| e-texts navigator |
| Wylie |
130b1 སྟོང་པ་སྟེ། །ནོར་མེད་བུ་ཁྱོད་གཞན་དུ་སོང་ཤིག་ཅེས། །མཚན་མོ་རྒྱུ་བས་དེ་སྐད་བསྒོ་ན་ནི། །དེ་ལ་བདག་ནི་གང་དུ་འགྲོ་ཞེས་དྲི། །ལན་ཐོབ་དེ་ཉིད་རང་གིས་བརྟགས་ནས་སུ། །ཤ་དེ་བོར་ནས་དེ་ནས་འགྲོ་བར་བྱ། །ཤ་ཡི་ཆོ་ག་གང་ཞིག་ངས་གསུངས་པ། །
130b2 གསང་སྔགས་མ་བཟླས་པ་ཡིས་བསྟེན་མི་བྱ། །རིགས་མཆོག་གཙུག་ཏོར་སྟོབས་ཆེན་ལ་སོགས་པས། །དུར་ཁྲོད་དུ་ནི་བསྲུང་བ་རངས་གསུངས་སོ། །གསང་སྔགས་དྲག་པོ་གང་ཞིག་ཤ་ཟ་བ། །དེ་ལ་དུར་ཁྲོད་མི་ཤའི་སྦྱིན་སྲེག་བྱ། །རལ་གྲིས་སོར་གཉིས་སོར་གསུམ་ཙམ
130b3 དག་ཏུ། །གཏུབས་ནས་མེ་ལ་སྦྱིན་སྲེག་སྟོང་དུ་བྱ། །མེ་ཏོག་མཉམས་འབྲས་ཡོས་ཤ་ཁྲག་ཉ། །ཆང་དང་སྦྲང་རྩི་བུ་ར་མ་ཆང་དང་ཏིལ། །བདུག་པ་ཕྲེང་བ་བྱུག་པ་མར་མེ་ཆན། །ལྷ་བཤོས་གཏོར་མ་དུར་ཁྲོད་གཏོར་བར་བྱ། །དབབ་དང་བསྐྲད་དང་གཉིད་ཀྱིས་མྱོས་བྱ་དང་། །
130b4 དམག་གཞོམ་གྲོང་ཁྱེར་ཕུང་བར་བྱ་བ་དང་། །ཤ་ཟ་མ་མོ་དྲག་མོ་སྲིན་མོའི་ཚོགས། །གནོད་སྦྱིན་རྣམས་ལ་མི་ཤའི་སྦྱིན་སྲེག་བྱ། །མི་ཡི་ཤ་ནི་རྙེད་པར་མ་གྱུར་ན། །བ་གླང་ཤ་ཡི་སྦྱིན་སྲེག་དེ་བཞིན་ཤིས། །མ་ཧེའི་ཤ་འམ་ཁྱི་ཤ་མར་བསྲེས་ལ། །ཚེས་གྲངས་དག་ལ་སྨྱུང་བྱས་སྦྱིན
130b5 སྲེག་བྱ། །གནོད་སྦྱིན་མོ་ཡ་ཆོ་ག་ཞིབ་མོར་ནི། །གསང་སྔགས་མཉེས་བྱས་གྲུབ་པ་འདི་རྣམས་སྟེར། །མ་དང་སྒྱུག་མོ་སྲུ་མོ་གྲོགས་མོ་དང་། །བུ་མོ་ཆུང་མ་མནའ་མར་གྲུབ་པར་འགྱུར། །མ་དང་སྒྱུག་མོ་སྲུ་མོ་གང་ཡིན་དེ། །ཡིད་བཞིན་རིན་ཆེན་བཞིན་དུ་གྲུབ་པ་མཆོག་།ཡིད
130b6 འོང་གྲོགས་མོ་བུ་མོ་གྲུབ་པ་འབྲིང་། །ཆུང་མ་མནའ་མ་གྲུབ་པ་ཐ་མར་བསྒྲགས། །དུས་གསུམ་དུ་ནི་མེ་ཏོག་ཕྲེང་བ་དྲི། །མར་རམ་འབྲུ་མར་མར་མེ་ཙནྡན་དང་། ། ཀར་དྲི་ཞིམ་བདུག་པས་མཆོད་པ་དང་། །གཏོར་མ་སྣ་ཚོགས་རྟག་ཏུ་མཚན་མོ་སྦྱིན། །གནོད་སྦྱིན་མོ་ནི་དགའ
130b7 ནས་མངོན་ཕྱོགས་ནས། །རྙེད་པ་རྙེད་ཅིང་ས་བོན་འབྱུང་བར་བྱེད། །འདོད་ཆགས་ཟིལ་གྱིས་ནོན་པའི་བུད་མེད་དག་།གནོད་པ་བྱེད་པ་ངེས་པར་གནས་པར་འགྱུར། །བསམས་ན་ཕུང་བར་ཡང་ནི་འགྱུར་བ་ཉིད། །བུད་མེད་གནོད་པ་བྱེད་ཚེ་འགྲོ་མི་བྱ། །རྙེད་པ་མང་ཉུང་ལ་ཡང
iiif viewer powered by OpenSeadragon
