| e-texts navigator |
| Wylie |
307a1 ཤིང་བསྡུས་ཀྱང་འཕེལ་འགྲིབ་མེད། །དེ་ལས་བདག་ཉིད་ཆེན་པོར་བསྒོམ། །མ་ལུས་ཐམས་ཅད་རྫོགས་པར་གསལ། །རྒྱས་བཏབ་བྱིན་བརླབས་དབང་བསྐུར་བས། །རྩ་བའི་དཀྱིལ་འཁོར་བར་དུ་རྫོགས། །དེ་བཞིན་དབྱིངས་ལས་ཤར་བས
307a2 ན། །བདག་ཉིད་ཆེན་པོ་གཡོན་དུ་སྟེ། །མཁའ་དབྱིངས་རྡོ་རྗེ་པདྨོར་ལྡན། །དེ་ནི་བསྒོམ་པའི་དཀྱིལ་འཁོར་ཡིན། །སྐྱེད་པ་ཡང་ནི་འདི་ལྟ་སྟེ། །ལྷ་ཚོགས་བདག་གིས་སྲས་སུ་སྐྱེད། །དེ་ནས་བསྐྱེད་པའི་དཀྱིལ་འཁོར་ཡིན། །དེ་ཡང་ཇི་ལྟར་བསྐྱེད་ཅེ་ན། །ཐོག
307a3 མར་ཡབ་ཡུམ་མཁའ་རྣམ་གཉིས། །རྡོ་རྗེ་པདྨར་བྱིན་གྱིས་བརླབ། །གཉིས་མེད་དགྱེས་པར་འཁྲིལ་བ་ལས། །བྷ་གའི་དཀྱིལ་དུ་ལིང་ག་ཨ། །འཕྲོ་འདུ་དབྱིངས་སུ་ཐིམ་པ་ལས། །དབང་ཆེན་ས་བོན་འབྲུ་ལྔར་གྱུར། །ེ་ཡ~ཾ་བ~ཾ་སུ་བྲུ~ཾ། ཨེ་ཉིད་འདུས་པས་ནམ
307a4 མཁར་གསལ། །ཡ~ཾ་ལས་རླུང་གི་དཀྱིལ་འཁོར་བསྐྱེད། །བ~ཾ་ལས་བདུད་རྩིའི་རྒྱ་མཚོར་བསྐྱེད། །སུ་ལས་གསེར་གྱི་བྲིས་མར་བསྐྱེད། །བྲུ~ཾ་ལས་རི་རབ་གཞལ་མེད་ཁང་། །དབྱིབས་དང་ཁ་དོག་ཚད་དཔག་མེད། །འཁོར་ལོའི་གདན་དང་རོལ་མོའི་ཚོགས། །
307a5 རང་བཞིན་ཀུན་རྫོབ་ཅི་འདྲ་བའོ། །དེ་རུ་ལྷ་ཚོགས་བསྐྱེད་པ་ནི། །བརྟན་འབྱུང་མཁའ་ཡི་ཡི་གེ་ཨ། །འཕེལ་འགྲིབ་མེད་པར་གནས་པ་སྟེ། །གཉིས་མེད་དགྱེས་པའི་འཕྲོ་འདུ་ལ། །བཞི་བཅུ་རྩ་གཉིས་འོད་དུ་ཤར། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ།
307a6 ཊ་ཋ་ཌ་ཌྷ་ཎ། ཏ་ཐ་དདྷ་ན། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཀྵ། ཨི་ཨཱི་ཨུ་ཨཱུ་ཨེ་ཨཻ་ཨོ་ཨཽ། གསུང་གི་དཀྱིལ་འཁོར་བཞི་བཅུ་གཉིས། །སྤྲོ་བསྡུ་གསལ་བར་གྱུར་པ་ལས། །ཐུགས་མཚན་བཞི་བཅུ་རྩ་གཉིས་འབར། །དེ་ལས
307a7 མངོན་རྫོགས་སྐུར་གསལ་བ། །ཋ་ལ་སོགས་པའི་ཡིག་འབྲུ་ལྔ། །ཕུང་པོ་ལྔ་ཡི་ས་བོན་ཡིན། །ཐ་ལ་སོགས་པ་འབྱུང་བ་ལྔ། །བསྐྱེད་པའི་ས་བོན་ཡིན་པར་གྲགས། །ཀ་ལ་སོགས་པའི་ཡིག་འབྲུ་ལྔ། །རྣམ་ཤེས་ལྔ་ཡི་ས་བོན་ཡིན། །ཙ་ལ་སོགས་པའི
iiif viewer powered by OpenSeadragon
