| e-texts navigator |
| Wylie |
308b1 སོགས་དང་། །དུང་ངམ་བ་སོའི་རྒྱུ་ལས་ནི། །ཕྱག་རྒྱ་འམ་གཟུགས་སུ་འབུར་བཏོད་ནས། །དེ་ཡང་དངོས་གྲུབ་འབྱུང་བའི་རྟེན། །གསེར་དངུལ་ཟངས་ཁར་ལ་སོགས་ལ། །མཁས་པས་ལེགས་པར་ལུགས་བྱས་ཏེ། །ཡན་ལག་མ་ཉམས་གཟུགས་བྱས་ན། །
308b2 དེ་ཡང་མཚན་མའི་རྟེན་དུ་བཤད། །བླག་ཤ་བྱང་ཆུབ་ཤིང་བུ་འམ། །རྒྱུ་ཤིང་མཉེན་ལས་གཟུགས་བྱས་ན། །དེ་རྣམས་མཚན་མའི་རྟེན་དུ་བཤད། །སྦྱིན་ཞིང་མཉེན་པའི་རྒྱུ་རྣམས་ལས། །ཕྱག་རྒྱའི་གཟུགས་སུ་ལེགས་བྱས་ན། །དེ་ཡང་མཚན
308b3 མའི་རྟེན་ཡིན་ནོ། །ས་སྟེངས་དབྱིབས་ལེགས་མཛེས་པ་ལ། །རྡུལ་ཚོན་འདུས་བྱས་རྒྱུ་རྣམས་ཀྱིས། །བརྙན་མའི་དཀྱིལ་འཁོར་བྱས་ན་ཡང་། །དེ་ཡང་དངོས་གྲུབ་རྟེན་དུ་བཤད། །རེ་ཞིག་ལས་ཀྱི་དང་པོ་ལས། །ས་སྟེངས་དཀྱིལ་འཁོར་བྱས་པར་ཤིས། །
308b4 ཞེས་གསུངས་སོ། །དེ་ལ་འདི་ནི་གནས་ཀྱི་མཚན་ཉིད་དེ། །ས་སྟེགས་བྱ་བའི་གནས་མཆོག་ཀྱང་། །སྐྱོན་ཡོན་བྱེ་བྲག་ཤེས་པ་ལས། །སྤང་བླང་གཉིས་སུ་ཤེས་པར་བྱ། །རི་བོ་རི་བྲན་འདུས་པའི་སྤྱི། །གངས་རི་བྲག་དཀར་འདབ་རྩ་ནི། །སེང་གཅན
308b5 འཁྲ་བའི་གནས་ཞེས་བྱ། །ཞི་བའི་ལས་ལ་དེ་ཤིས་སོ། །ཕུག་ཆེན་དགོན་པ་ཆེན་པོ་དང་། །བྲག་ཆེན་རྡོ་རྗེ་གཏམས་པའི་དཀྱིལ། །གཅན་ཅན་འཁྲ་བའི་གནས་ཞེས་བྱ། །མངོན་པར་སྤྱོད་པ་སྒྲུབ་པའི་གནས། །དུར་ཁྲོད་གནས་དང་ངམ་གྲོག་དང་། །
308b6 སུམ་མདོ་གྲོག་ལེ་བཤུང་བའི་གནས། །དུར་གཅན་འཁྲ་བའི་གནས་བྱའོ། །དབང་དུ་བསྡུ་བ་སྒྲུབ་པའི་གནས། །ནགས་ཚལ་མང་པོ་གཏིབས་པ་དང་། །ཤིན་ཏུ་བཙན་དང་འཇིགས་པའི་ངོས། །སྟག་གཟིག་འཁྲ་བའི་གནས་ཞེས་བྱ། །འདོད་པ་སྒྲུབ་པའི
308b7 གནས་ཡིན་ནོ། །མཚོ་གླིང་ཆུ་མདོ་རྒྱ་མཚོའི་འཇིངས། །ཆུ་ཡི་གླེ་མ་བཙན་པའི་གནས། །ཆུ་གཅན་འཁྲ་བའི་གནས་ཞེས་བྱ། །ལས་རྣམས་ཀུན་ལ་དེ་ཤིས་སོ། །རི་བོ་འདུན་པའི་རྩེ་རྣམས་དང་། །ཙནྡན་ནགས་ཚལ་མེ་ཏོག་ཚལ། །ཡིད་འོང་བཀྲ་ཤིས
iiif viewer powered by OpenSeadragon
