| e-texts navigator |
| Wylie |
301a1 པོས་ཨ་ལ་ལ་ཧོ་ཞེས་སྒྲ་ཕྱུང་སྟེ་བྱང་ཆུབ་སེམས་ལ་བསྟོད་པ། ཨེ་མའོ་བདེ་ཆེན་ཀུན་དུ་བཟང་། །ེ་མའོ་སྟོང་ཉིད་བྱང་ཆུབ་སེམས། །ེ་མའོ་དག་པ་དྲི་མ་མེད། །ེ་མའོ་མི་སྒྲིབ་གསལ་བ་ཆེ། །ེ་མའོ་མཉམ་ཉིད་དབྱེར་མེད་ཆོས། །ེ་མའོ
301a2 སོ་སོར་རང་རིག་སེམས། །ེ་མའོ་བྱང་སེམས་ལྷུན་གྱིས་གྲུབ། །བྱང་ཆུབ་སེམས་ལ་ཕྱག་འཚལ་ལོ། །ཞེས་བསྟོད་དེ། བཅོམ་ལྡན་འདས་ཉིད་ཁྱད་པར་དུ་གྱུར་པ་ཡང་བྱང་ཆུབ་སེམས་ཉིད་ཡིན་ཞིང་བྱང་ཆུབ་ཀྱི་སེམས་ཐུགས་སུ་ཆུད་པའོ། །བདག་ཅག་རིག་འཛིན་གྱི
301a3 ཚོགས་སུ་གྱུར་པ་རྣམས་ཀྱང་བྱང་ཆུབ་སེམས་ལ་སྨོན་པར་འཚལ། འཇུག་པར་འཚལ། ལྡང་བར་འཚལ། གནས་པར་འཚལ་ཏེ། བདག་ཅག་ཀྱང་རང་རང་གི་སེམས་གཡོས་པར་བགྱི། རེག་པར་བགྱི། ཉེ་བར་བགྱི། ཉམས་སུ་མྱོང་བར་བགྱི་བར་འཚལ་ན།
301a4 བདག་ཅག་དེ་འདྲ་བའི་བསམ་པ་ཅན་ལ་སྙིང་རྗེ་ཆེན་པོར་དགོངས་པར་མཛད་དུ་གསོལ། བདེ་བར་གཤེགས་པ་དགོངས་པ་མཛད་དུ་གསོལ་ཞེས་གསོལ་བ་བཏབ་པ་ལས་གསང་བ་མཆོག་གི་བདག་པོས་གསོལ་བ་བཏབ་པར་ཐུགས་སུ་ཆུད་ནས་སྙིང་རྗེ་བྱང་ཆུབ་འབྱུང་བ
301a5 ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གཉིས་སུ་མེད་པར་མངོན་པར་འདུ་མཛད་དོ། །གཉིས་སུ་མེད་པར་མངོན་པར་འདུ་མཛད་པས་བྱང་ཆུབ་སེམས་ཀྱི་སྤྲིན་ཀྱིས་ཐམས་ཅད་རྒྱས་པར་ཁྱབ་པ་ནི་ཏིལ་འབྲུ་མར་གྱིས་ཁྱབ་པ་བཞིན་ནོ། །དེ་ནས་ཡང་འདི་གསུངས
301a6 སོ། །ེ་མའོ་ཡེ་ཤེས་རྣམ་དག་ཆོས། །སྣ་ཚོགས་སྣང་ཡང་རྟོག་པར་གསང་། །ངོ་བོ་ཉིད་ནི་བརྗོད་དུ་མེད། །སྣོད་མ་ཡིན་ལ་བསྟན་པ་དཀའོ། །ེ་མའོ་སྲིད་གསུམ་ཡེ་ནས་རྣམ་པར་དག་པའི་རང་བཞིན་ལ། །བདག་ཏུ་རྟོག་པ་སྲིད་རྩའི་ཉེས་དམིགས་ཀྱིས། །
301a7 ཡུན་དུས་ནས་འཁྱམས་པའི་འགྲོ་བ་རྣམས། །མི་མཐུན་བདེ་སྡུག་གནས་རྣམས་སོ་སོར་གཟུང་། །ལོག་རྟོག་ནོར་བའི་དབང་གིས་ཀུན་བརྟགས་ཀྱང་། །རང་བཞིན་ཉིད་ལས་མཉམ་པ་རྡུལ་ཙམ་མེད། །ེ་མའོ་ཡུན་དུས་ནས་རྨོངས་པའི་འགྲོ་བ་རྣམས། །
iiif viewer powered by OpenSeadragon
