་རྣམས་འཁྲུགས་པ་ཆེན་པོར་གྱུར་ཏོ། །དེ་ནས་འཇིགས
313b5 པས་ཉེན་པ་དེ་དག་བརྒྱ་བྱིན་ལ་སྐྱབས་སུ་སོང་། བརྒྱ་བྱིན་ཡང་འཇིགས་པས་ཉེན་ཏེ་ཚངས་པའི་ཐད་དུ་ཕྱིན། ཚངས་པ་ཡང་ཁྱབ་འཇུག་ཐད་དུ་སོང་། ཁྱབ་འཇུག་ཀྱང་དབང་ཕྱུག་ཆེན་པོའི་ཐད་དུ་སོང་། དབང་ཕྱུག་ཆེན་པོ་རང་གི་མཐུ་ཡོད་ཡོད་པ་སྟོན་ཅིང
313b6 ལྷ་རྣམས་མ་སྐྲག་། ཀླུ་རྣམས་དང་གནོད་སྦྱིན་རྣམས་དང་། ལྷ་མ་ཡིན་དང་། འཁོར་དུ་གཏོགས་པ་རྣམས་མ་སྐྲག་ཅིག་།ངའི་མཐུ་འདི་ལ་གཞན་གང་གིས་ཀྱང་བརྫི་བར་མི་ནུས་སོ་ཞེས་སྤྲོ་བསྲིངས་སོ། །ཀྭ་བརྒྱ་བྱིན་དང་ཚངས་པ་དང་ཁྱབ་འཇུག་རྣམས
313b7 ཁྱེད་ཀྱང་འཇིག་རྟེན་ན་མཐུ་ཆེ་བའི་ཆེན་པོ་ཡིན་པས་རང་རང་གི་མཐུ་དང་རྫུ་འཕྲུལ་ཅི་ཡོད་པས་རང་རང་གི་འཁོར་གདུག་པ་དེ་དག་དབུགས་དབྱུང་བར་མཛོད་ཅིག་ཅེས་བསྒོའོ། །དེ་ནས་བརྒྱ་བྱིན་དང་། ཚངས་པ་དང་། ཁྱབ་འཇུག་རྣམས་དེ་མ་ཐག་ཏུ་རང་རང
iiif viewer powered by OpenSeadragon
