| e-texts navigator |
| Wylie |
133a1 མོ་བྱིས་པར་ལུག་སོགས། །ཐབ་མོ་འགྱེད་པ་མི་བལྟ་མི་བྱའོ། །ཡུལ་སའི་གཏམ་དང་མི་དབང་བསྟན་པ་དང་། །དམག་དང་གྱད་དང་ན་ཆུང་གཏམ་དག་དང་། །སྒྲུང་ལྡེབས་དང་ནི་སྔོན་གྱི་ལོ་རྒྱུས་གཏམ། །འདོད་ཆགས་དང་ནི་སྨད་འཚོང་གཏམ་མི་བྱ། །
133a2 སྔགས་པ་གསང་སྔགས་བཟླས་པ་མནོས་པ་ནི། །གྲོང་དང་གྲོང་ཁྱེར་ཁྱིམ་དང་གཙུག་ལག་ཁང་། །མཆོད་རྟེན་བསྟི་གནས་རི་དང་དཀའ་ཐུབ་གནས། །ཀུན་དགའ་ལུ་མའམ་རྫིང་བུར་འགྲོ་མི་བྱ། །སྔར་བཤད་པ་ཡི་གནས་རྣམས་མ་རྙེད་ན། །ལྷ་ཁང་སྟོང་པ་དག་གམ་ཤིང་དྲུང
133a3 ངམ། །རི་དང་ཆུ་བོ་ཆུ་ཀླུང་འབབ་ཆུ་དང་། །ནགས་ཚལ་སྟོང་པ་དང་ནི་ཡུལ་སྟོང་དང་། །གནས་གང་རུང་བར་སྔགས་པས་གནས་ཤིང་བཟླས། །ཡང་ན་གནས་ནི་ངེས་པར་མ་བྱས་ན། །ཟླ་བ་བརྒྱད་པོ་འདི་ཡི་དུས་དག་ཏུ། །གནས་འདི་གང་ཡང་རུང་བ་ཞིག་ཏུ་བསྟེན། །མཚོ་དང་ཤིང་དང
133a4 རི་བོའམ་དགོན་པའི་གནས། །མཚེའུ་དང་ཁང་པ་གནས་སམ་ཆུ་ངོགས་སུ། །དགུན་དཔྱིད་ཟླ་བ་རྣམས་ལ་གནས་བྱས་ནས། །སྔགས་པས་དབྱརོ་ནི་གཅིག་ཏུ་གནས་བྱས་ཏེ། །ཅི་ལྟར་རྒྱལ་བས་དགེ་སློང་དབྱར་ཟླ་གསུམ། །ཚུལ་ཞུགས་གནས་གཞན་མི་འགྲོར་གསུངས་པ
133a5 བཞིན། །དེ་བཞིན་བཅོམ་ལྡན་འདས་ཀྱིས་བསྔགས་པ་ཡང་། །ཟླ་བ་གསུམ་དུ་གཅིག་ཏུ་གནས་པར་གསུངས། །སྔགས་པས་དབྱར་ནི་བ་སྒྲུབ་ལ་མི་འཇུག་པར། །བཟླས་བརྗོད་ཀྱིས་ནི་དུས་ཀྱང་འདས་པར་བྱ། །དབྱར་འདས་དང་ནི་གསང་སྔགས་གཟི་བསྐྱེད་པས། །བདག་ཉིད
133a6 བསྲུང་བྱས་བསྒྲུབ་ལ་འཇུག་པར་བྱ། །མེ་ཐབ་ཟླུམ་པོ་གྲུ་གསུམ་གྲུ་བཞི་དང་། །པདྨ་ལྟ་བུར་བྱ་ཞིང་དབྱིབས་ལེགས་ཤིང་། །འཇམ་ཞིང་ཤིན་ཏུ་མཉམ་པར་བྱས་ནས་སུ། །དེ་དག་ས་དང་ལྕི་བས་ལེགས་པར་བྱུག་།ཟླུམ་པོ་དབང་ཐང་བསྐྱེད་དང་ནོར་དགུག་དང་། །སྤྱན་དྲང
133a7 ཞི་བའི་ཆོ་ག་བྱ་བར་ཤིས། །གྲུ་གསུམ་དུ་ནི་དགར་བསྐྲད་བསད་པ་དང་། །གཤེད་བྱེད་ལ་སོགས་དྲག་པོའི་ལས་ཀྱང་བྱ། །གྲུ་བཞི་པར་ནི་ཀླུ་དང་གསང་བ་པའི། །སྲོག་བསྐམ་པའམ་ཡན་ལག་གཞིག་པར་བྱ། །པདྨའི་དབྱིབས་སུ་བུད་མེད་བུ་མོའི་གྲོང་། །ཡུལ་འཁོར་འཐོབ
iiif viewer powered by OpenSeadragon
