| e-texts navigator |
| Wylie |
302b1 ལས་བྱུང་དང་མ་བྱུང་བའི། །འདུ་བྱེད་ཕུང་པོ་ཐམས་ཅད་ཀུན། །སྤྲོ་བསྡུ་དབྱིངས་ལས་བྱུང་བས་ན། །རྣམ་པར་གྲོལ་བའི་ཕྲག་དོག་པས། །དོན་ཡོད་གྲུབ་པའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །རྣམ་སྨིན་རང་སེམས་རྣམ་རིག་པའི། །
302b2 ཤེས་བརྒྱད་རྣམ་ཤེས་ཕུང་པོ་ཀུན། །རིག་པའི་དབྱིངས་ལ་ཤར་བས་ན། །ཞེ་སྡང་ཆེན་པོའི་ཡེ་ཤེས་པས། །རྡོ་རྗེ་སེམས་དཔའི་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་ཆེན་པོ་ལྔ་དབྱིངས་ཕྱུག་ལྔའི་རང་བཞིན་དུ་གསུངས་པ། སྣོད་བཅུད་འགྲོ་བ
302b3 ཐམས་ཅད་ཀྱི། །གསལ་སྟོང་མི་སྒྲིབ་གོ་འབྱེད་པའི། །སྣང་སྟོང་ནམ་མཁའི་ཁམས་རྣམས་ཀུན། །སྟོང་ཉིད་དབྱིངས་ལ་ཤར་བས་ན། །ཐམས་ཅད་གནས་པའི་ཀློང་ཡིན་པས། །བདེ་གཤེགས་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས
302b4 ཅད། །སྲ་བརྟན་སྐྱེད་བསྐྲུན་རྟེན་རྣམས་ཀུན། །ས་ཡི་ཁམས་སུ་གྲགས་པ་རྣམས། །མི་འགྱུར་དབྱིངས་ལ་ཤར་བས་ན། །ཐམས་ཅད་སྐྱེད་པའི་རྟེན་ཡིན་པས། །རྡོ་རྗེ་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གྱེས་སྡུད་གཤེར
302b5 བའི་མཚན་ཉིད་ཀུན། །ཆུ་ཡི་ཁམས་སུ་གྲགས་པ་སྟེ། །ཀུན་སྡུད་དབྱིངས་སུ་ཤར་བས་ན། །ཡོན་ཏན་ཚོགས་ཆེན་ཀུན་སྡུད་པས། །རིན་ཆེན་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གསལ་དྲོའི་ངོ་བོ་ཐམས་ཅད་ཀུན། །མེ་ཡི
302b6 ཁམས་སུ་གྲགས་པ་རྣམས། །སྣང་གསལ་དབྱིངས་ལ་ཤར་བས་ན། །གསལ་དྲོ་སྲེག་པའི་རང་བཞིན་པས། །པདྨའི་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཡང་གཡོ་འདེགས་བསྐྱོད་ཐམས་ཅད་ཀུན། །རླུང་གི་ཁམས་སུ་གྲགས
302b7 པ་སྟེ། །བསྐྱོད་ཆེན་དབྱིངས་ལ་ཤར་བས་ན། །ཐོགས་མེད་ཤུགས་བསྐྱོད་རང་བཞིན་པས། །ལས་ཀྱི་དབྱིངས་ཕྱུག་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་རྣམ་པར་ཤེས་པ་བཞི་བྱང་ཆུབ་སེམས་དཔའ་བཞིའི་རང་བཞིན་དུ་གསུངས་པ། སྲིད
iiif viewer powered by OpenSeadragon
