| e-texts navigator |
| Wylie |
306b1 ཆོས་ཐམས་ཅད་རང་བཞིན་གྱི་དཀྱིལ་འཁོར་དུ་ལྷུན་གྱིས་གྲུབ་བོ། །དེ་ནས་སྨྲ་བའི་སེང་གེ་ལ་སོགས་པའི་འདུས་པའི་འཁོར་ཚོགས་རྣམས་རང་རང་གི་བསམ་པ་རངས་པར་གྱུར་ཏེ། ཨ་ལ་ལ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་ཆེད་དུ་བརྗོད་པ་འདི་བརྗོད་དོ། ། ཧོ
306b2 དམིགས་དང་མི་དམིགས་བརྟན་གཡོ་ཆོས་ཀུན་ལྷུན་གྲུབ་དཔག་མི་ལང་། །རང་རིག་ཡོན་ཏན་དཔག་མེད་བསམ་ཡས་མང་པོ་དེ་ཀུན་བརྗོད་མི་ལང་། །གསང་སྔགས་རྒྱ་མཚོ་ཐུགས་རྗེ་བསམ་ཡས་བསམ་ཁྱབ་ཇི་སྙེད་དཔག་མི་ལང་། །སྤྲུལ་པ་རྒྱ་མཚོ་གང་གཱའི
306b3 བྱེ་སྙེད་འགྲོ་བ་ཆོས་སྟོན་ཞིང་ཁམས་ཁྱབ་ཅེས་ཆེད་དུ་བརྗོད་པ་ཆེད་དུ་བརྗོད་དོ། །ལེའུ་སྟེ་ལྔ་པའོ།། །།རང་བཞིན་གྱི་དཀྱིལ་འཁོར་བསྟན་པའོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་མི་གཡོ་བ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན
306b4 ལ་སྙོམས་པར་ཞུགས་ནས་ཏིང་ངེ་འཛིན་གྱི་དཀྱིལ་འཁོར་འདི་གསུངས་སོ། །འདུས་པའི་འཁོར་ཚོགས་རྣམས་ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་དུ་རུང་ཙམ་དུ་རྟོགས་ཤིག་།དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ཏིང་ངེ་འཛིན་ཇི་ལྟར་འདོད་པ་དེ་ལྟར
306b5 དབང་བསྒྱུར་བའོ། །འདུས་པའི་འཁོར་ཚོགས་འདི་ལྟ་སྟེ། གསང་སྔགས་ཡ་མཚན་ཆེན་པོ་འདི། །ཏིང་འཛིན་དཀྱིལ་འཁོར་བསམ་ཡས་ཀྱང་། །མདོར་བསྡུས་རྣམ་པ་གསུམ་ཡོད་དེ། །བསྒོམ་པའི་ཏིང་འཛིན་དཀྱིལ་འཁོར་དང་། །བསྐྱེད་དང་ལྷག་པའི
306b6 ཏིང་འཛིན་ནོ། །ཐོག་མའི་རྣལ་འབྱོར་ཉིད་བསྒོམས་ཏེ། །དཀྱིལ་འཁོར་ཡིན་པར་རྒྱལ་བས་གསུངས། །དེ་ཡང་ཇི་ལྟར་བསྒོམ་ཞེ་ན། །ཏིང་ངེ་འཛིན་ཀྱང་རྣམ་གསུམ་སྟེ། །དང་པོར་དེ་བཞིན་ཉིད་ཀྱི་དང་། །དེ་བཞིན་ཉིད་ལ་གནས་བཅའི་ཕྱིར། །སྟོང་པ་ཆེན
306b7 པོའི་ཏིང་འཛིན་བསྒོམ། །གཉིས་པ་ཀུན་སྣང་ནམ་མཁའི་ངང་། །སྙིང་རྗེ་ཡུམ་གྱིས་ཁྱབ་པའི་ཕྱིར། །མཚམས་སྦྱོར་ཆེན་པོའི་ཏིང་འཛིན་བསྒོམ། །གསུམ་པ་རང་གི་ས་བོན་ནམ། །རབ་ཏུ་བརྟན་པའི་ཡིག་འབྲུ་ཨ། །དེ་ལས་ཕྲ་མོ་ཨ་འཕྲོས་འདུས། །སྤྲོས
iiif viewer powered by OpenSeadragon
