| e-texts navigator |
| Wylie |
143a1 པའི་ཡོན་ཏན་ཤེས་བྱ་སྟེ། །མཁས་པས་དབྱར་ཡང་དཀྱིལ་འཁོར་གྱི། །ལས་ནི་ཆོ་ག་བཞིན་དུ་བྲི། །དྲི་དང་མེ་ཏོག་བདུག་སྤོས་དང་། །ལྷ་བ་ཤོས་སྦྱིན་སྲེག་ལས་ཀྱི་རྣམས། །ཕོངས་པར་གྱུར་ཀྱང་མི་ད་བྲི་སྟེ། །ཕྲི་ན་ངེས་པར་འཆི་བར་འགྱུར། །ཚེས་གྲངས་ངན
143a2 དང་དུས་མིན་དང་། །གནས་མིན་ཆོ་ག་མི་ལྡན་པར། །མཁས་པས་དཀྱིལ་འཁོར་མི་བྲིའོ། །བྲིས་ན་དོགས་པ་མེད་པར་འཆི། །མཁས་པས་ཇི་སྐད་བཤད་པ་ཡི། །ཟླ་བ་ཡར་གྱི་ངོ་དག་ལ། །ཟླ་བ་ཉ་འམ་བཅུ་གསུམ་མམ། །ཚེས་བརྒྱད་དག་གམ་བཅུ་བཞི་འམ། །ཚེས་བཅུ་དང
143a3 ནི་བཅུ་གཅིག་གམ། །ཡང་ན་ཡར་གྱི་ཚེས་གཅིག་གམ། །ཚེས་ལྔའམ་ཡང་ན་ཚེས་བདུན་ནམ། །ཡང་ན་ཚེས་གྲངས་གསུམ་ལའང་རུང་། །ཉི་མ་བཅུ་པོ་འདི་དག་ལ། །དཀྱིལ་འཁོར་རབ་ཏུ་བསྒྲིམས་ཏེ་བྲི། །མར་གྱི་ངོ་ཡི་དུས་མཚམས་ལའང་། །དཀྱིལ་འཁོར་བྲི་བ་འགལ
143a4 བ་མེད། །ཚེས་ལྔའམ་ཡང་ན་ཚེས་བདུན་ནམ། །ཟླ་བ་ཉ་ལ་ཁྱད་པར་དུ། །ཕྱག་ན་པདྨའི་དཀྱིལ་འཁོར་གྱི། །ཆོ་ག་རྣམས་ནི་བྱ་བར་ཤིས། །ས་ཡི་འོག་གི་དཀྱིལ་འཁོར་དང་། །དྲག་ཤུལ་གྱི་ནི་ལས་རྣམས་དང་། །ཁྲོ་བོ་རྣམས་ཀྱི་དཀྱིལ་འཁོར་གང་། །དེ་དག་མར་ངོ་ལ་ཡང
143a5 བྲི། །ཟླ་བ་ཉ་ལ་ཁྱད་པར་དུ། །རྒྱལ་བའི་དཀྱིལ་འཁོར་བྲི་བར་ཤིས། །དཔྱིད་ཟླ་འབྲིང་དང་ཐ་ཆུང་ས་ལ། །མཁས་པས་དཀྱིལ་འཁོར་ཆེན་པོ་བྲི། །གང་ཚེ་ཡོ་བྱད་ལྡན་པ་དང་། །གང་ཚེ་དད་པ་བདོ་བ་དང་། །གང་ཚེ་ལས་ལ་བརྩོན་གྱུར་པ། །དེ་ཡི་ཚེ་ཡང་དཀྱིལ་འཁོར་བྲི། །གང་ཚེ
143a6 འཚོ་བ་ཀུན་མོད་ཅིང་། །མེ་ཏོག་མོད་པ་ལ་སོགས་པ། །ཕུན་སུམ་ཚོགས་པའི་དུས་ཤེས་པའི། །དེ་ཡི་ཚེ་ཡང་དཀྱིལ་འཁོར་བྲི། །གང་ཚེ་སློབ་མའི་བསྙེན་བཀུར་གྱིས། །བླ་མ་དག་ནི་མགུ་གྱུར་པ། །དེ་ཚེ་དེ་ལག་ན་ང་བས་ན། །དབང་བསྐུར་ཆེད་དུ་དཀྱིལ་འཁོར་བྲི། །ཉི་མ་ཟླ་བ
143a7 གཟས་ཟིན་དང་། །ཡ་མཚན་ཆེ་ལྟས་བྱུང་བ་དང་། །ཆོ་འཕྲུལ་གྱི་ནི་ཟླ་བ་ལ། །བསྒྲིམས་ཏེ་དཀྱིལ་འཁོར་བྲི་བར་བྱ། །སྔ་དྲོ་རྒྱས་པ་བསྐྱེད་པ་སྟེ། །ཉི་མ་གུང་ལ་དྲག་ཤུལ་སྤྱད། །དགོངས་ཀར་ཞི་བ་བློ་ཅན་གྱིས། །ཆོ་ག་བཞིན་དུ་དཀྱིལ་འཁོར་བྲི། །དཀྱིལ་འཁོར་དག་ནི་མ་ལུས་པ། །
iiif viewer powered by OpenSeadragon
