| e-texts navigator |
| Wylie |
137b1 རབ་ཏུ་བཤད་པ་ཡིན། །ལྷ་མིན་དབང་པོས་འབུམ་ཕྲག་གཉིས་ཉིད་དེ། །ལྷ་ཡི་དབང་པོས་ཀྱང་ནི་འབུམ་ཕྲག་གསུམ། །གསང་སྔགས་ཕྱག་རྒྱ་སྣ་ཚོགས་ཆོ་གར་ལྡན། །སོ་སོའི་གཞུང་གི་དཀྱིལ་འཁོར་རྣམས་དང་བཅས། །རང་སྔགས་མདོ་སྡེའི་རྗེས་འབྲང་དད་བསྐྱེད་ན། །མ་བསྒྲིམས་བཞིན
137b2 དུ་ཐེ་ཚོམ་མེད་པར་འགྲུབ། །དེ་ལས་བཟློག་ན་དངོས་གྲུབ་མི་ཐོབ་ལ། །སྡུག་བསྔལ་མང་པོ་ཡང་ནི་འཐོབ་པར་འགྱུར། །འཕགས་པ་དབུང་བཟང་གིས་ཞུས་པའི་ལེའུ་བཅུ་པའོ།། །།བཅུད་ཀྱིས་ལེན་དང་གཏེར་དང་ཕུག་འགྲོ་དང་། །ནོར་བསྒྱུར་འབྱུང་ཁུང་སྔགས་དང་གསེར
137b3 བསྒྱུར་རྩི། །རིན་ཐང་མེད་པའི་རིན་ཆེན་ནོར་སྦྱིན་ཏེ། །བརྒྱད་པོ་བསྟན་པ་ཡོངས་སུ་བསྒྲགས་པ་ཡིན། །སྔགས་དང་ཕུག་ཏུ་འགྲོ་དང་བཅུད་ཀྱིས་ལེན། །སྡིག་པ་སྤོང་བར་བྱེད་པས་མཆོག་ཏུ་བསྟན། །རིན་ཆེན་དང་ནི་གཏེར་དང་འབྱུང་ཁུང་འབྲིང་། །གསེར་བསྒྱུར་རྩི་དང་ནོར་བསྒྱུར
137b4 ཐ་མའོ། །མི་ནི་སེམས་སྟོབས་ལྡན་ཞིང་ཆོས་ལ་བརྩོན། །དཀའ་ཐུབ་ཀྱིས་ཕྱུག་དང་པོར་བསྟན་པའི་སྣོད། །རྡུལ་ཤས་ཆེ་བ་ལ་ནི་འབྲིང་པོར་གསུངས། །ཐ་མ་ལ་ནི་མུན་པ་ཅན་གྱིས་བསྟེན། །གང་ཞིག་མཆོག་ཏུ་བསྟན་པ་བསྟེན་འདོད་པ། །དེས་ནི་ཐ་མར་བསྟན་པ་རྣམ་པར་སྤང་། །
137b5 གལ་ཏེ་ནོར་ལ་སྲེད་ཅིང་སྡུག་བསྔལ་གྱིས། །གདུངས་ན་འབྲིང་པོ་ལ་ནི་བསྟེན་པར་བྱ། །ལྷ་ཡི་བདེ་བ་དང་ནི་འབྱོར་པ་དང་། །ཚེ་དང་སྟོབས་གཟུགས་ཕུན་སུམ་ཚོགས་པ་དང་། །ཐོས་མང་མདངས་བཟང་གཅིག་ཏུ་ཡིད་གཞུངས་དང་། །དབང་ཆེ་ཀུན་དཀའ་ཐུབ་སྟོབས་ཀྱིས་འཐོབ། །ཆགས
137b6 ལ་རྣམ་བྲལ་དགེ་ལ་དགའ་བ་དང་། །རྟག་ཏུ་དཀོན་མཆོག་གསུམ་ལ་སེམས་གཞོལ་དང་། །སྡིག་པ་སྤངས་ཤིང་བཟླས་བརྗོད་ལྡན་པ་ཡི། །མི་ལ་ལྷ་རྫས་དངོས་གྲུབ་རིང་བ་མེད། །རྡོ་རྗེ་མཚོན་མེ་གནམ་ལྕགས་མཐུ་འདྲ་བའི། །གསང་སྔགས་མི་ཡི་འཇིག་རྟེན་མཆོག་སྦྱིན་མཛད། །འཇིག་རྟེན
137b7 འདི་དང་ཕ་རོལ་ཉིད་ན་ཡང་། །སྡུག་བསྔལ་སེལ་ཅིང་སྡིག་འཇོམས་གཞན་མེད་དོ། །གང་ཞིག་དཔག་བསམ་ལྗོན་པའི་ཤིང་ལྟ་བུར། །ལ་ལར་དངོས་གྲུབ་ལ་ལར་བསོད་ནམས་དང་། །གཞན་ལ་གཟུགས་སྟོབས་ཆེ་དང་བདེ་བ་དག་།ཡིད་མཐུན་འབྲས་བུ་འདོད་པའི་མི་ལ་སྩོལ། །གསང
iiif viewer powered by OpenSeadragon
