| e-texts navigator |
| Wylie |
148a1 བལྟ། །དེ་ནས་གཡས་ཕྱོགས་བསྐོར་ནས་ནི། །བདག་ཉིད་ནུབ་ཕྱོགས་ཁ་བལྟས་ཏེ། །དེ་ནས་སྲད་བུ་ནུབ་ཕྱོགས་སུ། །བདག་ཉིད་ཀྱིས་ནི་བྲེ་བར་བྱ། །དེ་ཡི་འོག་ཏུ་བྱང་ཕྱོགས་སུ། །མཁས་པས་སྲད་བུ་བྲེ་བར་བྱ། །དང་པོར་བདག་ཉིད་མེ་ཕྱོགས་སུ། །
148a2 འདུག་ནས་ཕྱོགས་གཉིས་བརྟག་པར་བྱ། །དེ་ཡི་འོག་ཏུ་རླུང་ཕྱོགས་སུ། །ཕྱོགས་གཉིས་ནས་ནི་སྲད་བུ་བྲེ། །བདེན་བྲལ་དབང་ལྡན་གྲ་གཉིས་ནས། །སྲད་བུ་འཛིན་པ་བལྟ་བར་བྱ། །གྲུ་བཞི་ལྷ་མ་པར་བསྙམས་ནས་སུ། །རྒྱ་གྲམ་དུ་ནི་སྲད་བུ་བྲེ། །རྒྱ་གྲམ་ཐམས་ཅད
148a3 མཉམ་པར་བསྙམས། །དེ་ལྟར་སྲད་བུས་གཏན་ལ་དབབ། །བསྙམས་ནས་དེ་ཡི་དཀྱིལ་དུ་ནི། །ཕུར་བུ་གཅིག་ཀྱང་གདབ་པར་བྱ། །དེ་ནས་དེ་ཡི་འོག་ཏུ་ཡང་། །གྲཝ་བཞིར་ཕུར་བུ་བཞི་གདབ་བོ། །དེ་བཞིན་དཀྱིལ་འཁོར་གཉིས་པ་དང་། །གསུམ་པ་ལེགས་པར་གྲཝ་དག
148a4 ནས། །ཆེ་ཆུང་དག་ཀྱང་རིམ་པ་བཞིན། །ཡོངས་སུ་བརྩམ་པར་བྱ་བར་བཤད། །རིམ་གྱིས་ཕྱེད་ཕྱེད་ད་བྲི་བར་བར་བྱ། །དེ་ལས་གཞན་པའི་འཁོར་གྱི་ནི། །དཀྱིལ་འཁོར་བཤད་པ་གང་ཡིན་པ། །དེ་ཀུན་ཕྱེ་མ་དཀར་པོ་ཡིས། །ཆིག་རྐྱང་དུ་ནི་བྲི་བར་བ་ཤད། །དཀྱིལ་འཁོར་ཉིས
148a5 རིམ་སུམ་རིམ་མམ། །བཞི་འམ་མང་པོར་བྱ་བ་ལ། །ཕྱི་རིམ་གང་ཡིན་དེ་ལ་ནི། །སྒོ་གཅིག་པ་དང་རྒྱ་ཆེར་བྱ། །གཞན་ནི་ཕྱོགས་ཀྱི་ཆ་བཞིན་དུ། །སྒོ་བཞི་སྒོ་ཁྱུད་བཅས་པར་བྱ། །ཡང་ན་ཐམས་ཅད་དོགས་མེད་པར། །སྒོ་རེ་རེ་བཞི་བྱ་བ་ཡིན། །སྙིང་པོ་དཀྱིལ་འཁོར་ངེས་པར
148a6 ནི། །རབ་ཏུ་བཟང་པོ་སྒོ་བཞིར་བྱ། །ནུབ་ཕྱོགས་སྒོ་འམ་ཡང་ན་ནི། །གང་ལས་ཇི་སྐད་བཤད་པར་དབྱེ། །ལྷག་མ་རྣམས་ནི་དཀར་པོ་ཡི། །ཕྱེ་མས་གཅད་པར་བྱ་བ་ཡིན། །དཀྱིལ་འཁོར་རྣམ་གསུམ་དགོད་པ་ཡིས། །དཀྱིལ་འཁོར་རབ་ཏུ་མང་བཤད་ཀྱང་། །དེ་ནི་དཀྱིལ
148a7 འཁོར་མང་པོ་དག་། རྣམ་པར་དགོད་པ་བཤད་པ་གང་། །དེ་དག་རྣམས་ནི་ཐམས་ཅད་ཀྱི། །རྣམ་པར་དབྱེ་བ་ཡིན་པར་གྲགས། །ལྷ་ཡི་གཙོ་བོར་གྱུར་པ་རྣམས། །རྟག་ཏུ་དཀྱིལ་དུ་དགོད་པར་བྱ། །དེ་ཡི་ལྷག་མའི་དཀྱིལ་འཁོར་ནི། །གཉིས་པ་དག་ཏུ་དགོད་པར་བྱ། །
iiif viewer powered by OpenSeadragon
