| e-texts navigator |
| Wylie |
298a1 བདེན་པ་གཉིས་སུ་ཡང་དབྱེར་མེད་པའི་ཕྱིར་རོ། །ལྟ་བ་དང་སྤྱོད་པ་ལ་བློ་གནས་པ་ནི་རྣལ་འབྱོར་པས་ཐོབ་པ་དང་། ས་ལ་བསྙེན་པ་རྣམས་ཏེ། དེ་ཅིའི་ཕྱིར་ཞེ་ན། རྣལ་འབྱོར་པ་བློ་མཉམ་པ་ཉིད་དུ་བློ་ཆུང་བ་རྣམས་ལ་ནི། །བདེན་པ་རྣམ་པ་གཉིས
298a2 ཀྱི་ཚུལ་ཡོད་དེ་དོན་དམ་པར་མ་སྐྱེས་པའི་ཚུལ་དུ་བློ་ཆུང་ལ། ཀུན་རྫོབ་ཏུ་མཚན་མ་ཐབས་ཀྱི་ཕྱག་རྒྱ་སྒྱུ་མའི་ཚུལ་དུ་ཡང་མེད་པ་མ་ཡིན་ཏེ། མཚན་མ་མེད་པའི་རྣལ་འབྱོར་དང་མཚན་མའི་རྣལ་འབྱོར་གཉིས་དང་ལྡན་པའི་ཕྱིར་རོ། །སློབ་པའི་རྣལ་འབྱོར་དེ་ནི
298a3 བདེན་པ་རྣམ་པ་གཉིས་ལ་བརྟེན་ནས་ལྷུན་གྱིས་གྲུབ་པའི་ས་ལ་གོམས་པ་ཆེ་ཆུང་གིས་གྲུབ་པ་ཡིན་ནོ། །སྒྲའི་རྗེས་སུ་འབྲང་བའི་རྣལ་འབྱོར། དོན་ལས་རིང་དུ་གྱུར་པ་རྣམས་ནི་སྤྱོད་པ་འབའ་ཞིག་ལ་བློ་གནས་ཏེ། ཅིའི་ཕྱིར་ཞེ་ན། ལོག་པའི་ཀུན་རྫོབ་འབའ
298a4 ཞིག་ལ་རྟོག་གི་ཡང་དག་པའི་ཀུན་རྫོབ་ལྷའི་དཀྱིལ་འཁོར་ཡང་མཐོང་བ་མེད་པའི་ཕྱིར་རོ། །སྨྲ་བའི་སེང་གེ་དེ་བས་ན་ལོག་པའི་ཀུན་རྫོབ་སོ་སོའི་སྐྱེ་བོ་ལྟ་བུའི་ཆོས་ལ་བརྟེན་ནས་ཡང་དག་པའི་ཀུན་རྫོབ་ཀྱི་བདེན་པ་ལྷ་དང་ལྷ་མོའི་དཀྱིལ་འཁོར་དུ་ཆོས་ཐམས་ཅད
298a5 ཤེས་པར་བྱའོ། །ཡང་དག་པའི་ཀུན་རྫོབ་ཀྱི་བདེན་པ་ལ་བརྟེན་ནས་དོན་དམ་པའི་བདེན་པ་ཁོང་དུ་ཆུད་པར་ནུས་པ་ནི་རིག་པའི་སྐྱེས་བུ་ཞེས་གྲགས་སོ། །སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་གསོལ་པ། བཅོམ་ལྡན་འདས་གསང་སྔགས་ཀྱི་སྤྱོད་པའི
298a6 རང་བཞིན་གང་ལགས། དཔེར་བརྗོད་ན་ཇི་སྐད་དུ་བརྗོད་པ་ལགས། བཅོམ་ལྡན་འདས་གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་སྔགས་ཀྱི་སྤྱོད་པའི་ཚུལ་རྣམས་ངས་བཤད་ཀྱིས་ཉོན་ཅིག་།ངས་ཡིད་ཚིམ་པར་བྱའོ། །སྨྲ་བའི་སེང
298a7 གེ་གསང་སྔགས་ཀྱི་སྤྱོད་པ་ནི་བསམ་གྱིས་མི་ཁྱབ་སྟེ་རབ་ཏུ་བརྗོད་པར་དཀའ་ན་མདོར་བསྡུ་ན་རྣམ་པ་བཅུར་འདུས་སོ། །བཅུ་གང་ཞེ་ན། གསང་སྔགས་ཀྱི་སྒྲུབ་པ་དང་། གསང་སྔགས་ཀྱི་མིང་གི་ཁྱད་པར་དང་། གསང་སྔགས་ཀྱི་སྤྱོད་པ་དང་། གསང
iiif viewer powered by OpenSeadragon
