| e-texts navigator |
| Wylie |
305a1 དང་བ་ར་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་སོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། །དེ་ལ་སོགས་ཏེ་རྒྱན་རྣམས་ཀྱང་། །བསམ་གྱིས་མི་ཁྱབ་མཐའ་ཡས་མཆོག་།གཞལ་ཡས་དེ་ཡི་སྒོ
305a2 བཞི་ན། །གླང་སེང་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱི་ཙོང་ཙོང་དང་། །གསེར་གྱི་དྲིལ་བུ་འབར་བ་དག་།དཀོན་མཆོག་གསུམ་གྱི་མཚན་ཡང་སྒྲོགས། །སྒོ་དྲུང་དེ་དག་རེ་རེ་ན། །ཏ་ལའི་སྐྱེད་ཤིང་ཙོང་ཙོང་འཁྲིལ། །དྲི་དང་གཟུགས་དང་འོད་དུ་ལྡན། །
305a3 ཏ་ལའི་སྐྱེད་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པའི་སྐད་ཀྱང་འབྱིན། །སྒོ་དྲུང་དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །བློ་མཆོག་ཡན་ལག་ལྡན་པའི་ཆུ། །གྲངས་མེད་དེ་དག་རེ་རེ་ན། །ལྷ་དང་ལྷ་མོ་བསམ་མི
305a4 ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆག་ས་བརྗོད་མི་ལང་། །དེ་ལ་སོགས་པ་བསམ་ཡས་མཆོག་།མ་བཙལ་ཡེ་ནས་ལྷུན་གྱིས་གྲུབ། །ལྷ་མཆོག་རྣམས་ཀྱི་བསོད་ནམས་ཀྱིས། །རྒྱུ་ལས་གྲུབ་པར་རྒྱལ་བས་གསུངས། །ཕོ་བྲང་དེ་ན་གནས
305a5 པ་ཡི། །ཡེ་ཤེས་ལྷ་ཚོགས་མང་པོ་རྣམས། །གཙོ་གཟུངས་ཟུང་དུ་འཁྲིལ་བ་སྟེ། །དབུས་ཀྱི་ཕོ་བྲང་སྙིང་པོ་ལ། །རྣམ་པར་སྣང་མཛད་སྙིང་པོ་ཆེ། །འཛམ་བུ་ན་དའི་གསེར་འོད་འདྲ། །རང་རྟགས་ལག་ན་འཁོར་ལོ་བསྣམས། །དཔའ་བོ་དེ་ཡི་སྤྱན་སྔ་ན། །
305a6 རྡོ་རྗེ་སེམས་དཔའི་རྒྱ་ཆེན་ཡང་། །དུང་དང་ཤེལ་གྱི་ཁ་དོག་འདྲ། །རང་རྟགས་ལག་ན་རྡོ་རྗེ་འཛིན། །གཡས་སུ་རིན་ཆེན་འབྱུང་ལྡན་ཏེ། །བཻ་ཌཱུརྱ་ཡི་ཁ་དོག་འདྲ། །རང་རྟགས་རིན་ཆེན་ཟུར་བརྒྱད་འཛིན། །རྒྱབ་ན་སྣང་བ་མཐའ་ཡས་གཙོ། །པདྨ་རཱ་གའི་མདོག
305a7 འདྲ་ཞིང་། །རང་རྟགས་པདྨ་དམར་པོ་འཛིན། །གཡོན་དུ་དོན་ཡོད་གྲུབ་པ་སྟེ། །ིན་ཏྲ་ནཱི་ལ་ལྗང་གུའི་མདོག་།རང་རྟགས་ཕྱག་ན་རལ་གྲི་འཛིན། །ཀུན་ཀྱང་ཞི་བའི་ཆ་ལུགས་ཏེ། །ཐོར་ཚུགས་རིགས་ལྔ་དབུ་ལ་བརྒྱན། །རྫོགས་པའི་སྐྱིལ་ཀྲུང་ཚུལ་དུ་བཞུགས། །
iiif viewer powered by OpenSeadragon
