| e-texts navigator |
| Wylie |
291a1 བར་སྣང་བ་དང་། ཆེ་བའི་ཡོན་ཏན་རྣམ་པ་སྣ་ཚོགས་པའི་དྲིལ་བུ་དང་མུ་ཏིག་གི་ཆུན་མཛེས་འཕྱང་བ་དང་། ཤར་བུའི་རྒྱན་དང་། བླ་རེ་དང་། གདུགས་དང་། རྒྱལ་མཚན་ལ་སོགས་པའི་རྒྱན་གྱི་ཁྱད་པར་དང་། མཉམ་པ་ཉིད་ཀྱི་ཏ་ལའི་ལྗོན་ཤིང
291a2 དང་། རེ་བ་སྐོང་བའི་དཔག་བསམ་གྱི་ཤིང་དང་། ཡིད་བཞིན་གྱི་ནོར་བུ་རིན་པོ་ཆེའི་རྒྱལ་མཚན་དང་། འཇིག་རྟེན་པའི་ལྷ་དང་། ལྷའི་བུ་མོ་རྣམ་པ་སྣ་ཚོགས་པའི་རོལ་མོ་དང་གླུ་དབྱངས་ཀྱི་ཚིགས་སུ་བཅད་པས་བརྒྱན་པའི་གནས་ཁྱད་པར་རྒྱུ་རིན་པོ་ཆེ་སྣ་ཚོགས་ལས
291a3 གྲུབ་པའི་གནས་དེ་ཉིད་ན་ཐབས་དང་ཤེས་རབ་རང་བཞིན་གྱིས་འོད་གསལ་བའི་ཉི་ཟླ་དང་མ་ཆགས་མ་གོས་པའི་པདྨ་དང་མི་ཟད་པའི་རིན་པོ་ཆེ་འབར་བའི་གདན་ཁྲི་དང་གཟིམས་ཆ་དང་སྣམ་རྟེན་དུ་ལྡན་པར་གནས་སོ། །གཞན་ཡང་ཁྲག་འཐུང་གི་ཚོགས་འདུས་པའི་གནས་སུ
291a4 ཡང་འགྱུར་ཏེ། དུར་ཁྲོད་ཀྱི་རྒྱན་གྱི་ཁྱད་པར་གྱི་བྱེ་བྲག་ཞིང་གི་གདན་དང་སྦྲུལ་ནག་གི་ཆུན་འཕྱང་དང་ཐོད་པ་རྣམ་གསུམ་གྱི་མཚན་མ་དང་། རླུང་ནག་གི་ཕུང་པོ་སྤུངས་ཤིང་རཀྟའི་རྒྱ་མཚོ་མི་བཟད་པར་འཁྲུག་པ་དང་། མེ་རི་སེར་ནག་ཏུ་འཁྱིལ་ཅིང་འབར་བ། ཀེང་རུས
291a5 ཀྱི་རི་རབ་ལས་རཀྟའི་ཁྲག་ཞག་གི་ཆུ་འབབ་པ། འབར་བའི་འཕྲོ་བ་མང་པོ་འཁྲུག་པའི་གནས་ན་དྲེགས་པ་ཁྱོ་ཤུག་དང་། སེམས་ཅན་ཆེན་པོའི་གདན་དང་བཅས་པའི་གནས་ཀུན་དུ་བཟང་པོའི་བསོད་ནམས་དང་ཡེ་ཤེས་ཀྱི་ཚོགས་ལས་གྲུབ་པ། རྣལ་འབྱོར་གྱི་དབང
291a6 ཕྱུག་ཆེན་པོའི་རྡོ་རྗེ་གསང་བའི་གྲལ་དུ་གྱུར་པ་ན་རྣལ་འབྱོར་གྱི་དབང་ཕྱུག་གི་འཁོར་ཚོགས་བརྗོད་པ་ལས་འདས་པའི་ཡང་བརྗོད་པ་ལས་འདས་པ། སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་འཁོད་པ་ནི་རྣལ་འབྱོར་གྱི་དབང་ཕྱུག་ཆེན་པོ་དང་། ཁྲག་འཐུང་རོལ་པའི་ཚོགས་དང་།
291a7 དད་པས་འདུས་པའི་ཚོགས་རྣམས་དང་ཐབས་ཅིག་ཏུ་བཞུགས་པ་འདི་ལྟ་སྟེ། ནམ་མཁའི་དབྱིངས་དང་མཉམ་པའི་དེ་བཞིན་གཤེགས་པ་བཙུན་མོ་དང་བཅས་པ་དེ་བཞིན་གཤེགས་པ་རྣམ་པར་སྣང་མཛད་དང་། དེ་བཞིན་གཤེགས་པ་མི་བསྐྱོད་པ་དང་། དེ་བཞིན
iiif viewer powered by OpenSeadragon
