| e-texts navigator |
| Wylie |
142a1 ཚལ། །ངང་སྐྱ་དག་ནི་སྒྲ་སྒྲོགས་པར། །རྒྱལ་སྲིད་འདོད་པའམ་ནོར་འདོད་པས། །དཔལ་གྱི་དཀྱིལ་འཁོར་ཐམས་ཅད་བྲི། །མ་མོའི་གནས་དང་རི་རྩེ་དང་། །ལྷ་རྣམས་ཀྱི་ནི་གནས་དག་ཏུ། །གདོན་དབབ་པ་དང་འཇོམས་བྱེད་པ། །རྡོ་རྗེ་ལྕགས་ཀྱུའི་དཀྱིལ
142a2 འཁོར་བྲི། །ལམ་གྱི་བཞི་མདོ་ཆེན་པོ་དང་། །མཆོད་རྟེན་ཕྱག་ན་རྡོ་རྗེ་ཡི། །མདུན་དུ་སྒྲུབ་པ་པོ་ཡིས་ནི། །ཁྲོ་རྒྱལ་དཀྱིལ་འཁོར་བགེགས་འཇོམས་བྲི། །དེ་བཞིན་གཤེགས་པའི་དཀྱིལ་འཁོར་ནི། །གནས་ནི་བཟང་པོ་གཞན་དུ་ཡང་། །མཁས་པ་ཡིས་ནི་ཁྱད་པར་དུ། །
142a3 ཐམས་ཅད་བྲི་བར་བྱ་བ་ཡིན། །རབ་ཏུ་གནས་སོགས་དཀྱིལ་འཁོར་ཀུན། །མཁས་པ་ཡིས་ནི་ཁྱད་པར་དུ། །པདྨའི་མཚོ་ཡི་ཉེ་འཁོར་དུ། །ཆོ་ག་བཞིན་དུ་བྲི་བར་བྱ། །རི་ཡེ་རྩེ་མོར་མཁས་པ་ཡིས། །མདོ་ལས་བྱུང་བའི་ཆོ་ག་བཞིན། །རྣམ་པར་གནོན་སོགས་དཀྱིལ
142a4 འཁོར་ཀུན། །ཁྱད་པར་དུ་ནི་བྲི་བར་བྱ། །རྣམ་པར་ངེས་པའི་གནས་འདི་ནི། །ཁྱད་པར་དུ་ནི་བསྟན་པ་ཡིན། །རབ་ཏུ་བསྒྲིམས་ཏེ་ཐམས་ཅད་ལ། །ས་ནི་རྣམ་གསུམ་ཡོངས་སུ་བརྟག་།ཁྱད་པར་ཕུན་སུམ་མ་ལྡན་ན། །སྤྱི་ཡི་ལས་ཀྱིས་བྲི་བར་བྱ། །ཕུན་སུམ་ཚོགས་པར་ཀུན
142a5 བཟང་བའི། །ཚོགས་པ་དག་ནི་རྙེད་པར་དཀའ། །མདོར་ན་ས་གཞི་མཉམ་པ་དང་། །མདངས་སྣུམ་ཤར་དུ་གཞོལ་བ་བཞེད། །ཆུ་མང་ལྡན་པའི་གནས་དང་ནི། །ལྗོན་ཤིང་བཟང་པོས་བརྒྱན་པ་དང་། །བདག་གི་མིག་ཡིད་མགུ་བ་དང་། །འཚེ་མེད་ཟུག་རྔུ་སྤངས་པ་ནི། །དཀྱིལ
142a6 འཁོར་གནས་སུ་ཤིས་པ་སྟེ། །མི་ཡི་དངོས་གྲུབ་ཀུན་ཐོབ་བྱེད། །དྲང་སྲོང་གནས་དང་བ་གླང་ལྷས། །ཕུག་དང་རི་ཡི་རྩེ་མོ་དང་། །ས་གཞི་གང་ན་འཐས་པ་དང་། །ཁང་ཐོག་དང་ནི་རྡོ་ལེབ་དང་། །མཆོད་རྟེན་དྲུང་དང་འབབ་ཆུའི་གླིང་། །མཚོ་རྣམས་ཀྱི་ནི་འགྲམ་དག་ཏུ། །ས་གཞི
142a7 སྦྱང་ཞིང་བརྟག་པ་དང་། །ནན་ཏན་དུ་ནི་བྱ་མི་དགོས། །དེར་ནི་ཟུག་རྔུ་དབྱུང་མི་དགོས། །འཐས་པར་བཅག་ཀྱང་དེར་མི་དགོས། །མཐོན་དམན་ལ་སོགས་སྐྱོན་རྣམས་ཀྱང་། །དེར་ནི་དོགས་པ་བསྐྱེད་མི་དགོས། །གཉུག་མར་གནས་པའི་ས་གཞི་ལ། །བྱི་དོར་ལེགས་པར་བྱས་ནས
iiif viewer powered by OpenSeadragon
