| e-texts navigator |
| Wylie |
143b1 ཉི་མ་ཙེར་ཙེས་ནུབ་ནས་བརྩམ། །ཉི་མ་ཤར་བར་མ་གྱུར་པར། །མཆོད་ནས་གཤེགས་སུ་གསོལ་བར་ཤིས། །ཁྱད་པར་ཅན་གྱི་ཆོ་ག་ནི། །ལྷ་དུས་བྱ་བ་དུས་བཞིན་བཤད། །གཞན་དུ་ཆོ་ག་ཉམས་པའི་ཕྱིར། །དངོས་གྲུབ་འབྱུང་བར་མི་འགྱུར་རོ། །སྤྱི་ཡི་དཀྱིལ་འཁོར་བློ
143b2 ལྡན་པས། །ནམ་ཡང་ཉིན་པར་མི་བྲིའོ། །ཉིན་པར་བྲིས་ན་དེ་དག་ཏུ། །སྡུག་བསྔལ་ཉམས་སུ་མྱོང་བར་འགྱུར། །དགོངས་མགོ་བཙུགས་ནས་ནམ་ཕྱེད་ན། །དྲག་ཤུལ་སྤྱོད་པར་གྱུར་པ་ཡིན། །མཚན་མོ་དུས་ལས་འདས་པས་ན། །ཉེས་པ་མང་པོ་འབྱུང་བར་འགྱུར། །
143b3 མཚན་མོ་རབ་ཏུ་ཞི་བའི་ཕྱིར། །སྤྱིར་ན་འདོད་པར་བྱ་བ་ཡིན། །དམ་ཚིག་དག་ལ་སོགས་པའི་ལས། །དེ་ལྟ་བས་ན་མཚན་མོ་བརྩམ། །ཉི་མ་ནུབ་ན་ལྷ་རྣམས་ནི། །ངེས་པར་བྱིན་གྱི་རླབས་ཀྱིས་འདུ། །གཞན་དག་ཀྱང་ནི་ཁྱད་པར་དུ། །བྱིན་གྱིས་རློབ་པར་བྱེད་པར་འགྱུར། །ཆོ
143b4 གས་སྤྱན་དྲངས་གསང་སྔགས་དང་། །ལྷ་ཡང་ཉི་མ་ནུབ་པ་ན། ཕན་པར་བཞེད་པས་དཀྱིལ་འཁོར་དུ། །ངེས་པར་བྱིན་གྱིས་རློབ་པར་མཛད། །ཡང་དག་ཞི་བའི་སེམས་ཀྱིས་ནི། །དུས་དང་ཆེས་གྲངས་ཞི་བ་ལ། །སྔགས་ཀྱིས་སྤྱན་འདྲེན་བྱེད་པ་ནི། །བསམས་པའི
143b5 དངོས་གྲུབ་ཐོབ་པར་འགྱུར། །ཕུར་བུ་དང་ནི་ཟླ་བ་དང་། །པ་བ་སངས་དང་ཉི་མ་བཟང་། །གཞན་ལ་རབ་ཏུ་དྲག་པོ་ཡི། །ལས་ནི་ཀུན་དུ་བརྩམ་པར་བྱ། །རྒྱལ་དང་སྐག་དང་ས་ག་དང་། །མེ་བཞི་ནག་པ་ཐ་སྐར་དང་། །སྣརོན་ལ་སོགས་གསུམ་ས་ག་ནི། །དཀྱིལ་འཁོར
143b6 དག་ལ་རབ་ཏུ་ཤིས། །དེ་ལ་སོགས་པའི་ཞི་བ་དང་། །རྒྱུ་སྐར་དག་ནི་བཟང་པོ་ལ། །བློ་དང་ལྡན་པས་དཀྱིལ་འཁོར་བྲི། །དྲག་པོ་ལ་ནི་དྲག་པོ་བྲི། །འབེབས་ལྡན་རྣམ་རྒྱལ་རྒྱལ་བྱེད་དང་། །གསལ་དང་དམར་ལྡན་ནོར་ཅན་དང་། །བཟང་མོ་ཆུ་ལྷ་ཚངས་མ་དང་། །དེས་དང་བཀྲ
143b7 ཤིས་ཁྱབ་འཇུག་དང་། །སྐྱེ་དགུའི་བདག་དང་ཐ་སྐར་བྱམས། །ཚིག་བཟང་པ་བ་སངས་པའོ། །ཡུད་ཙམ་རྣམས་ཀྱི་རྒྱུད་ཀུན་གྱི། །བྱ་བའི་ཆོ་ག་རྣམས་ལས་ཤིས། །དེ་དག་ལ་སོགས་བཟང་པོ་དང་། །བྱེད་པ་བཟང་ལ་རྟག་ཏུ་བྲི། །མི་བཟང་བ་ལ་བརྩམས་པའི
iiif viewer powered by OpenSeadragon
