| e-texts navigator |
| Wylie |
129a1 བམ། །གལ་ཏེ་རྒྱན་རྣམས་གཡོ་བར་གྱུར་པའམ། །མཁའ་ལས་མེ་ཏོག་ཆར་རམ་རྫི་ཆར་འབབ། །ས་ནི་མྱུར་དུ་གཡོ་བར་གྱུར་པའམ། །ལུས་ནི་མི་སྣང་མཁའ་ལས་ཚིག་ཏུ་ནི། །བུ་གཅིག་དམ་པ་ཅི་འདོད་སློངས་ཤིག་ཅེས། །ལྷ་ཡི་རྔ་སྒྲས་ལུས་ཀྱི་བ་སྤུ་ལྡང་། །
129a2 རྒྱན་གྱི་ཆར་ཆེན་རབ་ཏུ་འབབ་བའམ། །ཅི་སྟེ་མཁའ་ལ་ལྷ་དག་ལྷ་མིན་དང་། །གསང་སྔགས་གཟུགས་ནི་མངོན་དུ་མཐོང་ན་འགྲུབ། །མ་ཉམས་མེ་ཏོག་དབྱིག་དང་ཆུར་བསྲེས་ཤིང་། །བསྟོད་དང་བཅས་པར་མཆོད་ཡོན་རྒྱུན་སྤྲིང་ནས། །རྩེ་གཅིག་སེམས་ཀྱིས་མགོ་བཏུང
129a3 ཕྱག་བྱས་ཏེ། །དད་དང་འབད་པའི་རྗེས་མཐུན་མཆོག་སླང་ངོ་། །མཆོག་ཐོབ་ནས་ནི་དགའ་བས་ཕྱག་བྱས་ཏེ། །དད་པས་བསྟོད་ཅིང་མཆོད་ཡོན་ཕུལ་ནས་སུ། །གསང་སྔགས་བརྗོད་ཅིང་སླར་ཡང་གཤེགས་སུ་གསོལ། །གསང་སྔགས་ཀུན་ལ་ཚུལ་ནི་འདི་ཡིན་ནོ། །གང་ཞིག་སེམས
129a4 སྟོབས་མཆོག་དང་ལྡན་པ་དེས། །འདིར་ནི་འཇིགས་དང་བཅས་པའི་ལས་ཀྱང་བྱ། །སེམས་སྟོབས་ཆུང་བའི་མི་ལ་ཤ་ཟ་ཡིས། །གླགས་མཐོང་ནས་ནི་ཕུང་བར་བྱེད་པར་འགྱུར། །དཔའ་བོས་གོ་བགོས་མཚོན་ཆའི་ཐབས་མཁས་པས། །ཆས་པའི་གླང་ཆེན་མཆོག་ཞོན་གཞུ་ཐོགས
129a5 ཏེ། །མདའ་འཕེན་མཐུ་དང་ལྡན་པ་གཅིག་པུས་ཀྱང་། །དགྲ་བོའི་ཚོགས་ཀུན་ལས་ནི་རྒྱལ་བར་ནུས། །དེ་བཞིན་སེམས་སྟོབས་ཆེན་པོའི་ཚུལ་ཁྲིམས་ཀྱི། །གོ་བགོས་ལེགས་བསྲུངས་གླང་ཆེན་ཞོན་ནས་སུ། །གསང་སྔགས་གཞུ་ཐོགས་བཟླས་བརྗོད་མདའ་འཕེན་པས། །འབྱུང་པོ་ལ་སོགས
129a6 མཚན་མོ་རྒྱུ་ལས་རྒྱལ། །སྒུར་པོ་ཡན་ལག་ལྷག་ཆད་ཐུང་ངུ་དང་། །དེ་བཞིན་རིང་པོ་ཡང་ན་སྦོམ་པོའམ། །སྨད་པའི་མངལ་ནས་སྐྱེས་པ་མ་ནིང་ངམ། །རྣམ་པ་དེ་འདྲའི་རོ་དག་སྤང་བར་བྱ། །མ་ཞུ་བ་དང་རིམས་དྲག་ཚད་པ་དང་། འཁྲུ་སྐྱུག་བཅིངས་དང་ཆུ་དང་གསལ་ཤིང་དང་། །སྦྲུལ
129a7 གྱིས་གསང་དམ་དུག་གིས་ཤི་བའམ། །བདག་ན་སྦྲུལ་སོགས་མཐོང་དམིགས་བསད་བ་ལ། །ཡན་ལག་ཚང་ཞིང་བ་བཞིན་མ་སྨད་པ། །ལུས་ལ་རྨ་མེད་སྐྱེས་བའི་རོ་མཐོང་ན། །རལ་གྲི་བེ་ཅོན་ལག་ན་ཐོགས་པ་ཡིས། །ཉིན་པར་ཐོག་ཐག་ཏུ་ནི་བསྲུང་བར་བྱ། །དུར་ཁྲོད་ཁང་སྟོང་དང་ནི་ཤིང་གཅིག
iiif viewer powered by OpenSeadragon
