| e-texts navigator |
| Wylie |
293a1 བ་དང་དགྲོལ་བ་དང་དྲང་བ་དང་རེངས་པ་དང་རྨུགས་པ་དང་དབྲལ་བ་དང་བཟའ་བ་དང་བཏུང་བ་དང་འཇིབ་པ་དང་ཉམས་པ་དང་གསད་པ་དང་། གནོན་པ་དང་སྤར་བ་དང་ཕམ་པ་དང་། རྒྱལ་བ་ལ་སོགས་པ་བྱེད་ཅིང་ཐབས་ཅིག་ཏུ་རྡོ་རྗེ་གསང་བའི་གྲལ་དུ
293a2 འཁོད་དོ། །དེ་ནས་ཡང་དཔལ་འབར་ཡུམ་ཀྲོ་དྷིའི་རྒྱལ་མོ་ཡང་བཅོམ་ལྡན་འདས་གསང་བ་མཆོག་གི་བདག་པོའི་སྐུ་ལ་འཁྲིལ་ཏེ་བཞུགས་སོ། །བཅོམ་ལྡན་འདས་བྱེད་པ་པོ་རྡོ་རྗེ་ཀུན་དུ་བཟང་པོ་དང་། བཙུན་མོ་བྱ་བ་མོ་ཀུན་དུ་བཟང་མོ་ཡང་གཉིས་སུ་མེད་པར་མདུན
293a3 གྱིས་བལྟས་ཏེ་བཀའ་ནོད་པའི་ཚུལ་དུ་གནས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དཔལ་ཀུན་དུ་བཟང་པོ་ཡེ
293a4 ཤེས་རྔམ་པའི་རྒྱལ་པོས་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་གཟིགས་སོ། །འཁོར་གྱི་དཀྱིལ་འཁོར་ཐམས་ཅད་ལ་གཟིགས་ནས་ཕྱི་སྣོད་ཀྱི་ཁམས་ནམ་མཁའ་དང་ས་དང་། ཆུ་དང་། མེ་དང་། རླུང་དང་རི་དང་། ཚལ་ལ་སོགས་པ་ཐམས་ཅད་ལ་རྣམ
293a5 པར་གཟིགས་སོ། །དེ་དག་ཐམས་ཅད་ལ་རྣམ་པར་གཟིགས་ནས་ཡང་ནང་བཅུད་ཀྱི་ཁམས་སེམས་དང་སེམས་ལས་བྱུང་བའི་གཡོ་བ་དང་། འགུལ་བ་དང་། དམྱལ་བ་དང་། དང་། བྱོལ་སོང་དང་། མི་དང་། ལྷ་མ་ཡིན་དང་། ལྷའི་རིགས་སོ་སོའི་ཁམས
293a6 དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་ཁམས་དང་། མུ་སྟེགས་ཀྱི་ཁམས་དང་། བདུད་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། མིའམ་ཅི་དང་། རུ་ཏྲ་དང་། རུ་ཏྲ་ཅན་ལ
293a7 སོགས་པའི་ཁམས་ལ་རྣམ་པར་གཟིགས་སོ། །དེ་དག་ཐམས་ཅད་ལ་རྣམ་པར་གཟིགས་ནས་ཡང་ཉན་ཐོས་ཀྱི་ས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའ་རྣམས་ཀྱི་ས་དང་། རིག་འཛིན་ས་པའི་བསྟི་གནས་དང་། ཕྱོགས་བཅུ་དུས
iiif viewer powered by OpenSeadragon
