| e-texts navigator |
| Wylie |
310a1 དག་གི་ཡན་ལག་ལས། །དུས་རྣམས་ཤེས་པར་བྱ་བ་ནི། །བཀྲ་ཤིས་ལྷ་ཡི་ཉི་མ་དང་། །འབྱོར་ལྡན་དུས་ཚོད་བཟང་བ་ནི། །མཚན་མའི་རྟོག་པ་ཡིན་མོད་ཀྱང་། །བརྟགས་ན་དངོས་གྲུབ་མཚན་མ་འབྱུང་། །ཞེས་གསུངས་སོ། །དེ་ལ
310a2 འདི་ནི་ཐིག་གདབ་པའི་ཆོ་གའོ། །ཚོན་དང་ཐིག་སྐུད་རྣམ་ལྔ་ལ། །སངས་རྒྱས་ལྔ་ཡིས་བྱིན་བརླབས་ཏེ། །སྤྲུལ་པ་འཕྲོ་འདུ་རྒྱུན་མི་གཅད། །སྤོས་སམ་ལྕེ་པོག་དཀར་པོ་ཡི། །དུད་པས་རྒྱུན་མི་བཅད་པར་བདུག་།ཁྲོས་པས་དྲག་པོའི་སྔགས་ཟློས་ཤིང་། །
310a3 ཁྲོ་བོ་ཁྲོ་མོའི་སྟངས་ཀྱིས་བསྐོར། །བདེ་བར་གཤེགས་པའི་ཐུགས་དམ་བསྐུལ། །ཐིག་སྐུད་སར་པ་གཙང་མ་འམ། །གསང་བའི་ལྕང་ལོ་འཁྲིལ་མདངས་སམ། །རྡོ་རྗེ་རྒྱུན་ཐག་ལ་སོགས་ལ། །ཡུམ་གྱི་གྲངས་དང་མཐུན་པར་བསྒྲིམ། །རྡོ་རྗེ་རྩེ་ལྔའི་ལུ་གུ
310a4 རྒྱུད། །བྱང་ཆུབ་སེམས་སུ་བྱིན་གྱིས་བརླབས། །ཐིག་གཡོག་ལས་ཀྱི་སེམས་མ་སྟེ། །མཚན་ལྡན་བྱིན་གྱིས་བརླབས་ནས་ནི། །ཕྱག་རྒྱ་གར་དང་བཅས་པ་ཡིས། །རང་བཞིན་དཀྱིལ་འཁོར་གནམ་ཐིག་གདབ། །དེ་ནས་ས་ཐིག་གདབ་པ་ཡང་། །འདུལ
310a5 བའི་དབང་གི་བྱེ་བྲག་ལས། །མཎྜལ་ཚད་མ་ངེས་པ་མེད། །སོར་བཞི་པ་ནས་བརྩམས་ནས་སུ། །ཇི་སྲིད་དཔག་ཚད་ཐུབ་པར་རོ། །ོ~ཾ་ཛྙཱ་ན་ཙཀྲ་སུ་ཏྲ་མ་ཏི་ཀྲ་མ་ཧཱུ~ཾ་ཞེས་གསུངས་སོ། །དེ་ལ་འདི་ནི་ཚོན་དགྱེ་བའི་ཆོ་གའོ། །རང་བཞིན་ཀུན་རྫོབ་ཅི་འདྲ་དང་། །
310a6 ཏིང་འཛིན་དཀྱིལ་འཁོར་དེ་འདྲ་བར། །བརྙན་མ་ཡང་ནི་དེ་འདྲ་བྲི། །ཚོན་སྣ་འབྲས་དང་འབྱུང་ཁུངས་སམ། །རྡོ་ཁམས་རིན་ཆེན་དག་ལ་བྱ། །སྣ་གསུམ་སྣ་ལྔ་དག་དང་ནི། །རིན་ཆེན་ཕུང་པོའི་ཚོན་གྱིས་ནི། །དབུས་ཀྱི་ཕོ་བྲང་བསྐོར་བ་ཡིན། །སྒོ་ལ་རྣམ
310a7 ལྔས་བསྐོར་བར་བྱ། །ཕྱག་རྒྱ་གཞན་ལ་རྐྱང་པས་སོ། །དཀར་དམར་སེར་ལྗང་ནག་པོ་རྣམས། །དེ་ཡིས་བཀོད་པར་བྱ། །གཙོ་བོ་གཟུགས་སུ་རྫོགས་པར་བྲི། །འཁོར་རྣམས་ཕྱག་རྒྱ་དག་ཏུ་བྱ། །ཕལ་པ་དག་ལ་ཡིག་འབྲུས་སོ། །ཞེས་གསུངས
iiif viewer powered by OpenSeadragon
