| e-texts navigator |
| Wylie |
127a1 མིས། །ས་ཆུ་མེ་རླུང་སྐྱེ་རྒ་ན་འཆི་སོགས། །བར་དང་ཐ་མ་གནོད་བ་ཀུན་བྲལ་བ། །རྣམ་གྲོལ་བདེ་ཞིང་ཞི་འཐོབ་བར་འགྱུར། །གསང་སྔགས་དངོས་གྲུབ་ཀུན་དང་ཐུན་མོང་བ། །བདེ་བ་ཆུང་ཞིང་སྡུག་བསྔལ་བརྒྱ་དང་འབྲེལ། །ཉོན་མོངས་དུག་བཅས་རྣམ་པར
127a2 འཇིག་འགྱུར་བ། །དང་བའི་སེམས་ཀྱིས་ཐོབ་པར་འགྱུར་བ་ཡིན། །འདོད་རྒྱལ་ལས་ལས་མ་བྱུང་དུས་ལས་མིན། །རང་བཞིན་དབང་ཕྱུག་ལས་ཀྱང་བྱུང་བ་མིན། །རྒྱུ་མེད་ཅན་མིན་སྐྱེས་བུས་མ་བྱས་ཀྱང་། །ལས་དང་ཉོན་མོངས་པ་ལས་སེམས་ཅན་བྱུང་། །གཟུགས་ནི་འབྱུང་བ
127a3 ཆེན་པོ་བཞི་དང་ལྡན། །དེ་ནིས་བདག་མིན་བདག་ཀྱང་གཟུགས་མ་ཡིན། །གཟུགས་ལ་བདག་མེད་བདག་ལ་གཟུགས་མེད་དེ། །གཟུགས་ནི་སྟོང་པའོ་ཕུང་བཞིའང་རིག་པར་གྱིས། །གཟུགས་ནི་དབུ་བ་དག་དང་འདྲ་བ་སྟེ། །ཚོར་བ་ཆུ་བུར་བཞིན་དུ་རྟག་པ་མེད། །དེ་ལྟར་མཐོང་པ
127a4 ལྟ་བ་བཟང་པོ་ཡིན། །གང་ཞིག་གཞན་གུར་དེ་ནི་ལྟ་ངན་གསུངས། །དེ་ལྟར་ཟློས་པའི་གསང་སྔགས་ཉེ་གྱུར་ན། །མཚན་མོ་ཉལ་ནི་རྨི་ལམ་འདི་དག་མཐོང་། །ཁང་ལྗོན་ཤིང་རྒྱལ་མཚན་སེང་གེ་རྟ། །རི་བོ་ཤིང་རྟ་སྒྲ་ལྡན་སྤྲིན་དང་ཀླུ། །སྟག་དང་སེང་གེ་གླང་ཆེན་ཁྱུ་མཆོག
127a5 ལ། །རྨི་ལམ་ན་ནི་དགའ་བས་ཞོན་པ་དང་། མེ་ཏོག་ཕྲེང་བ་གོས་དང་དྲི་རྣམས་དང་། ཤ་ཆང་ཉ་དག་འབྲས་བུ་གླེགས་བམ་དང་། ལྷ་ཡི་གཟུགས་དང་ཨུཏྤལ་དམར་པོ་དང་། །ཤིང་རྟ་གང་བའམ་བ་བཞོན་བེའུ་ཕྲུག་ཅན། །གདུགས་དཀར་རྔ་ཡབ་ལྷམ་དང་རལ་གྲི་དང་། །
127a6 བསིལ་ཡལ་གསེར་གཡུ་ཅན་དང་ཕྲེང་བ་དང་། ནོར་བུ་མུ་ཏིག་ཉ་ཕྱིས་དུང་དང་དངུལ། །བུད་མེད་གཟུགས་བཟང་ཡིད་འོང་ཕུ་མོ་དང་། །རིན་ཆེན་སྣ་ཚོགས་རྣམས་ཀྱིས་སྤྲས་པའི་རྒྱན། །མལ་སྟན་དཀར་པོ་བཏིང་བརྙེད་པ་དང་། །ཐོ་རངས་ཁར་ནི་ཆུ་པོ་ཆུ་ཀླུང་དང་། །འབབ
127a7 ཆུའམ་རྒྱ་མཚོ་དང་ནི་རྫིང་བུ་དང་། ལུ་མ་ལ་ནི་འཐུང་ངམ་རྒྱལ་རྨི་དང་། དེ་བཞིན་ཁྲག་གིས་ལུས་ནི་ཁྲུས་བྱེད་དང་། ལྷ་ཁང་མཆོད་རྟེན་གདུགས་དང་རྒྱལ་པའི་གཟུགས། །བྱང་ཆུབ་སེམས་དཔའ་མཆོག་དང་རང་སངས་རྒྱས། །ཟག་མེད་དགེ་འདུན་དགེ་སློང་དགེ་སློང་མ། །
iiif viewer powered by OpenSeadragon
