| e-texts navigator |
| Wylie |
293b1 བཞིའི་སངས་རྒྱས་ཐམས་ཅད་ས་ལ་རྫུ་འཕྲུལ་གྱི་སྤྱན་གྱིས་རྣམ་པར་གཟིགས་ནས་སྨྲ་བསམ་ལས་འདས་པ་དེ་བཞིན་ཉིད་སྟོང་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་ཅང་མི་མཛད། རྣམ་པར་མི་མཛད། མཛད་པ་མི་འགོག་།མཛད་པ་རྣམ་པར
293b2 ཡང་མི་འགོག་། མི་མཛད་པ་ཡང་མི་གནས། ཅང་མི་གསུང་། རྣམ་པར་མི་གསུང་མི་སྒྲོགས། གསུངས་པ་ཡང་མི་འགོག་།གསུངས་པ་རྣམ་པར་ཡང་མི་འགོག་།མི་གསུང་མི་འགོག་པ་ལ་ཡང་མི་གནས། འཁོར་གྱི་དཀྱིལ་འཁོར་དང་། སྣོད་ཀྱི་ཁམས
293b3 ཐམས་ཅད་དང་། སའི་ཁྱད་པར་ཐམས་ཅད་ལ་ཡང་མི་གཟིགས་མི་དགོངས། གཟིགས་ཤིང་དགོངས་པ་ལ་ཡང་མི་འགོག་།རྣམ་པར་ཡང་མི་འགོག་།མི་འགོག་པ་ལ་ཡང་མི་གནས་སོ། །དེ་ནས་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་འཁོར་གྱི
293b4 དཀྱིལ་འཁོར་དེ་དག་དང་། སྣོད་ཀྱི་ཁམས་དེ་དག་དང་། བཅུད་ཀྱི་ཁམས་དེ་དག་དང་། སའི་ཁྱད་པར་དེ་དག་ཐམས་ཅད་ཀྱང་སྒྱུ་མའི་མཚན་ཉིད་ཙམ་དུ་ཡང་དམིགས་སུ་མེད་དོ། །དཔེར་ན་ནམ་མཁའ་ནི་ཆོས་ཐམས་ཅད་ཀྱི་རྗེས་སུ་ཡང་སོང་ལ་ཇི་ལྟ་བུའི
293b5 ངོ་བོར་ཡང་གདགས་སུ་མེད་པ་དེ་བཞིན་དུ་དོན་དམ་པ་བྱང་ཆུབ་སེམས་དེ་ཡང་ཆོས་ཐམས་ཅད་ལ་ཡང་ཁྱབ་ལ་སྨྲ་བསམ་ལས་ཀྱང་འདས་སོ། །དེ་ལྟར་ཆོས་ཀྱི་སྐུའི་ངོ་བོར་བརྗོད་དུ་མེད་པ་ལ་བརྣལ་བཞིན་དུ་ཡུམ་ཀུན་དུ་བཟང་མོ་རྔམ་པའི་ཀྲོ་དྷིའི་རྒྱལ་མོས་སྟོང
293b6 ཉིད་ཀྱི་ངང་ལས་གླུ་འདིས་བསྐུལ་ལོ། །ོ~ཾ་སྣང་སྟོང་སྟོང་པའི་རྡོ་རྗེ་ཆོས་ཀྱི་སྐུ། །སྨྲ་བསམ་ལས་འདས་དོན་དམ་བྱང་ཆུབ་སེམས། །སྟོང་ཉིད་ངང་ལས་མི་འདའི་དམ་ཚིག་གིས། །སྙིང་རྗེ་ནམ་མཁའི་ངོ་བོ་བསྟན་དུ་གསོལ། །ཞེས་བསྐུལ་བས། བསྐུལ་བར
293b7 ཐུགས་སུ་ཆུད་ནས་སྟོང་ཉིད་ཀྱི་ཏིང་ངེ་འཛིན་གྱི་ངང་ལས་རིག་པའི་ཡེ་ཤེས་སྙིང་རྗེ་ཆེན་པོ་ཡིས་ཀུན་དུ་ཀློང་བདལ་བར་ཁྱབ་སྟེ། སྙིང་རྗེ་ཆེན་པོ་དེས་འཁོར་གྱི་དཀྱིལ་འཁོར་ཀུན་དུ་ཁྱབ་པར་མཛད་དོ། །འཁོར་གྱི་དཀྱིལ་འཁོར་ཀུན་དུ་ཁྱབ་པར་མཛད་ནས་ཡང་སྣོད
iiif viewer powered by OpenSeadragon
