| e-texts navigator |
| Wylie |
138a1 སྔགས་སྣ་ཚོགས་གཟུགས་སུ་རྣམ་སྤྲུལ་ནས། །གང་ཞིག་སྡུག་བསྔལ་གང་ཞིག་འཇིགས་སྐྲག་པའམ། །རྒྱལ་པོ་ཆོམ་རྐུན་ཐོག་གིས་འཇིགས་སྐྲག་པའི། །འགྲོ་བའི་ཚོགས་ཆེན་མཐའ་དག་སྐྱོབ་པར་མཛད། །གང་ཞིག་ཡུལ་དང་ཁྱིམ་ལ་བསྟེན་ཀྱང་རུང་། །
138a2 དཀའ་ཐུབ་མཉམས་རྩེ་གཅིག་སེམས་ཀྱིས་ནི། །ཉིན་གཅིག་བཞིན་དུ་ཅུང་ཟད་སྔགས་བཟླས་ན། །དེ་ཡི་གསང་སྔགས་དུས་ཤིག་ན་ནི་འགྲུབ། །ཆོ་ག་བཞིན་དུ་དང་པོ་འབུམ་བཟླས་ནས། །དེ་ནས་སྔགས་པ་བསྒྲུབ་ལ་འཇུག་པར་བྱ། །དེས་ན་དངོས་གྲུབ་མྱུར་དུ་འཐོབ་འགྱུར
138a3 ལ། །གསང་སྔགས་ཆོ་གས་ཡུན་རིང་ཉོན་མི་མོངས། །ལུས་ལ་ས་ཡིས་དྲིལ་ཕྱིས་བྱས་ནས་སུ། །ཆུ་ཆེན་རྙོག་པ་མེད་པར་ཞུགས་ནས་སུ། །ཅི་ཙམ་འདོད་པའི་བར་དུ་ཁྲུས་བྱས་ཏེ། །བྱུང་ནས་ཤར་རམ་བྱང་དུ་ཁ་བལྟས་ནས། །ཆུ་ཡིས་ལག་པ་རྐང་པ་བཀྲུས་ནས་སུ། །པུས་མོ་ཕྱི་རོལ་དུ
138a4 ནི་བསྟན་བྱས་ཏེ། །བར་དུ་ལག་བཞག་ཙོག་ཙོག་པོར་འདུག་ནས། །སྒྲ་མེད་དབུ་བ་མེད་པས་ཉེ་རེག་བྱ། །ལན་གསུམ་བར་དུ་ཆུ་ནི་འཐུངས་ནས་ཀྱང་། །མཆུ་ལ་ལན་གཉིས་ཡོངས་སུ་ཕྱི་བར་བྱ། །སོ་ལ་ཆགས་པ་ལྕེ་ཡིས་རེག་པ་དང་། །སྦྲིད་པ་བྱུང་ན་ཁ་ཡང་བཀྲུ་བར་བྱ། །རབ་བྱུང་སྐྱེས
138a5 པ་བུད་མེད་གཞོན་ནུ་དང་། །གཞོན་ནུ་མ་དང་རྒན་པོ་བྲམ་ཟེ་རྣམས། །དེ་ལ་ནམ་ཡང་སྔགས་པས་རེག་མི་བྱ། །སྔགས་པས་དེ་དག་རྣམས་ལ་མི་བསམ་མོ། །བརྒྱ་ལ་དེ་དག་རྣམས་ཀྱིས་རེག་གྱུར་ཏམ། །སྒྲུབ་པོས་དེ་དག་རྣམས་ལ་རེག་གྱུར་ན། །སླར་ཡང་ཁྲུས་དང་འཐོར་འཐུང
138a6 བྱས་ནས་སུ། །དེ་ནས་ཕྱིར་ཡང་བཟླས་ལ་འཇུག་པར་བྱ། །གཙང་སྦྲ་ལ་དང་ཟློས་དགའ་སྙིང་རྗེ་ཅན། །རྟག་ཏུ་ལེན་པ་ལས་ནི་ལོག་པ་དང་། །སློང་མོའི་ཟས་ཟ་ལྷ་ཡི་ལས་བརྩོན་པ། །དེ་ཡི་ལུས་ལ་གསང་སྔགས་འཇུག་པར་འགྱུར། །འགའ་ཡིས་བུད་མིད་གོས་དང་ནོར་རྣམས
138a7 དང་། །བཞོན་པ་རྒྱན་དང་བྱུག་པ་བཟའ་བཏུང་དང་། །མལ་སྟན་རྣམས་ནི་མང་ཉུང་བྱིན་གྱུར་ན། །དེ་ལ་བསྒྲུབ་ལ་གནས་པས་མི་བླང་ངོ་། །ས་ཕུང་བཤང་སྒོར་ལྔ་སྟེ་མཚན་ལ་གསུམ། །གཡོན་ལ་གསུམ་སྟེ་ལག་པ་གཉིས་ལ་བདུན། །ཡང་ན་ས་དང་ཆུ་ཡིས་ཅི་སྲིད་དུ། །དྲི་མ་དྲི་བྲལ་དེ་སྲིད
iiif viewer powered by OpenSeadragon
