| e-texts navigator |
| Wylie |
297a1 སྨོས་པའི་དུས་ཉིད་ན་གོལ་བ་ཡིན་པར་ཕྱོགས་བཅུ་དུས་བཞིའི་རྒྱལ་བ་རྣམས་ཀྱིས་ཀྱང་བཤད་དེ། ད་ལྟར་སྟོན་པ་ཉིད་ཀྱང་དོན་དེ་ཉིད་དགོངས་ནས་མ་གསུངས་སོ། །འདུས་པའི་འཁོར་ཚོགས་རྣམས་དེ་བས་ན་མ་སྐྱེས་པའི་སྙིང་པོ་བྱང་ཆུབ
297a2 སེམས་ཚིག་ཏུ་སྤྲོས་པ་དང་བྲལ་གྱིས་ཀྱང་ཀུན་རྫོབ་ཀྱི་བདེན་པའི་དབང་དུ་མཚན་མའི་ཚིག་གི་རྣལ་འབྱོར་པ་རྣམས་ཚིག་གི་ཕྱིར་འབྲང་བའི་ཕྱིར་དོན་རྟོགས་པའི་བཀྲི་བའི་ཕྱིར་རྒྱལ་བ་རྣམས་ཀྱི་ཚིག་གི་སྒོ་ནས་གསུངས་པ་ཡིན་ནོ། །འདུས་པའི་འཁོར་ཚོགས
297a3 རྣམས་ཀྱིས་གསོལ་པ། སྨྲ་བའི་སེང་གེ་དེ་ལྟར་ན་བདག་ཅག་དང་མ་འོངས་པའི་རྣལ་འབྱོར་པའི་ཚིག་གི་རྗེས་སུ་འབྲང་བ་རྣམས་ཀྱི་དོན་དུ། རྡོ་རྗེ་ཚིག་གི་ལམ་དུ་བརྗོད་པས་དོན་གསལ་བར་བྱེད་པ་དེ་སྨྲ་བའི་སེང་གེ་ལས་ཀྱི་བཀའ་བ་ཁྱོད་ཉིད་ཀྱིས་ཞུ་བར་སྤོབས
297a4 ཤིག་། སྨྲ་བའི་སེང་གེ་དབང་བས་ན་བཅོམ་ལྡན་འདས་གསང་བ་མཆོག་གི་བདག་པོ་ལ་ཞུས་ཤིག་དང་། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདུས་པའི་འཁོར་ཚོགས་རྣམས་ཀྱི་རྣམ་པར་རྟོག་པ་མཁྱེན་ནས་བཅོམ་ལྡན་འདས་གསང་བ་མཆོག
297a5 གི་བདག་པོ་ལ་ལན་སྟོང་དུ་བསྐོར་བ་བྱས་ཏེ་རྨད་དུ་བྱུང་བའི་མཆོད་པ་རྒྱས་པ་དེ་ཁོ་ན་ཉིད་ཀྱིས་མཆོད་ནས་འདི་སྐད་གསོལ་བ་བཏབ་བོ། །ེ་མ་ཧོ་སྟོན་པའི་ངོ་མཚར་ཁྱོད། །ཕྱོགས་བཅུའི་སངས་རྒྱས་ཐམས་ཅད་ཀྱི། །བྱང་ཆུབ་སེམས་ཀྱི་མཚན་ཉིད་དེ། །
297a6 ཚིག་ཏུ་བརྗོད་པ་མ་ལགས་ནའང་། །མཚན་མའི་རྗེས་འབྲང་རྣལ་འབྱོར་པ། །དོན་ལ་རྩིང་ལ་ཚིག་ལ་ཞིབ། །ཚིག་གིས་བསམ་པ་རངས་བྱའི་ཕྱིར། །སྙིང་པོ་བྱང་ཆུབ་དོན་འདི་ལ། །དཔེས་མཚོན་ཚིག་གི་ལྡེ་མིག་གིས། །གསང་བ་དེ་ཉིད་བཤད་དུ་གསོལ། །
297a7 ཞེས་གསོལ་བ་བཏབ་པ་ལས་བཅོམ་ལྡན་འདས་གསང་བ་མཆོག་གི་བདག་པོ་སྨྲ་བའི་སེང་གེས་གསོལ་བ་བཏབ་པ་ཡང་མཁྱེན། འདུས་པའི་འཁོར་ཚོགས་རྣམས་ཀྱི་སེམས་ཀྱི་རྟོག་པ་ཡང་མཁྱེན་པ་དང་། ཚིག་གི་རྗེས་སུ་འབྲང་བའི་རྣལ་འབྱོར་ཡང་ཐུགས་སུ
iiif viewer powered by OpenSeadragon
