| e-texts navigator |
| Wylie |
142b1 སུ། །ལག་པས་བྲམ་ཞིང་གསང་སྔགས་བཟླས། །དེ་ཡི་སྦྱང་བ་དེ་ཡིན་ནོ། །ཟུག་རྔུའི་ཉེས་པ་ཐམས་ཅད་ནི། །གལ་ཏེ་དབྱུང་བར་མི་ནུས་ན། །དེར་ནི་གསང་སྔགས་ཁོ་ནས་ནི། །སྦྱངས་པ་ལེགས་པར་བྱས་པར་འགྱུར། །བརྟན་པར་འགྱུར་བའི་ལས་རྣམས་དང་། །གདོན
142b2 རྣམས་ཚར་གཅད་ལ་སོགས་དང་། །དྲག་ཤུལ་སྤྱོད་པ་དག་ལ་ཡང་། །ས་ནི་བརྟག་པར་བྱ་མི་དགོས། །དཀྱིལ་འཁོར་ས་གཞི་ཆོ་ག་ལ། །ཁྲོ་བོ་ཀཱི་ལི་ཀཱི་ལ་ཡིས། །བ་ཡི་རྣམ་ལྔ་ལ་བཟླས་པའི། །བསང་གཏོར་བྱས་ན་སྦྱངས་པར་འགྱུར། །གཞན་གྱིས་མི་ཐུབ་ལ་སོགས
142b3 པ། །རྒྱལ་བའི་གཙུག་ཏོར་ཉིད་ཀྱིས་སྦྱང་། །ཕྱག་ན་པདྨའི་དཀྱིལ་འཁོར་ཀུན། །ས་གཞི་སྦྱང་བར་བྱ་བ་ནི། །ཞི་བ་འདྲེན་པ་ཞེས་བྱ་ཡི། །དཔལ་མོས་ཆོ་ག་བཞིན་དུ་སྦྱང་། །ཕྱག་ན་རྡོ་རྗེའི་དཀྱིལ་འཁོར་རྣམས། །ཁྱད་པར་དུ་ནི་ཁྲོ་བོས་སྦྱང་། །ལས་སུ་བྱ་བ་ཐམས་ཅད་ཀྱང་། །
142b4 ཆོ་ག་བཞིན་དུ་འདི་ཡིས་བྱ། །རྒྱལ་བའི་གཙུག་དང་ཞི་བའི་འདྲེན། །ཁྲོ་བོ་སྟོབས་ཆེན་ཞེས་བྱ་བ། །འདི་གསུམ་རིགས་ནི་གསུམ་ཅར་གྱིས། །ལས་རྣམས་ཀུན་ལ་སྦྱར་བྱས་ཏེ། །ས་སྦྱང་བ་དང་བསྲུང་བ་དང་། །སློབ་མ་སྟ་གོན་གནས་པ་དང་། །བགེགས་རྣམས་བསལ་དང་དྲི་དག
142b5 དང་། །མེ་ཏོག་མངོན་པར་བསྔགས་པ་དང་། །དེ་ལ་སོགས་པའི་ལས་ཀུན་ལ། །བསྒྲིམས་ཏེ་སྦྱང་བར་བྱ་བ་ཡིན། །སོ་སོའི་རྒྱུད་ལ་ལས་དང་ནི། །གསང་སྔགས་རབ་ཏུ་བསྒྲགས་པ་གང་། །སྟོན་ཟླ་འབྲིང་པོའི་ཉ་ནས་ནི། །དཔྱིད་ཟླ་ཐ་ཆུང་ས་ཉ་ཡི་བར། །འདི་ཡི་ནང་དུ་མཁས
142b6 པ་ཡིས། །དཀྱིལ་འཁོར་ཆོ་ག་བཞིན་དུ་བྲི། །བགེགས་ཀྱི་དཀྱིལ་འཁོར་ནང་གཅད་དང་། །དེ་བཞིན་བསྒྲུབ་པའི་དཀྱིལ་འཁོར་དག་།དཔྱད་མི་དགོས་པར་དབྱར་ཡང་ནི། །མཁས་པས་དུས་བཞིན་བྲི་བར་བྱ། །སློབ་མ་དབང་བསྐུར་ཆེད་དུ་ནི། །དཀྱིལ་འཁོར་ཡོངས་སུ་བསྒྲགས
142b7 གང་དང་། །གནང་བའི་དཀྱིལ་འཁོར་གང་ཡིན་དང་། །ད་མ་ཚིག་དཀྱིལ་འཁོར་གང་ཡིན་དང་། །འབྱོར་པའི་ཆེད་དུ་བསྒྲུབ་པ་དང་། །ཆེན་པོའི་དཀྱིལ་འཁོར་གང་ཡིན་པ། །དེ་དག་ཐམས་ཅད་མཁས་པ་ཡིས། །ཟླ་བ་བདུན་པོ་དག་ལ་བྱ། །ཡུལ་དང་དུས་དང་སློབ་མ་དང་། །བདེག
iiif viewer powered by OpenSeadragon
