| e-texts navigator |
| Wylie |
127b1 དགེ་བསྙེན་རྣམས་དང་ས་བདག་ལྷ་རྣམས་དང་། མཆོད་གནས་བྲམ་ཟེ་ཡིད་འོང་སྐྱེས་བུ་དང་། མི་དང་མི་མཆོག་ཕྱུག་ཅིང་འབྱོར་པའི་བུ། །ཕ་མ་མཛའ་བཤེས་གཉེན་དང་གནོད་སྦྱིན་དང་། གྲུབ་པའི་ལྷ་དང་ན་ཆུང་ཚོགས་དག་དང་། ཅི་སྟེ་ཉི་མ་ཟླ་བ་ཟ་བ་དང་། །
127b2 ས་ཡི་ནང་འགྲོ་ས་བོན་འཐུང་བ་དང་། མེ་ལ་རྫི་ཞིང་ཤ་ནི་ཟ་བ་དང་། ལུས་ཀྱི་ནང་དུ་མེ་ནི་ཞུགས་པ་མཐོང་། །རྨི་ལམ་བཟང་པོ་འདི་དག་མཐོང་བ་དང་། དེ་དག་རིང་པོར་མི་ཐོགས་འགྲུབ་པར་འགྱུར། །ཟླ་བ་གཅིག་དང་ཟླ་ཕྱེད་ཉིན་ཞག་དང་། །སྐད་ཅིག་གིས་ཀྱང་ཕྱིར
127b3 ཕྱིར་ཉེ་བར་འགྱུར། །འཕགས་པ་དབུང་བཟང་གིས་ཞུས་པའི་ལེའུ་ལྔ་པའོ།། །།དངོས་གྲུབ་ཉེན་ཟློས་ལ་དགའ་བ་དང་། །སེམས་ནི་སྡིག་ལ་ནམ་ཡང་དགའ་མི་འགྱུར། །བཀྲེས་སྐོམ་ཚ་གྲང་རླུང་དང་ངལ་བ་ཡི། །སྡུག་བསྔལ་དྲག་པོས་གདུངས་ཀྱང་གཡོ
127b4 མི་འགྱུར། །སྦྲང་བུ་ཤ་སྦྲང་སྲིན་བུ་གྲོག་སྦུར་དང་། སྡིག་སྦྲུལ་རྐང་བརྒྱ་བ་དང་སྤྲུལ་དང་དྲེད། །ཤ་ཟ་སྲུལ་པོ་རྣམས་ཀྱང་དེ་དག་གི། །ལུས་དང་གྲིབ་མ་ལ་ཡང་མི་འགོང་ངོ་། །ཚིག་ནི་གཟུང་བར་འོས་ཤིང་ཡིད་གཞུངས་ལ། །སྙན་དངགས་དག་ནི་དྲི་བ་རྣམས་ལ་མཁས།།
127b5 ཆོས་ལ་མངོན་དགའ་གཏེར་རྣམས་མཐོང་བ་དང་། ལུས་ཀྱི་ན་དང་དྲི་མ་མེད་པར་འགྱུར། །སྐྱེས་བུས་མཐོང་ངམ་ཐོས་པར་གྱུར་ཀྱང་རུང་། །མྱུར་དུ་མངོན་དགའ་ཡིད་དུ་འོང་བར་འགྱུར། །བུད་མེད་འདོད་ལྷའི་མདས་ཕོག་པ་རྣམས་ཀྱིས། །འདོད་ལ་ལོངས་སྤྱོད་ཕྱིར་ནི་འབོད་བར
127b6 འགྱུར། །གང་ཚེ་མཁས་པས་ལྷ་དང་གནོད་སྦྱིན་དང་། །དྲི་ཟ་ལྷ་ཡི་བུ་མོའི་གཟུགས་དང་སྒྲ། །མིས་ནི་དགའ་བའི་ཡིད་ཀྱིས་མཐོང་ཐོས་ན། །དེ་ཚེ་ཤིན་ཏུ་ཉེ་བར་གྱུར་པ་ཡིན། །ལུས་ནི་དྲི་མེད་དག་པར་རིག་པ་དང་། །གསོ་སྦྱོང་སྡོམ་པ་དང་ནི་ལྡན་པ་ཡིས། །ཉིན་ཞག་གཅིག་གམ
127b7 གཉིས་སམ་གསུམ་དུ་ནི། །ཁ་ཟས་སྤངས་ཤིང་སྨྱུང་བར་གནས་པ་ཡིས། །ཉི་ཞག་དེ་དག་འདས་པར་བྱས་ནས་སུ། །རང་གི་འབྱོར་ཕྱིར་བསྒྲུབ་ལ་འཇུག་པར་བྱ། །གསུང་དེ་དབུང་བཟང་གིས་ཐོས་སླར་གསོལ་པ། །ཟས་ཀྱིས་མི་བདག་ཅེས་ནི་སྔར་གསུངས་ན། །མཆོད་འོས
iiif viewer powered by OpenSeadragon
