| e-texts navigator |
| Wylie |
310b1 སོ། །དེ་ལ་འདི་ནི་དཀྱིལ་འཁོར་གྱི་རྒྱན་དགོད་པའི་ཆོ་གའོ། །དེ་ནས་བསྒྲུབ་པའི་དཀྱིལ་འཁོར་ལ། །བླ་རེ་རྒྱལ་མཚན་འཕན་དང་གདུགས། །པི་བང་གླིང་བུ་བརྡབ་པ་དང་། །རྫ་རྔ་མུ་ཀུན་རྔ་ཆེན་དང་། །ད་རྔ་ར་དང་མུ་ཙར་དང་། །དབྱངས་དང་གར་དང
310b2 བཞད་པ་ཆེ། །རོལ་མོའི་ཡོ་བྱད་ཇི་སྙེད་པས། །དགའ་བྱེད་དཀྱིལ་འཁོར་དག་ལ་བརྒྱན། །བུམ་པ་རྣམ་པ་སྣ་ཚོགས་ཀྱི། །གསེར་དང་དངུལ་ལས་བྱས་པའོ། །རིགས་དང་མཐུན་པའི་གོས་ཀྱིས་དཀྲིས། །མེ་ཏོག་འབྲས་བུས་བརྒྱན་པ་ལ། །བདུད་རྩི
310b3 ལྔ་ཡིས་གང་བྱས་པ། །སྨན་དང་རིན་ཆེན་འབྲུ་རྣམ་ལྔས། །གང་བ་བརྒྱད་དམ་བཅུ་དྲུག་གཞག་།དཀྱིལ་འཁོར་བདག་པོས་མངོན་བསྔགས་པའི། །རྣམ་རྒྱལ་བུམ་པ་དེ་བཞིན་དུ། །དབུས་ཉིད་དུ་ནི་གཞག་པར་བྱ། །ཡང་ན་བུམ་པའི་སྐྱིན་པར་རོ། །
310b4 ཟླ་བ་ཉི་མ་དྲི་ཆུ་དང་། །བཏུང་བ་རབ་ཏུ་སྣུམ་པོ་དང་། །དབང་པོ་ཀུན་ནས་འབྱུང་བ་རྣམས། །ཤ་སྲང་གཅིག་གིས་རབ་བསྲེས་པས། །གང་བའི་བན་ད་དེ་བཞིན་གཞག་།རྨད་དུ་བྱུང་བའི་གཏོར་མ་དགྲམ། །དེ་ལ་སོགས་པ་མཐའ་ཡས་མཆོག་།ཅི་རིགས
310b5 རྣམས་ཀྱིས་མཛེས་པར་བྱ། །ཞེས་གསུངས་སོ། །དེ་ལ་འདི་དག་ནི་འཕན་སྡུད་ཀྱི་ལས་སྤྱིར་བསྟན་པའོ། །དེ་ནས་སྔགས་པ་མཉམ་བཞག་སྟེ། །ཏིང་འཛིན་དཀྱིལ་འཁོར་གསལ་བར་བསྒོམ། །གསལ་བ་གཉིས་མེད་དཀྱིལ་འཁོར་དུ། །རང་བཞིན་ཀུན
310b6 རྫོབ་སྤྱན་དྲངས་དང་། །དབབ་དང་བཞུགས་དང་བརྟན་པ་དང་། །མི་གཡོ་དམ་ཚིག་ཟིལ་གནོན་དང་། །ཕྱག་འཚལ་མཆོད་པ་བརྗོད་པ་དང་། །གསང་བ་མཆོག་གི་དཀྱིལ་འཁོར་དུ། །འཇུག་དང་དངོས་གྲུབ་གསོལ་བ་དང་། །དབང་བསྐུར་བ་ཡི་ལས་རྣམས་བྱ། །
310b7 དེས་ནི་ཚེ་འདི་ཉིད་ལ་ཡང་། །སངས་རྒྱས་ཉིད་ཀྱང་ཐོབ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་གཟུགས་བརྙན་གྱི་དཀྱིལ་འཁོར་རིམ་པར
iiif viewer powered by OpenSeadragon
