| e-texts navigator |
| Wylie |
260a1 ཆོས་ཉན་པ། །དེ་ནི་བཀྲ་ཤིས་དམ་པ་ཡིན། །ལེ་ལོ་མེད་དང་མང་ཐོས་དང་། །ཆོས་ལ་ལེགས་པར་རྣམ་ངེས་དང་། །དེ་བཞིན་སེམས་ལ་རྙོག་མེད་པ། །དེ་ནི་བཀྲ་ཤིས་དམ་པ་ཡིན། །གང་ཞིག་སེམས་ཅན་ཐམས་ཅད་ལ། །བྱམས
260a2 པའི་སེམས་ནི་ར་བ་བསྒོམ་ཞིང་། །དཔག་ཏུ་མེད་དེ་མི་འཁྲུགས་པ། །དེ་ནི་བཀྲ་ཤིས་དམ་པ་ཡིན། །གང་ཞིག་འཕགས་པའི་བདེན་རྣམས་ལ། །ཤེས་རབ་མིག་ནི་རྣམ་སྦྱངས་དང་། །ཚུལ་ཁྲིམས་ནོངས་པར་མ་གྱུར་པ། །དེ་ནི་བཀྲ་ཤིས་དམ
260a3 པ་ཡིན། །འཕགས་པའི་བདེན་པ་མཐོང་བ་དང་། །ཚངས་པར་སྤྱོད་པ་སྒོམ་པ་དང་། །མྱ་ངན་འདས་པ་འཐོབ་འགྱུར་བ། །དེ་ནི་བཀྲ་ཤིས་དམ་པ་ཡིན། །གང་ཞིག་འདོད་ཆགས་ཞེ་སྡང་དང་། །མ་རིག་པ་ཡང་རྣམ་སྤངས་དང་། །ཤེས་པ་མི
260a4 འཁྲུགས་སྐྱེ་འགྱུར་བ། །དེ་ནི་བཀྲ་ཤིས་དམ་པ་ཡིན། །འཇིག་རྟེན་ཆོས་རྣམས་ཀྱིས་བསྐྱོད་ཀྱང་། །གང་གི་སེམས་ནི་མི་གཡོ་དང་། །དྲི་མེད་ཞི་དང་མྱ་ངན་མེད། །དེ་ནི་བཀྲ་ཤིས་དམ་པ་ཡིན། །དེ་དང་འདི་ནི་ཅི་རིགས་པར། །འདི་ལ་བཀྲ་ཤིས་དེ
260a5 དག་ནི། །མཁས་པ་གང་ཞིག་སྟོད་བྱེད་པ། །དེ་ལ་རྟག་ཏུ་བཀྲ་ཤིས་འགྱུར། །ལྷས་ཞུས་པའི་བཀྲ་ཤིས་ཀྱི་ཚིགས་སུ་བཅད་པ་རྫོགས་།། @#། །དཀོན་ཆོག་གསུམ་ལ་ཕྱག་འཚལ་ལོ། །དཔལ
260a6 རྣལ་འབྱོར་གྱི་རྒྱུད་ཀྱི་དཀྱིལ་འཁོར་གྱི་ལྷ་དེ་བཞིན་གཤེགས་པ་རིགས་ལྔ་འཁོར་དང་བཅས་པ། ལྷ་སུམ་ཅུ་རྩ་བདུན་གྱི་བཀྲ་ཤིས་ཀྱི་ཚིགས་སུ་བཅད་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བཅོམ་ལྡན་རྣམ་པར་སྣང་མཛད་རྒྱལ་བ་མི་བསྐྱོད་པ། །
260a7 རིན་ཆེན་འབྱུང་ལྡན་འོད་དཔག་མེད་དང་དོན་ཡོད་གྲུབ། །རིགས་ལྔ་བདེ་གཤེགས་རྣམས་ཀྱི་བཀྲ་ཤིས་གང་ཡོད་པ། །བཀྲ་ཤིས་དམ་པ་དེས་ཀྱང་དེང་འདིར་བཀྲ་ཤིས་ཤོག་།རྡོ་རྗེ་སེམས་མ་དང་ནི་རིན་ཆེན་སེམས་མ་དང་། །ཆོས་ཀྱི་སེམས་མ་དང་ནི
iiif viewer powered by OpenSeadragon
