| e-texts navigator |
| Wylie |
305b1 དོ་ཤལ་དཔུང་རྒྱན་སེ་མོ་དོ། །ཕྱག་གདུབ་སྙན་ཆས་ཀུན་ལ་མཛེས། །མཚན་དང་དཔེ་བྱད་ཡང་དག་རྫོགས། །དེ་དག་གི་ནི་གཡོན་རོལ་ན། །ཀུན་དུ་བཟང་དང་ལོ་ཙ་ན། །མ་མ་གོས་དཀར་སྒྲོལ་མ་རྣམས། །གཡས་པས་ཐབས་ཀྱི་གཙོ་ལ་འཁྱུད། །གཡོན
305b2 པས་རང་རྟགས་དྲིལ་བུ་འཛིན། །སྐུ་མདོག་ཆ་ལུགས་ཡབ་དང་འདྲ། །འཁོར་ལོ་རྩིབས་ལ་ལྷུན་གྱིས་གྲུབ། །སྤྱན་སྔའི་གློ་འབུར་མཛེས་པ་ལ། །ལག་ན་རྡོ་རྗེ་སྔོ་སྐྱའི་མདོག་།རང་རྟགས་རྡོ་རྗེ་རྩེ་གསུམ་འཛིན། །གཡས་ན་ས་ཡི་སྙིང་པོ་སྟེ། །ལྗང་སྔོན་རིན་ཆེན
305b3 མྱུ་གུ་འཛིན། །རྒྱབ་ཏུ་ནམ་མཁའི་སྙིང་པོ་སྟེ། །མཐིང་ག་རང་རྟགས་རལ་གྲི་འཛིན། །གཡོན་དུ་མཛེས་པའི་གློ་འབུར་ལ། །སྤྱན་རས་གཟིགས་དབང་དམར་སྐྱ་སྟེ། །རང་རྟགས་པདྨ་དཀར་པོ་འཛིན། །ཐོར་ཚུགས་ཡེ་ཤེས་སེམས་དཔས་བརྒྱན། །སེམས་དཔའི
305b4 སྐྱིལ་མོ་ཀྲུང་དུ་བཞུགས། །རྒྱན་དང་ཆ་ལུགས་ཀུན་གྱིས་བརྒྱན། །དེ་དག་གི་ནི་གཡོན་རོལ་ན། །གར་དང་སྒེག་མོ་ཕྲེང་བ་དབྱངས། །གཡས་པས་ཐབས་ཀྱི་གཙོ་ལ་འཁྱུད། །གཡོན་པ་གར་དང་མེ་ལོང་ཕྲེང་། །པི་ཝང་འཛིན་ཅིང་ཆ་ལུགས་གཞན། །གཙོ་བོ
305b5 ཉིད་ཀྱང་མཐུན་པ་ཡིན། །མཛེས་པའི་གྲུ་ཆེན་རྣམས་ལ་ནི། །བྱམས་པ་མཻ་ཏྲི་དཀར་བ་སྟེ། །མཛེས་པའི་ཀླུ་ཤིང་འགུནྡྷེ་བསྣམས། །ཤར་ལྷོ་མཚམས་ཀྱི་གྲུ་ཆད་ལའོ། །སྒྲིབ་པ་རྣམ་སེལ་མཐིང་ག་སྟེ། །ཆོས་ཀྱི་འཁོར་ལོ་འཛིན་པ་སྟེ། །ལྷོ་ནུབ་མཚམས
305b6 སུ་མཛེས་པར་གནས། །འཇམ་དཔལ་གཞོན་ནུ་དམར་སྐྱའི་མདོག་།རང་རྟགས་ཨུཏྤལ་མཐིང་ག་འཛིན། །ནུབ་བྱང་མཚམས་སུ་མཛེས་པར་གནས། །ཀུན་དུ་བཟང་པོ་ལྗང་སེར་མདོག་།རང་རྟགས་རིན་ཆེན་སྙེ་མ་འཛིན། །བྱང་ཤར་མཚམས
305b7 ཀྱི་གྲུ་ལ་གནས། །དེ་དག་གི་ནི་གཡོན་རོལ་ན། །སྤོས་དང་མེ་ཏོག་བདུག་པ་དྲི། །གཡས་པ་ཐབས་ཀྱི་གཙོ་ལ་འཁྱུད། །གཡོན་པ་རང་རྟགས་འཛིན་པའོ། །ཆ་ལུགས་ཐམས་ཅད་སྔ་མ་བཞིན། །སྒོ་ཁྱུད་རྣམས་ལ་འཇོམས་པ་ནི། །གཤིན་རྗེ་གཤེད་པོ
iiif viewer powered by OpenSeadragon
