| e-texts navigator |
| Wylie |
309b1 པར་རྫོགས་པའི་ཚེ། །རུ་ཏྲ་ཚོགས་ཀྱིས་རྒལ་བ་ལ། །དགྱེས་པའི་ལས་ཀྱི་དོན་བགྲངས་ཏེ། །བདག་ཅག་ས་ལ་བགྲོད་པའི་ཚེ། །རུ་ཏྲའི་རྒོལ་བ་བྱུང་བ་ན། །སྤྱན་ལྡན་དེ་ལ་དཔང་བཅོལ་ལོ། །ཞེས་གསུངས་སོ། །དེ་ལ་འདི་ནི་རྟགས་བརྟག་པའོ། །མཚན
309b2 མས་མཚན་མ་གཞོམ་པའི་ཕྱིར། །རོ་ལྔ་མཚན་ཉིད་བརྟག་པར་བྱ། །དགེ་བའི་རྟགས་ན་དངོས་གྲུབ་འབྱུང་། །གལ་ཏེ་ཤེས་པར་མ་གྱུར་ན། །ཐབས་ལ་མཁས་པས་སྤང་བར་བྱ། །ཡང་ན་སྦྱིན་སྲེག་བྱ་བར་བརྟག་།ཅེས་གསུངས་སོ། །དེ་ལ་འདི་ནི
309b3 རིན་ཆེན་གཏེར་སྦ་བའོ། །གནས་དེ་བསོད་ནམས་གཏེར་ལྡན་ཕྱིར། །རིན་ཆེན་ལྔ་དང་སྨན་ལྔ་དང་། །སྤོས་ལྔ་འབྲུ་ལྔ་སྙིང་པོ་ལྔ། །ག་འུའི་ནང་དུ་བླུགས་ནས་སུ། །ས་གཞི་གཏེར་དང་ལྡན་པར་བྱ། །ཞེས་གསུངས་སོ། །དེ་ལ་འདི་ནི་ས་སྦྱང་བའོ། །ས་ཞག་སྤོས
309b4 ཆེན་རྣམ་ལྔ་ཡི། །ཁུ་བ་བསྲེས་ནས་ཀུན་དུ་ནི། །གྲུ་བཞི་དབྱིབས་སུ་ལེགས་བྱས་ཏེ། །བ་ཀོ་ཙམ་དུ་སྐྱོང་ནུལ་བྱ། །དེ་ནས་དཀྱིལ་འཁོར་ལྷ་ཚོགས་ཀྱི། །སྔགས་དང་ཕྱག་རྒྱས་སྦྱང་བར་བྱ། །དེས་ཀྱང་དངོས་པོ་ཀུན་སྦྱངས་ཏེ། །རྒྱལ་བའི་བཞུགས་གནས
309b5 རང་བཞིན་དུ། །ཏིང་ངེ་འཛིན་གྱིས་སྦྱང་བར་བྱ། །ཞེས་གསུངས་སོ། །དེ་ལ་འདི་ནི་ལྷ་སྟ་གོན་ལ་གནས་པའི་ཆོ་གའོ། །དེ་ནས་ལྷ་རྣམས་ཇི་སྙེད་པ། །རང་བཞིན་ཀུན་རྫོབ་སྤྱན་དྲངས་ཏེ། །སྤོས་ཀྱི་དཀྱིལ་འཁོར་ལྷ་གྲངས་བཞིན། །གདན་སར་བྱས་ཏེ་ཡོན
309b6 མཆོད་ལ། །ལན་ཅིག་གཤེགས་ཞེས་སྟ་གོན་བྱ། །དེ་ནས་འདུས་པའི་སེམས་ཅན་ཀུན། །གསང་དང་སྙིང་གར་བྲམ་པ་དང་། །ཀུ་ཤ་བྲིམ་དང་སྲུང་སྐུད་གདགས། །སོ་ཤིང་བྲིམ་དང་རྨི་ལྟས་བརྟག་།མཆོད་པའི་ཡོ་བྱད་ཇི་སྙེད་དང་། །རྒྱན་དུ་འོས་པའི
309b7 རྣམ་པ་ཀུན། །ཚང་བར་བསོགས་ཏེ་བྱིན་གྱིས་བརླབ། །འདུས་པའི་སེམས་ཅན་དེ་དག་ཀུན། །ཆོས་གཏམ་རིམ་པས་དབུགས་ཕྱུང་སྟེ། །གསང་སྔགས་ཆེ་བའི་ཡོན་ཏན་བཤད། །ཅེས་གསུངས་སོ། །དེ་ལ་འདི་ནི་དཀྱིལ་འཁོར་བྲི་བའི་དུས་སོ། །རིག་བྱེད
iiif viewer powered by OpenSeadragon
