| e-texts navigator |
| Wylie |
133b1 པའམ་དོན་ཀུན་བསྒྲུབ་པར་ཤིས། །མེ་ཐབ་ལྕི་བ་གཙང་མས་བྱུགས་ནས་ཀྱང་། །ཐ་མ་ཐོག་ཏོག་ཀུ་ཤ་དགྲམ་པར་བྱ། །དཀོན་མཆོག་གསུམ་དང་ཕྱག་ན་རྡོ་རྗེ་དང་། །ཡུམ་ལའང་དད་པས་ཕྲེང་བ་བདུག་པ་དང་། །དྲི་དང་མཉམས་མེ་ཏོག་ཅི་སྙེད་པས། །ཆོ་ག་བཞིན
133b2 དུ་ལེགས་པར་མཆོད་པར་བྱ། །ཡམ་ཤིང་མང་པོ་ཐབ་ཀྱི་དྲུང་བཞག་སྟེ། །རླུང་ཡབ་ཀྱིས་ནི་མེ་ཡང་སྤར་བྱས་ནས། །སངས་རྒྱས་རྣམས་ལ་ཕྱག་བྱས་ཁྲོ་བོ་ནི། །བདུད་རྩི་འཁྱིལ་པས་མཉམས་པདྨ་འམ། །མ་གྲུགས་ཏིལ་ནག་ལས་ནི་བདུན་ནམ་བརྒྱ་ད། །བཅུ་འམ་ཉི
133b3 ཤུར་བསྲེག་བླུགས་མེ་ལ་བསྲེག་། ཀུ་ཤ་བཏིང་ངམ་ཁྲེས་སམ་རྩཝ་སྟན་ལ། །འདུག་ནས་ཤར་ཕྱོགས་ཁ་བསྟན་རྫས་རྣམས་ནི། །མར་དང་སྦྲང་རྩི་འོ་མ་ལ་བཏགས་ནས། །རང་གི་གསང་སྔགས་བསྒྲུབ་ཕྱིར་སྦྱིན་སྲེག་བྱ། །མེ་ཡི་མཚན་མ་ཉེ་བར་བརྟག་པ་ནི། །མེ་སྟག
133b4 དུ་བ་མེ་ལྕེ་སྒྲ་རྣམས་ལ་ས། །གྲུབ་པ་དང་ནི་མི་གྲུབ་ཐམས་ཅད་ཀྱང་། །སྔགས་ཀྱིས་བྱིན་བརླབས་མེ་ནི་སྟོན་པར་བྱེད། །དུ་བ་མེད་ཅིང་གསེར་གྱི་མདོག་ལྟར་དང་ས། །མེ་ལྕེ་རབ་ཏུ་ཆེ་ལ་གཡས་སུ་འཁྱིལ། །ཁ་དོག་འཇའ་འདྲ་ཡང་ན་དཀར་ཡང་རུང་། །ཡང་ན་བྱི་རུ་བ་ཅག
133b5 པའི་ཁ་དོག་འདྲ། །ཤིན་ཏུ་སྣུམ་ལ་མེ་ལྕེ་སྒབ་ནས་འཕྲོ། །རབ་ཏུ་འབར་བ་ཉི་མའི་འོད་ཟེར་འདྲ། །དབྱིབས་ནི་བུམ་པ་རྒྱལ་མཚན་གདུགས་ཀྱང་འདྲ། །དཔལ་བེའུ་དང་ནི་པདྨ་བླུགས་གཟར་འདྲ། །མེ་ལྕེ་ཏྲི་ཤུལ་རྡོ་རྗེ་རལ་གྲི་འདྲ། །ཡང་ན་ཤིང་རྟ་མཆོག་དང་རྔ་ཡབ་འདྲ། །རྫ
133b6 རྔ་རྔ་ཆེན་དང་ནི་གླིང་བུའི་སྒྲ། །དུ་བ་མེ་ལྕེ་དྲི་ཞིམ་མེ་སྟག་བཟང་། །ཡང་ནམ་སྤར་བར་ནི་འབར་འགྱུར་ན། །དེ་ཚེ་དངོས་གྲུབ་རྒྱ་ཆེན་ཐོབ་པར་འགྱུར། །དུད་པ་ཆེ་ཞིང་མེ་སྟག་རྒོད་པ་དང་། །འབར་བར་དཀའ་ཞིང་ཅུང་ཟད་ཅུང་ཟད་འབར། །མེ་ལྕེ་རྣམ་པར་ཆད་ཅིང་གཟི་མདངས
133b7 མེད། །རྩུབ་གནག་སྤྲིན་དང་པ་ལ་ཤ་ཡི་མདོག་།གསལ་ཤིང་འདྲ་ཞིང་ཞིབ་མའི་གཟུགས་ཀྱང་འདྲ། །ཕྱུགས་ཀྱི་མགོ་འདྲ་སྐྲ་ཡང་རབ་ཏུ་རྩུབ། །མེ་ལྕེ་འཕྲོ་བས་སྦྱིན་སྲེག་བྱེད་པ་ཚིག་།མི་རོའི་དྲི་ང་དངོས་གྲུབ་མེད་པ་སྟོན། །མེ་ལྕེའི་མཚན་མ་འདི་འདྲ་མཐོང་ནས་ཀྱང་། །སྟོབས
iiif viewer powered by OpenSeadragon
