| e-texts navigator |
| Wylie |
129b1 དང་། །བཞི་མདོ་འབབ་ཆུ་དག་གམ་ཆུ་ཀླུང་ངམ། །མཚོ་འམ་རྒྱ་མཚོ་འམ་ནི་རི་བོ་ལ། །སྐད་ཅིག་གིས་ཀྱང་རོ་ལངས་འགྲུབ་པར་འགྱུར། །གང་ཡང་རུང་བའི་གནས་གཅིག་བརྟགས་ནས་ནི། །ས་དང་ལྕི་བ་ལ་སོགས་བྱུག་པར་བྱ། །གཙང་མ་དེར་ནི་དཀར་ནག་དམར་པོའམ། །
129b2 ཚོན་རྩ་སྣ་ཚོགས་རྣམས་ཀྱིས་དམ་ཚིག་བྲི། །གོང་དུ་སྨོས་པའི་དཀྱིལ་འཁོར་དེ་རྣམས་ལས། །བསམས་ནས་འདོད་པ་གང་ཡང་རུང་པ་གཅིག་།དད་པ་ཆེན་པོས་རིགས་ཀྱི་ཡུམ་གྱི་མཆོག་།ཟློས་ཤིང་རབ་ཏུ་བསྒྲིམས་ཏེ་བྲི་བར་བྱ། །འཇིགས་པ་མེད་པའི་གཡོག་གིས་ངེ་བླངས
129b3 ནས། །ཁྱེར་ནས་འོངས་ཏེ་ཀུ་ཤའི་སྟེང་བཞག་སྟེ། །སྐྲ་དང་ཁ་སྤུ་རྣམས་ཀྱང་བྲེགས་ནས་སུ། །དེ་ཡི་མོད་ལ་འབྲུ་མར་དག་གིས་བསྐུ། །དེ་ནས་བུམ་པ་ཞབས་མི་གནག་པ་བཞི། །གཙང་མའི་ཆུས་བཀང་ཁྲུས་རྩིས་སྦྱར་ཏེ་བཀྲུ། །དེ་ནས་གོས་དཀར་ཕྲུགས་ཅིག་བསྐོན་ནས་སུ། །
129b4 དེ་ནས་དཀྱིལ་འཁོར་དབུས་སུ་རྩཝ་སྟན་དང་། མ་ཉམས་མེ་ཏོག་སྟེང་དུ་རོ་བཞག་ཅིང་། །རོ་ཡི་མགོ་བོ་ཤར་རམ་བྱང་དུ་བསྟན། །དྲི་ཡིས་བྱུག་ཅིང་བདུག་པས་བདུག་པར་བྱ། །ཕྲེང་བས་གདགས་ཤིང་མེ་ཏོག་སིལ་མས་གཏོར། །ཤད་པ་ཉ་ཤམ་པ་བུ་ཏིལ་བསྲེས་པའི། །ཁུར་བ་ལ་སོགས
129b5 ཅི་སྙེད་བུངས་བསྐྱེད་དེ། །འབྱུང་བོ་ཀླུ་དང་ཤ་ཟག་ནོད་སྦྱིན་དང་། འདྲེ་ལ་བླ་འོག་ཕྱོགས་སུ་སྦྱིན་པར་བྱ། །གྲོགས་པོ་མཆོག་ལྡན་བདག་ཉིད་བསྲུང་བྱ་སྟེ། །རྩེ་གཅིག་སེམས་ཀྱིས་གསང་སྔགས་བཟླས་བརྗོད་བྱ། །རོ་ནི་ལྡང་དུ་ཉེ་བའི་ཚེ་ན་ནི། །འཇིགས་པའི་གཟུགས་ཅན་བགེགས་ནི་སྣ་ཚོགས
129b6 འབྱུང་། གཙུག་ཏོར་རྒྱལ་པོའི་སྔགས་གྱིས་ཐལ་བའམ། །མ་གྲུགས་ཡུང་ཀར་སོགས་ལ་བསྔགས་ནས་སུ། །གཏོར་ནས་ཕྱོགས་བཞི་དག་ནས་འོང་བའི་བགེགས། །གསང་སྔགས་མཐུ་ཡིས་དེ་དག་འབྱོར་བར་འགྱུར། །དེ་དག་ཞི་བར་བྱ་ཕྱིར་ཁྲོ་བོ་ནི། །བདུད་རྩི་ཐབ་སྦྱོར་དྲག་ཤུལ
129b7 ལས་ཅན་སྦྱར། །བགེགས་རྣམས་བཅོམ་པས་དེ་ནས་རོ་དེ་ཡང་། གསང་སྔགས་མཐུ་ཡིས་མྱུར་དུ་ལྡང་བར་འགྱུར། །གང་ཞིག་གསང་སྔགས་ཆོ་གཞི་བ་མོ་ལས། །མཐོང་བ་དེ་ནི་ཐོགས་མེད་ངེས་པར་འགྲུབ། །གལ་ཏེ་རོ་དེ་ལངས་པར་གྱུར་པ་ལས། །དེ་ཡི་གསང་སྔགས་ཆོ་ག་མི
iiif viewer powered by OpenSeadragon
