| e-texts navigator |
| Wylie |
295b1 འདི་ལ་རབ་ཏུ་དད་དོ། །དེ་ནས་འདུས་པའི་འཁོར་ཚོགས་རྣམས་ངོ་མཚར་དུ་གྱུར་རྨད་དུ་གྱུར་ཏེ་འདུས་ནས་ཤིན་ཏུ་སྐྲག་སྟེ་གསོལ་བ་བཏབ་པ། ཨེ་མའོ་ཨེ་མའོ་ཡ་མཚན་ཆེ། །གཉིས་མེད་རོལ་པ་ཡ་མཚན་ཆེ། །འོད་ཟེར་འཕྲོ་འདུ་ཡ་མཚན་ཆེ། །བྱང་ཆུབ
295b2 ཆར་སྤྲིན་ཡ་མཚན་ཆེ། །སངས་རྒྱས་འབྱུང་བ་ཡ་མཚན་ཆེ། །སྤྲུལ་པ་འབྱུང་བ་ཡ་མཚན་ཆེ། །ཁྲོ་བོ་འབྱུང་བ་ཡ་མཚན་ཆེ། །བྱིན་བརླབས་ཆོ་འཕྲུལ་ཡ་མཚན་ཆེ། །དགོན་གདུངས་སྤངས་པ་ཡ་མཚན་ཆེ། །འགོག་པ་གསོས་པ་ཡ་མཚན་ཆེ། །བདག
295b3 ཅག་འཁོར་ཚོགས་འདུས་པ་རྣམས། །དམ་ཚིག་ཅན་དུ་བྱིན་བརླབས་མཛོད། །བླ་འོག་རིམ་པ་ཇི་བཞིན་དུ། །རྡོ་རྗེ་གསང་བའི་གྲལ་དུ་འཁོད། །ཅེས་གསོལ་བ་བཏབ་པས་བཅོམ་ལྡན་འདས་གསང་བ་མཆོག་གི་བདག་པོ་དེས་སྐུ་གསུང་ཐུགས་གཉིས་སུ་མེད
295b4 པའི་སྒོ་ནས་འཁོར་རྣམ་པར་སྦྱོར་བའི་རྡོ་རྗེའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱེད་པ་པོ་རྡོ་རྗེ་ཀུན་དུ་བཟང་པོ་ལ་གཟིགས་ནས་ཞལ་འཛུམ་པ་མཛད་དོ། །དེ་ནས་བྱེད་པ་པོ་རྡོ་རྗེ་ཀུན་དུ་བཟང་པོ་དེས་བསྐུལ་བར་རྣམ་པར་རིག་ནས་བཙུན་མོ་བྱ་བ་མོ
295b5 ཀུན་དུ་བཟང་མོ་དང་གཉིས་སུ་མེད་པར་སྦྱོར་ཞིང་རང་གི་སྟན་ལས་རྣམ་པར་ལངས་ཏེ་བྱང་ཆུབ་སེམས་ཀྱི་མཚན་མ་གནས་ལྔར་བཏབ་ནས་ལྕེ་པདྨོའི་སྟེང་དུ་ལས་ཀྱི་རྡོ་རྗེ་བཞག་སྟེ། བརྐྱང་ཕྱག་བཙལ་ནས་མི་འཇིགས་པའི་ལྟ་བས་སྟོན་པའི་ཞལ་དུ་བལྟས་ནས་དོན
295b6 བསྡུ་བར་གསོལ་བ་བཏབ་པ། གསང་བའི་བདག་པོ་ཡབ་ཡུམ་དགོངས་སུ་གསོལ། །འདུས་པའི་འཁོར་ཚོགས་མང་པོ་དགོངས་སུ་གསོལ། །གསང་མཛོད་ཡེ་ཤེས་གློག་གི་འཁོར་ལོ་འདི། །ཆོས་ཀྱི་རྒྱལ་པོ་ཆེན་པོས་བཤད་དུ་གསོལ། །ཞེས་གསོལ་བ་བཏབ་པས
295b7 གསང་བ་མཆོག་གི་བདག་པོས་བྱེད་པ་པོ་ཀུན་དུ་བཟང་པོ་རྡོ་རྗེ་ལས་ཀྱི་བཀའ་བར་བྱིན་གྱིས་བརླབས་པའི་ཕྱིར་ཐུགས་གསང་བའི་མཁའ་ལས་བྱང་ཆུབ་སེམས་སྤྲིན་སྤྲོས་པས་ལས་ཀྱི་འཁོར་ལོ་རྡོ་རྗེ་རྒྱ་གྲམ་གཅིག་ལག་ཏུ་བཞག་སྟེ། ལས་ཀྱི་དབང་བསྐུར་ནས་མིང་ཡང
iiif viewer powered by OpenSeadragon
