| e-texts navigator |
| Wylie |
309a1 ཉམས་དགའ་ཡི། །གནས་སུ་དཀྱིལ་འཁོར་བྲི་བར་ཤིས། །གནམ་དང་ས་དང་བར་སྣང་རྣམས། །ལེགས་པར་བརྟགས་ཏེ་དཀྱིལ་འཁོར་བྱ། །མཚོན་ཆ་ལྔ་ཡི་དབྱིབས་དག་ཏུ། །བརྟགས་ན་མངོན་པའི་ནམ་མཁའ་ཤིས། །བར་སྣང་ཁ
309a2 དོག་རྣམ་ལྔ་པོ། །སོ་སོར་མ་འདྲེས་གསལ་བ་ཤིས། །ས་གཞི་ཤིན་ཏུ་མ་ཉམས་དང་། །མ་གྲུམ་མཉམ་པར་གནས་པ་ལ། །ཚྭ་སྒོ་ས་སླན་བ་ཚྭ་མེད། །དེ་ལྟར་བརྟགས་པར་ལས་བྱའོ། །སྤང་བར་བྱ་བའི་གནས་ངན་ནོ། །གཤིན་རྗེ་གདུག་པའི་མདུང
309a3 རྗེས་དང་། །སྲིན་པོ་ངུས་པའི་མཆི་རྗེས་དང་། །ཁྲོ་བོ་གནོད་སྦྱིན་ལྕམ་རྗེས་དང་། །མ་མོ་རྔམ་པའི་སྤར་རྗེས་དང་། །འབྱུང་པོ་རྐུ་བའི་འཇོལ་ས་དང་། །གདུག་པ་ཀླུ་ཡི་རྒྱུན་སྲང་དང་། །སྐྱོན་ཅན་རྒྱུ་བའི་ལམ་སྲང་དང་། །ཞང་བློན་གདུག་པའི་འདུག་ས
309a4 དང་། །ཁ་ནས་མ་ཐོའི་འདུན་ས་དང་། །ཉེན་དང་འབྲེལ་བའི་གནས་རྣམས་ནི། །སྦྲུལ་གདུག་པང་དུ་འོངས་པ་ལྟར། །ཝ་ཡི་བརྟུལ་ཞུགས་ཆེན་པོ་ཡིས། །ལོ་ཡི་བཤུགས་ཏེ་རབ་ཏུ་སྤང་། །ཞེས་གསུངས་སོ། །དེ་ལ་འདི་ནི་ས་བསླང་བའི་ལས་ཏེ། །
309a5 དེ་ནས་བསླང་བའི་ལས་རྣམས་ཀྱང་། །མངོན་དང་མི་མངོན་བདག་པོ་ལ། །རྩོད་པ་ཉེ་བར་ཞི་བྱའི་ཕྱིར། །སེར་སྣ་སྤངས་པའི་སེམས་ཀྱིས་ནི། །རིན་དང་བདེན་པས་བསྒོ་ལ་བསླང་། །ཞེས་གསུངས་སོ། །དེ་ལ་འདི་ནི་ས་གཟུང་བ་སྟེ། དེ་ནས་སློབ་དཔོན་བདག
309a6 ཉིད་ཀྱིས། །རྡོ་རྗེ་དྲིལ་བུར་ལྡན་པ་ཡིས། །རྩེ་གསུམ་འགྲོས་ཀྱིས་ཀུན་དུ་བསྐོར། །ཁྲོས་པས་ཧཱུ~ཾ་གི་ང་རྒྱལ་བྱ། །དངོས་གྲུབ་བར་དུ་གཅོད་པའི་བགེགས། །དེངས་ཤིག་ཅེས་སུ་བསྒོ་ནས་ཀྱང་། །སེང་ལྡེང་ཕུར་བུ་སོར་བརྒྱད་པ། །ཁྲོ་བོར་བྱིན་བརླབས
309a7 གདབ་པར་བྱ། །ཞེས་གསུངས་སོ། །དེ་ལ་འདི་ནི་སའི་ལྷ་མོ་སྤྱན་དྲངས་པའོ། །དེ་ནས་དབང་གྱུར་ལྷ་མོ་དེ། །སྤྱན་དྲངས་བསྐྱེད་དང་གཉིས་མིན་པར། །མཆོད་བསྟོད་ཚུལ་བཞིན་བྱས་ནས་ནི། །བདག་ཅག་རྣལ་འབྱོར་སྒྲུབ་པ་པོ། །བདུད་བཏུལ་མངོན
iiif viewer powered by OpenSeadragon
