| e-texts navigator |
| Wylie |
145a1 བསྙམས་བྱས་ལ། །ཐོར་ཏོ་གཅིག་ནི་མགོར་བྱས་ནས། །རྩེ་མོ་ནས་ནི་བཅའ་བར་བྱ། །དེ་ནས་མཁས་པས་གནས་དང་ནི། །བདག་དང་སློབ་མ་བརྟན་བསྲུངས་ནས། །ལྷ་རྣམས་ཐམས་ཅད་ལེགས་མཆོད་དེ། །དང་པོར་བགེགས་ནི་ཞི་བའི་ཕྱིར། །མར་ལས
145a2 བཏགས་པའི་ཡམ་ཤིང་དང་། །མར་དང་སྦྱར་བའི་ཏིལ་དག་དང་། །མར་གྱི་སྲེག་བླུགས་སྦྱིན་སྲེག་བྱ། །འབྲས་ཆན་ཞོར་སྦྱར་སྦྱིན་སྲེག་བྱ། །དེ་ཡི་འོག་ཏུ་སྙིང་པོ་སྟེ། །དེ་ནས་ཞི་བའི་སྦྱིན་སྲེག་ནི། །ཞི་བའི་རིག་སྔགས་ཉིད་ཀྱིས་བྱ། །དེ་ནས་སློབ་མ་ལེགས་བརྟགས་ཏེ། །སྟ
145a3 གོན་གནས་པ་ཚུལ་བཞིན་བྱ། །སློབ་མ་རིགས་བཙུན་གཙང་སྦྲ་ཅན། །སྙིང་སྟོབས་ཆེ་ཞིང་ཆོས་ལྷུར་ལེན། །དད་པ་ཆེ་ཞིང་བཟོད་དང་ལྡན། །དྲན་དང་ལྡན་ཞིང་མཁས་པ་སྟེ། །དྲང་རྐན་ཆེ་ལ་མདོངས་གསོལ་ཅན། །བརྟན་ཞིང་དུལ་ལ་སྙན་པར་སྨྲ། །སྨྲ་མཁས་པ་ལ་ཟློ་བསྐྱེལ
145a4 ཅན། །ཡང་དག་ཤེས་ཤིང་བྱས་པ་གཟོ། །བློ་དང་ལྡན་ཞིང་སྤོབས་པ་ཆེ། །ཆེན་པོར་འདོད་ཅིང་ང་རྒྱལ་མེད། །མདོག་དང་གཟུགས་དང་ན་ཚོད་བཟང་། །བསྟན་བཅོས་དག་ལ་གོམས་པར་བྱས། །ཧ་ཅང་མི་རིང་མི་ཐུང་ལ། །དེ་ལ་སོགས་པའི་ཡོན་ཏན་དང་། །ལྡན་པའི་བློ་ཅན
145a5 སློབ་མར་ཤིས། །རང་བཞིན་ངན་གཏུམ་གཡོན་ཅན་དང་། །སྙིང་རྗེ་མེད་ཅིང་ངན་པས་འཚོ། །ཡན་ལག་ཉམས་དང་ཡན་ལག་ལྷག་།ཧ་ཅང་སྦོམ་དང་སྐེམ་དང་སྡར། །མིག་དམར་གདོང་ནི་ཁྲོ་གཉེར་ཅན། །ཁ་དོག་འབྱེས་ཤིང་ཡན་ལག་རྣམས། །མཚན་དང་ལྡན་པ་མ་ཡིན་དང་། །
145a6 དེ་འདྲའི་སློབ་མ་སྐྱོན་མང་བ། །སློབ་དཔོན་གྱིས་ནི་སྤང་བར་བྱ། །ཤ་ཚུགས་མ་ལེགས་ཡོན་ཏན་མེད། །རིགས་དམན་ཞིང་ནི་ངན་པས་འཚོ། །ནད་བུ་ཅན་དང་དད་མེད་པའི། །སློབ་མ་རྣམས་ནི་ཡོངས་སུ་སྤང་། །བདག་ཉིད་ངན་པའི་མི་གང་དག་།སྨད་འཚོང་མ་ལ་རབ་གདུང
145a7 ཞིང་། །ཆང་དད་ཅན་དང་རྒྱན་ལ་སྲེད། །དེ་དག་རྟག་ཏུ་ཡོངས་སུ་སྤང་། །དཀོན་མཆོག་གསུམ་ལ་སེམས་དད་ཅིང་། །ཚུལ་ཁྲིམས་ཀྱི་ནི་སྡོམ་པས་བསྡམས། །ཐེག་པ་ཆེ་ལ་ལྷག་མོས་པའི། །སློབ་མ་ཡོངས་སུ་གཟུང་བར་ཤིས། །སློབ་མ་ཡན་ལག་མ་ཉམས་དང་། །ལྷག
iiif viewer powered by OpenSeadragon
