| e-texts navigator |
| Wylie |
306a1 མཐིང་ནག་འབར། །ནིར་མགོ་གདེངས་པ་ལག་མཚན་ཐོགས། །ཤར་གྱི་སྒོར་ནི་རྣམ་པར་གནས། །རྣམ་པར་རྒྱལ་བ་སེར་ནག་འབར། །རྡོ་རྗེས་གནོད་པ་ལྷོ་སྒོར་རོ། །རྟ་མགྲིན་དམར་ནག་འབར་བ་སྟེ། །ཐོད་སྦྲུལ་ཐོགས་པ་ནུབ་སྒོར
306a2 གནས། །བདུད་རྩི་འཁྱིལ་པ་ལྗང་ནག་འབར། །རྒྱ་གྲམ་གྱིས་གནོན་བྱང་གི་སྒོར། །སྟང་སྟབས་ཚུལ་དུ་རབ་ཏུ་གནས། །དུར་ཁྲོད་རྒྱན་གྱིས་རྣམ་པར་བརྒྱན། །རྣམ་པར་གཙིགས་ལ་འཇིགས་འཇིགས་ལྟ། །མེ་དཔུང་འབར་བའི་ཀློང་དུ་འཁྱིལ། །ཧཱུ~ཾ་དང་ཕཊ
306a3 ཀྱི་སྒྲ་ཆེན་སྒྲོགས། །དེ་དག་གི་ནི་གཡོན་རོལ་ན། །གཤེད་མོ་དང་ནི་རྒྱལ་མ་དང་། །རྟ་མགྲིན་མོ་དང་འཁྱིལ་མོ་རྣམས། །ལག་མཚན་ལྕགས་ཀྱུ་ཞགས་པ་དང་། །སྒྲོག་དང་དྲིལ་བུ་ཐོགས་ཤིང་རྔམ། །ཆ་ལུགས་འཇོམས་པ་དག་དང་འདྲ། །སྒོ་ཁྱུད་དག་ཏུ་ལྷུན
306a4 གྱིས་གྲུབ། །མཛེས་པའི་བར་ཁྱམས་དེ་ཉིད་ལ། །སྤྲུལ་སྐུ་ཐུབ་པ་ཆེན་མོ་དྲུག་།ཅི་འདུལ་ཐབས་ཀྱི་སྐུར་སྟོན་པས། །ཆ་ལུགས་མ་ངེས་འདུལ་བར་སྟོན། །མཛེས་པའི་བར་ཁྱམས་དེ་ཉིད་ལས། །མདུན་དང་རྒྱབ་ཀྱི་ཕྱོགས་རོལ་ལ། །བྱེད་པ་པོ་དང་བྱ་བ་མོ། །ནམ
306a5 མཁའ་ཡི་ནི་མདོག་འདྲ་ལ། །ཏིང་ངེ་འཛིན་དུ་ལྡན་པར་གནས། །དེ་ལ་སོགས་ཏེ་མཐའ་ཡས་མཆོག་།བརྗོད་མེད་རྗོད་དུ་མེད་པ་ཡི། །ལྷ་ཡི་ཚོགས་ཀྱིས་གང་བར་གནས། །དཀྱིལ་འཁོར་བསམ་ཡས་ལྷུན་གྱིས་གྲུབ། །ལྷ་ཡི་ཚོགས་ཆེན་དེ་དག་གི་།ཐུགས
306a6 ཀར་ཡེ་ཤེས་སེམས་དཔའ་གནས། །ཚོན་གང་འོད་དང་བཅས་པའོ། །ལྗང་ལ་རང་རྟགས་ཡི་གེ་རྣམས། །རང་རྟགས་ཕྱག་རྒྱའི་སྟེང་དུ་གསལ། །དེ་ལྟའི་སྐུ་མཆོག་རེ་རེ་ལ། །ཚུལ་དགུ་དག་དང་ལྡན་པ་སྟེ། །མཉེན་དང་ལྕུག་དང་འཁྱིལ་བག་དང་། །ལྡེམ
306a7 བག་ཆགས་དང་གཞོན་ཚུལ་ཅན། །གསལ་དང་འཚེར་དང་ལྷུན་སྟུག་དང་། །གཟི་བརྗིད་འབར་བར་རབ་ཏུ་གནས། །དེ་ལྟར་རང་བཞིན་དཀྱིལ་འཁོར་ནས། །ཕྱི་རབས་སྔགས་འཆང་རྣལ་འབྱོར་པས། །སྤྱན་དྲངས་མཆོད་པ་དབུལ་བའི་འོས། །ཞེས་གསུངས་པས
iiif viewer powered by OpenSeadragon
